婉子的輕狂心事

December 12, 2006

Vanilliekipfel

bearmay 在天空部落發表於21:16:34 | Hobbit食誌

依個Vanilliekipfel係另一種德國傳統既聖誕曲奇餅，亦係湯馬同婉子既最愛，一個個好似半月咁，有濃濃既雲尼拿味，咬落仲非常酥脆，放响曲奇盒裡面，仲可以放上好幾個禮拜，但係係非常之肥.... 做法非常簡單，想試下德國聖誕風味，又唔怕肥，好值得試下哦～！

觀看全文...

人氣 () | 回應 (17) | 引用 (0)

November 23, 2006

炸蝦天婦羅

bearmay 在天空部落發表於19:13:20 | Hobbit食誌

今晚証實咗，用「垃圾飯」（Leftover... 湯馬自創詞）都可以做出好味晚飯！！尋晚我哋打邊爐食淨咗幾隻蝦同埋半個白蘿蔔，露台又有仲半包四季豆，我將佢哋變身成為美味既炸蝦天婦羅定食！！

觀看全文...

人氣 () | 回應 (9) | 引用 (0)

November 15, 2006

我愛蝴蝶酥

bearmay 在天空部落發表於20:16:19 | Hobbit食誌

從來都未諗過蝴蝶酥係咁易整架！突然心血來潮，去揾食譜，先至發現我心愛既蝴蝶酥，只要懶人酥皮、砂糖，同二十分鐘。睇住佢哋响焗爐度變大，變成一隻隻蝴蝶，好神奇呢～！用嚟送咖啡做下午荼，一流呢～！！餅碎都好鍾意食，食到停唔到口！！

觀看全文...

人氣 () | 回應 (10) | 引用 (0)

November 15, 2006

美式雞批（Chicken Pot Pie）

bearmay 在天空部落發表於19:39:16 | Hobbit食誌

簡單美味既American Pie，你都試吓啦！

觀看全文...

人氣 () | 回應 (7) | 引用 (0)

November 12, 2006

生日整雞批

bearmay 在天空部落發表於00:15:45 | Hobbit食誌

今日係我一年一度既生日，上年講過啦，今年開始唔再提歲數，唔好問啦～！今年湯馬送咗一個新客廳俾我，換咗客廳既所有傢俬，一共五件，終於有張「L」形梳化啦！仲有「購物日」一日！！好開心呀，今年正日德國爸媽、妹妹同男友一起過嚟同我慶祝，德國媽媽送咗好多禮物俾我呀！有一套靚靚咖啡杯、朱古力、濾水器、生日蠟燭+燭台，同埋愛心生日蛋糕，德國爸爸俾咗啲錢我去Roxy買衫，德國妹妹就送咗一套Bodyshop既handcream+lipstick套裝俾我。我整咗一個美式雞批，湯馬煮咗一個雜菜湯作為我既生日晚餐。

觀看全文...

人氣 () | 回應 (13) | 引用 (0)

November 11, 2006

神秘生日聚餐

bearmay 在天空部落發表於00:09:07 | Hobbit食誌

湯馬同朋友們為我安排咗一個神秘聚餐，湯馬好努力咁呃我，佢同我講佢訂咗枱同去慶祝生日，但係佢死都唔同我講會去邊，神神秘祕咁，又叫我要著靚啲。其實我有起疑心架，尤其係點解會提早一日慶祝，而且臨去之前佢又收到神秘SMS，但係去到餐館時又一個人都冇，突然間朋友們出現，大叫：「咁啱嘅？做生日呀？」哈！哈！！
我哋食咗一餐美味越南菜，多謝哂呀各位！！

觀看全文...

人氣 () | 回應 (5) | 引用 (0)

November 9, 2006

呃細路的曲奇餅

bearmay 在天空部落發表於17:40:39 | Hobbit食誌

為咗個靚靚曲奇餅盒同埋啲曲奇印，答應湯馬會焗啲曲奇餅，都好耐無焗過曲奇餅啦！因為我只鍾意新鮮熱辣既曲奇，所以通常淨底嗰啲，都會全數去咗湯馬肚裡去.....！為咗『肥湯』變返做『靚湯』，所以唯有唔焗，等佢無得食！！今次好簡單咁，做咗啲牛油曲奇餅，個新曲奇印好好用呢～！然後再用黑朱古力、糖粒同埋果醬做裝飾，做咗其中一種傳統聖誕曲奇餅。

觀看全文...

人氣 () | 回應 (8) | 引用 (0)

November 5, 2006

菠菜煙肉酥皮包

bearmay 在天空部落發表於19:33:09 | Hobbit食誌

又係食菠菜既季節啦！响德國唔同香港咁，成日有新鮮菠菜食，平常只可以有時响亞洲鋪揾到中式新鮮菠菜，其他時間就只有食急凍既。每年依個時候都有包好既鮮鬼佬菠菜賣，我依個菠菜怪又可以大食餐飽！！今晚我整咗好味又容易既菠菜煙肉酥皮包～。

觀看全文...

人氣 () | 回應 (7) | 引用 (0)

November 4, 2006

日式叉燒蓋飯

bearmay 在天空部落發表於18:56:50 | Hobbit食誌

响好易做揾到食譜，但係揾唔到梅頭豬肉，用咗乳豬腩起骨代替，真係好容易煮呀！味道仲好正，只係塊豬皮唔夠淋，下次一定要揾舊梅頭試多一次！其實本來係想做叉燒湯烏冬，但係煮好日式叉燒時，先至發現無哂烏冬....！成日以為响士多房有好多..... 原來只係有好多意大利粉.....！！！唯有轉做蓋飯，好彩仲未用柴魚絲同白蘿蔔煮湯底，唔係就嘥哂啲心機嘞！！

觀看全文...

人氣 () | 回應 (5) | 引用 (0)

November 3, 2006

超強咖啡機～ Nespresso

bearmay 在天空部落發表於23:14:35 | Hobbit食誌

婉子家一向都係冇咖啡機，因為一想起每一次為咗一兩杯咖啡，就要清潔一大餐，就連飲咖啡既興趣都冇埋，而且啲咖啡粉一放得耐就唔好味，成日有個趕住飲既感覺。所以我一向反對買咖啡機，直到我見識到Nespresso既威力.....

觀看全文...

人氣 () | 回應 (13) | 引用 (0)

October 6, 2006

等了一年的月餅... 隻黃

bearmay 在天空部落發表於20:23:09 | Hobbit食誌

等咗一年，終於等到中秋節，終於有得食月餅.... 隻咸蛋黃！！因為亞洲有禽流感，咸蛋同埋皮蛋都被禁止入口，我已經有好耐無食咸蛋啦！朋友Kim响中秋前返咗香港一轉，帶咗一盒美心雙黃白蓮蓉返嚟，本來要同十幾人一齊响追月聚會分，點知嬌姐叫我哋一齊响中秋去陪老婆「出走」台灣既Kim過節，食完飯之後，Kim提意切個月餅嚟食應下節，哈～！哈～！！我輕而易舉咁獲得咸蛋黃估高比例既一件！！

觀看全文...

人氣 () | 回應 (3) | 引用 (0)

September 28, 2006

滕屋料理

bearmay 在天空部落發表於15:59:54 | Hobbit食誌

一間位於一個亳不起眼地點既日本料理，深深咁隱藏响住宅區中間，要揸車去揾，都兜咗兩個圈先揾到；前一排聽响日本公司做既朋友提起，話非常好食，令我一直都想去試，直到另一個朋友去食完之後講：「啲嘢食係好正，但係千其唔好响晚飯去！！」終於等到湯馬中午係响屋企，所以就走去試，點知..... 第一日，我哋兩點二十分到，好有原則既日本待應話要午後休息（14:30-18:00)，明天請早！！第二日，我哋十二點到，終於食到，而且明白朋友既意思.... 打開餐牌，真係貴到咋舌，有興趣可以噤去佢哋個餐牌睇吓。出奇地啲午餐套餐，反而好鬼抵食！！

觀看全文...

人氣 () | 回應 (10) | 引用 (0)

September 21, 2006

雜菜火腿椰菜卷

bearmay 在天空部落發表於22:48:29 | Hobbit食誌

婉子家最近開始咗減肥計畫，因為湯馬自從响香港返咗德國之後，由婉子七嬸口中既「靚仔湯」變成「肥仔湯」......！而婉子亦都响生完粒餅碎後肥咗啲啲.... （好啦.... 肥咗好多至真）。而且因為我哋一向都响食依方面冇乜節制，鍾意食就食，而冇諗過年紀日大，體重日增...！！我怕鍾意食肉既湯馬，見到一枱既蔬菜會偏咀，所以我盡量花啲心思，整啲特別嘢佢食，今日就準備咗由Nikoru介紹既「雜菜火腿椰菜卷」噙嘞！

觀看全文...

人氣 () | 回應 (14) | 引用 (0)

September 19, 2006

XO醬甜豉油紅棗北菇蒸雞飯

bearmay 在天空部落發表於21:40:11 | Hobbit食誌

一個好長既名呀！其實一切只因為貪心......
睇見好多人依幾日都响度整北菇蒸雞飯，慕尼黑又轉凍，日日天陰陰，所以引到我又想蒸埋一份。我就攞咗其中一舊準備俾餅碎既雞胸，浸咗一隻大冬菇，準備我既北菇雞飯嘞！點知突然諗起婉子媽提過用紅棗蒸餸，所以就揾幾粒紅棗加埋落去；响等飯熟途中，又俾我响飲食男女睇到有關XO醬既報導，令我諗起「歐歐XO醬」係幾咁好味，同大叔一句：「配咩都咁好食！」，所以我就响飯熟時，加咗兩匙梗仔。响揾XO醬時，又俾我見到煲仔飯甜豉油，最後就搞咗一碗「XO醬甜豉油紅棗北菇蒸雞飯」！

觀看全文...

人氣 () | 回應 (11) | 引用 (0)

September 12, 2006

合桃酥

bearmay 在天空部落發表於16:24:55 | Hobbit食誌

大家都會留意到，自從餅碎生日後，我就潛咗水呢？完全係因為生日會時，朋友俾咗Lost既Season 2我，之後當然我就埋頭苦幹咁睇啦！啱啱過咗嗰個星期六，我哋又有聚會，我又得到24既Season 5、美女廚房1-9（唔好問點解！如果想睇10-13，去youtude揾啦！）、10套新戲（有埋The Lake House呀！！都話唔好問點解囉！！！），我又好忙啦！！

但係見到梁太整嗰啲合桃酥咁吸引，我又忍唔住出手啦～！

觀看全文...

人氣 () | 回應 (10) | 引用 (0)

September 4, 2006

Das perfekte Dinner

bearmay 在天空部落發表於15:31:42 | Hobbit食誌

由九月開始，婉子正式成為名副其實既「家庭主婦」，你會問：「乜你唔係一直都係「家庭主婦」嗎？」答案係，我本來只係「全職媽媽」咋！有乜嘢分別？我之前好少去買餸，通常係湯馬一手包辨。由九月開始，湯馬會俾咗架車我，佢自己就坐火車返工，而我就要做屋企既跑腿嘞，而且務求每晚準時準備好晚餐，我開始揸車去唔同既超級市場做格價專家，但係.... 我諗我重要學吓「超市購物技巧」，我成日唔記得攞齊嘢，响裡面走來走去......！！

為响「慶祝」咁重要既一日，我做咗一個perfekte Dinner（完美晚餐）！

觀看全文...

人氣 () | 回應 (4) | 引用 (0)

August 14, 2006

流落慕尼黑的香港人的火鍋大會

bearmay 在天空部落發表於20:36:56 | Hobbit食誌

依個夏天，個個都好忙，好難有時間聚一聚，但係仍然無辨法約哂所有人，今次大家嚟我哋屋企，一齊打邊爐。哈～！唔洗怕，慕尼黑有兩個星期成日落雨，氣温只有十幾度，所以係打邊爐既Prefect Weather！！（天文台話星期四會熱返喎）我哋由三點Tea Time開始，一直嘻嘻哈哈到十點幾，大家仍然唔係咁想走呢～！

觀看全文...

人氣 () | 回應 (13) | 引用 (0)

August 9, 2006

流落慕尼黑的香港人生日晚飯局

bearmay 在天空部落發表於19:49:03 | Hobbit食誌

今次係我哋既Chairlady，人稱「嬌姐」既Sheren既生日，因為佢正日會去旅行，所以我哋就提早一晚同佢慶祝。我哋先用藉口叫佢去訂枱，再暗中打去訂咗啲神祕壽包，而多計仔既Ronny更加駛佢老婆去買咗一套性感內衣俾嬌姐添，鼓勵佢哋去旅行時要努力「造人」。嬌姐同佢老公一打開份禮物時都勁開心呢！！我哋又一次成為全餐館最嘈既一枱，玩得好鬼開心呀～！

觀看全文...

人氣 () | 回應 (8) | 引用 (0)

August 5, 2006

敗家都要食... 榴蓮！

bearmay 在天空部落發表於17:23:26 | Hobbit食誌

有四年無食過榴蓮啦！仲記得以前响香港時，我好鍾意放工買一盒去湯馬屋企食，佢每一次都好慘咁忍受啲榴蓮「香」，我一食完佢就用九秒九既速度，拎啲核落樓下垃圾站....！！响亞洲鋪一直都有原隻榴蓮賣，但係因為一來自己唔識睇靚唔靚，二來湯馬又唔食，自己無可能食哂咁多，所以一直以來都淨係得個望字。
突然事情有改變啦！其中一間亞洲鋪開始開咗啲榴蓮，一份份包好，好似香港啲超市咁賣，可以容易啲睇吓靚唔靚，質數非常好呀，有乾、有濕既，味道香甜，而且啲核仲係非常之細粒，但係價錢亦都唔平.....

觀看全文...

人氣 () | 回應 (19) | 引用 (0)

August 4, 2006

終於做到奶皇包啦！

bearmay 在天空部落發表於15:51:55 | Hobbit食誌

响中式包包中，我就最鍾意食奶皇包，熱辣辣既奶皇餡，要流住出嚟，辣住個咀嚟食係最正。但係响依邊如果賣急凍既，舊餡就太過假；如果去香港餐館食，五歐羅一籠三個又有啲太過。一路都想自己動手整，但係一直响慕尼黑都揾唔到吉士粉，德國人淨係識食布丁...！！
終於响一個朋友介紹既網上訂購英、美式食品網頁揾到吉士粉，自己太蠢嘞，已經訂咗四、五次嘢，先至諗起去揾吓吉士粉，每次都滿腦子都係金寶湯同Pop Tart（真係太好食啦嘛！）

觀看全文...

人氣 () | 回應 (22) | 引用 (0)

婉子喜歡美食，鍾意獨一無二的東西，更享受發白日夢的幸福