婉子的輕狂心事

April 16, 2007

搬咗啦！

bearmay 在天空部落發表於17:28:58 | 輕狂心事

婉子將網誌搬咗去一個新地址，麻煩大家移一移玉Click..... http://blog.yam.com/mayshome

～麻煩哂！！～

February 15, 2007

婉子失蹤的原因

bearmay 在天空部落發表於19:30:02 | 輕狂心事

婉子又無咗蹤影一排，除咗因為陪餅碎玩用咗我大部份時間外，仲因為廚房發生咗小意外........

話說婉子家既抽油煙機係拉門式，非常唔實用... 但係因為係屋主既，所以無得換。而上個月某日，婉子大洗廚房，當我拉開抽油煙機隻門時...... 成隻門跌咗落嚟.... 降落咗响個煮食爐度.....

心痛！！湯馬即日買返一個新爐，但係... 我心靈創傷太深，所以一直都提唔起精神去整嘢食....！

人氣 () | 回應 (13) | 引用 (0)

February 14, 2007

情人節快樂！

bearmay 在天空部落發表於15:40:41 | 輕狂心事

失蹤咗一排既我，當然記得要同大家講返句「情人節快樂」啦！

記得上年婉子送咗首德文情歌俾大家，今年等我再送多首更冧既俾大家啦！

觀看全文...

人氣 () | 回應 (0) | 引用 (0)

January 10, 2007

終於有時間up-date啦！

bearmay 在天空部落發表於20:10:57 | 輕狂心事

哈！首先要祝大家新年快樂！！仲要多謝寄咗年咭俾婉子一家既朋友們！

婉子消失咗一排，其實係因為湯馬由十二月十八號開放離職前大假，一直到今個星期一，即係一月八日先開始返新工，所以婉子都一齊「放假」，我哋每一日都瞓到日上三捍，之後就係去揾地方食飯，跟住唔係Christmas Shopping，就係大家齊齊上網打World Of Warcarft，晚上通常都係湯馬煮，做咗一排大懶蟲，嘻～！

等我快速報告返响懶之餘，都做過既嘢....

觀看全文...

人氣 () | 回應 (6) | 引用 (0)

November 8, 2006

結婚四週年

bearmay 在天空部落發表於00:11:37 | 輕狂心事

係呀！同湯馬結咗緍四年啦！緍禮好似尋日發生咁.....
仲記得因為屋企同市政廳好近，所以大家就決定行去，所以我就放棄高踭鞋，換上我心愛既.....波鞋！一路上每個路人除咗恭喜我哋之外，仲為我對波鞋鼓掌！又記得為我當翻譯既德國妹妹男朋友，响緍禮之後要簽啲文件，證明佢誠實翻譯，當佢响度睇文件時，職員同佢講：「簽啦！我睇得出佢哋係真心愛對方既，一定唔會離婚！」......
一齊生活四年，我哋有一粒餅碎，有過兩架車，搬過三次屋，中過四次六合彩安慰獎，仲嗌過無數次交，和好過無數次，响未來既日子，我哋會擁有更多，更多！

Leuchtturm（燈塔）～ Nena

Ich geh mit dir wohin du willst （我跟着你去任何你想去的地方）
Auch bis ans Ende dieser Welt（去到世界盡頭也一樣）

觀看全文...

人氣 () | 回應 (15) | 引用 (0)

November 6, 2006

聖誕早到了？

bearmay 在天空部落發表於18:16:46 | 輕狂心事

今年慕尼黑（商）人都傻咗，十月就開始賣聖誕蛋糕、曲奇餅、烤栗子，十一月一開始，百貨公司就已經充滿聖誕裝飾.....，仲有埋聖誕樹添！！可能係氣氛既影响啦（藉口～！），我忍唔住都提早買咗啲聖誕東東～！嘻嘻！

觀看全文...

人氣 () | 回應 (7) | 引用 (0)

November 2, 2006

今年的第一場雪

bearmay 在天空部落發表於23:05:18 | 輕狂心事

人氣 () | 回應 (2) | 引用 (0)

September 24, 2006

Oktoberfest ～啤酒節

bearmay 在天空部落發表於20:01:19 | 輕狂心事

又係一年一度既啤酒節，我哋約埋啲朋友一齊去玩，本來諗住响會場行吓，玩吓遊戲就算，因為星期日可以入到啤酒營既機會應該係零，但係好surprise咁俾我哋入到營之外，仲揾到枱坐底慢慢飲啤酒同食嘢。如果想知多啲有關啤酒節資料，可以去Oktoberfest.de睇吓呀！

觀看全文...

人氣 () | 回應 (7) | 引用 (0)

August 20, 2006

德國開學禮

bearmay 在天空部落發表於21:45:25 | 輕狂心事

今次已經係第二次响德國參加開學禮啦，第一次係四年前湯馬表妹Anne既小一開學禮，今次到Anne細佬Leo嘞！所以我哋又去咗柏林一轉。
東德國人好注重小學既開學禮，所有家庭成員都會盛裝出席，小朋友會收到由父母送既一個大咗幾十（百）倍既雪糕筒型禮物筒，裡面會裝滿玩具、文具、糖果同埋衫褲，而其他人都會送上玩具禮物。其實開學禮响我哋屋企，都係不外乎吃喝玩樂，呵～！

觀看全文...

人氣 () | 回應 (6) | 引用 (0)

July 29, 2006

柏林極速遊

bearmay 在天空部落發表於18:10:03 | 輕狂心事

其實响柏林既遊客必去景點，婉子都去過嘞。今次再去遊柏林，為咗三個新既景點，同埋一個印。分別係...
1) 响Alexanderplatz附近既「東德博物館（DDR Museum）」
2) 响Potsdamer Platz既「Panoramapunkt」
3) 响Potsdamer Platz附近既「歐洲被害猶太人紀念碑群（Denkmal für die ermordeten Juden Europas）
4) 响「查理檢查站（Checkpoint Charlie）」印一個印

觀看全文...

人氣 () | 回應 (8) | 引用 (0)

July 28, 2006

Robbie Williams - Close Encounters 2006 @ Berlin

bearmay 在天空部落發表於23:38:59 | 輕狂心事

終於等到嘞！
演唱會係响柏林奧林匹克運動場舉行，即係世界盃決賽場地，亦都係發生Zidane頭頂Materazzi事件既地方，而Robbie Williams亦都學Zidane一共頭頂嘉賓Johnny Wills三次......！！

觀看全文...

人氣 () | 回應 (5) | 引用 (0)

July 28, 2006

KaDeWe

bearmay 在天空部落發表於21:38:04 | 輕狂心事

星期五既中午，我哋出咗柏林市中心，首先將餅碎交俾大姑姐湊之後，我哋就去咗西柏林既市中心地標～Kaiser-Wilhelm-Gedächtniskirche，當然我既目標並唔係signseeing，因為都唔係第一次嚟嘛！我既目標係教堂旁嗰條Tauentzienstraße，一整條街都係名店，本來諗住可以盡情敗家，可惜唔係無貨，就係睇唔啱......！！！最後就去咗柏林最出名既百貨公司KaDeWe，去見識一下佢哋個食品Department！

觀看全文...

人氣 () | 回應 (2) | 引用 (0)

July 26, 2006

懶洋洋的兩天

bearmay 在天空部落發表於20:54:24 | 輕狂心事

我哋星期三到星期四都响Grünheide懶洋洋咁過，因為湯馬個表妹Anne好勇躍咁幫我哋湊餅碎，所以我哋親機休息一下嘞！

觀看全文...

人氣 () | 回應 (6) | 引用 (0)

July 25, 2006

Grünheide

bearmay 在天空部落發表於19:29:03 | 輕狂心事

Güunheide位於柏林既東面大湖區，距離柏林只係十分鐘車程，係一個渡假區。湯馬既爺爺响東德時代因為有份發明彩色電視，所以得到一筆獎金，而响嗰度買咗一間連住湖既屋。一共三層高既大屋，有一個差不多兩個足球場大既後園，一直到湖邊有一小小既私人碼頭，湯馬既童年就係响度渡過，現在只有德國嫲嫲同埋細姑姐一家四口响度住。德國嫲嫲話我知大屋以有一百一十一歲，經過細姑姐一家不停修建，望落去一啲都唔舊呢！

觀看全文...

人氣 () | 回應 (2) | 引用 (0)

July 25, 2006

向柏林出發！

bearmay 在天空部落發表於17:47:55 | 輕狂心事

已經有一年半無返過柏林了！
點解用「返」？因為湯馬和*甘迺迪一樣是一個Berliner（柏林人）。而且係東柏林人，因為德國爸爸在政府銀行工作，响柏林圍牆被推倒之後，被派到慕尼黑，所以佢哋一家先至去咗慕尼黑。湯馬仲有兩個姑姐响柏林，習慣上，我哋每年最少去柏林一次，响聖誕後都會過新年，因為餅碎關係，我哋响上年去唔到。等到依家終於有機會再去啦！

*婉子歷史教室：甘迺迪曾經在東、西柏林邊境前演講，最後佢用德文講咗經典既一句：「Ich bin Berliner！」*

觀看全文...

人氣 () | 回應 (3) | 引用 (0)

July 21, 2006

又收一大箱

bearmay 在天空部落發表於20:46:15 | 輕狂心事

今日一早起身，靚仔DHL哥哥就嚟嘞，仲要大聲話我知又收禮物，原來係職業煮婦Nikoru幫我响日本代買既東東，星期二寄，今日就到嘞。Nikoru係我响慕尼黑第一個香港朋友，我哋年紀同性格都差唔多，所以好快就混熟了，可惜我哋相識得太遲，好快佢就返咗香港，但係我哋仍然保持聯絡，佢依家跟桃太郎走咗去日本，佢最近搞緊代買生意，我就成為佢歐洲區第一客人噙嘞！

觀看全文...

人氣 () | 回應 (6) | 引用 (0)

July 18, 2006

極力推介 PSP Talkman

bearmay 在天空部落發表於16:08:26 | 輕狂心事

PSP最近推出咗一個名叫Talkman既遊戲，話係遊戲，其實話係語言學習發聲器至真。响歐洲發售既Talkman，有六種語言選擇，分別係德文、法文、英式英文、意大利文、西班牙文同埋日文。隨遊戲附送一個USB咪，直接安裝在PSP頂，遊戲分閱讀和聆聽，閱讀是Max（佢就係Talkman）教你讀一句，你再向住咪讀，再會俾你一個分數，我測試過佢既德文，發音好準，跟住佢練習真係由B級改成A，湯馬都話好得！而聆聽係聽完五個例子再揾答案。如果你係經常到歐洲旅行呀，公幹呀，Talkman既Talk Mode就會幫到你，只要選好語言、場合，向Talkman講出內容，佢就會將句子翻譯，幫你講俾對像知，而對方亦可以用Talkman回答。
一個超強既發明哦～！都只係四十五蚊歐羅咋！（我只係買咗二十歐羅，因為trade-in咗個舊Game，仲抵呀！呵～！）

觀看全文...

人氣 () | 回應 (8) | 引用 (0)

July 8, 2006

第一次試車

bearmay 在天空部落發表於21:48:17 | 輕狂心事

咁大個女，第一次係用自己名義去試車呀！因為湯馬去換呔時，Toyota俾咗架Aygo車仔佢揸住先，佢一揸完就打返嚟同我講架車有幾可愛，同埋有幾容易揸，check過價錢之後，發現月供原來都唔係太貴，搞到我心郁郁，所以就走去book試車，橫掂試車唔洗錢嘛，呵～！
依架設計俾女仔用既City Car，外觀真係好可愛，細細架兩門車（可以有四門），只有四個座位，但係裡面一啲都唔覺迫，所有咩嘢油門呀、入波呀、泊車都係十級簡單，唯一缺點係加速慢，上到Autobahn踩咗一段時間先至有120 km/h，最快淨係行到150km/h。

車就試完，睇吓點啦！

人氣 () | 回應 (21) | 引用 (0)

July 7, 2006

54' 74' 90' 2010，我們信心不死！！

bearmay 在天空部落發表於22:04:07 | 輕狂心事

婉子因為德國輸咗世界盃，而down咗幾日，更加決定唔食意大利粉同埋Pizza三個月！！
但係我哋信心不死！！星期六一定支持德國隊踢走成隊都係好叻扮嘢既葡萄牙！！而且四年後又係一隊強隊，繼續我哋既夢想去南非，2010世界盃，我哋攞硬呀！！只因為1990 + 1974- 1954 = 2010！！！！！

人氣 () | 回應 (4) | 引用 (0)

June 25, 2006

流落慕尼黑的香港人生日聚會

bearmay 在天空部落發表於20:41:29 | 輕狂心事

因為Ronny佢三十三歲大壽，所以我哋去咗响我屋企附近既北方菜館，大食北方菜午餐後，我哋就送咗佢一個Surprise生日蛋糕，大家都好開心；食完飯同蛋糕之後，我哋仲即興一齊去Biergarten睇波添！

觀看全文...

人氣 () | 回應 (12) | 引用 (0)

婉子喜歡美食，鍾意獨一無二的東西，更享受發白日夢的幸福