克仔 • 影像從心

 


今天係2008年最後嘅一日，又話係攞成積單嘅時候囖～ 好好丑丑都仲係要總結於2008年嘅成與敗，得同失！過往所設定嘅種種目標係咪依然遥遠或已勝券在握呢？ 望望吓，數數吓... 好似係以敗居多囖...


1. 大茶飯，炒窿咗...
2. 放棄搞咗两年幾嘅部落格程式而改用OpenSource！
3. 旅行？冇講遠架喇... 就連近嘅都冇吖！


咁响嚟緊2009年又有啲乜搞作呢？


1. 囡囡漸漸長大囖～ 所以揾奶粉錢呢一項又點有得走雞吖？哈哈～
2. 迎接四人行的故事。
3. 將過去三年多嘅網誌搬到個人網域名穪網站。
4. 翻炒碟隔夜冷飯。
5. 實現財政自由。
6. 敗支C家L系列鏡頭同個外閃番嚟爽吓～
7. 無需再朝9晚7同人逼蟲仔兼行到身水身汗咁悲...


嘩... 再冩去嘅話就實係好大碌咗... 2009年尾嘅成積單一定「肥佬」晒... 所以都係到此為止，否則响嚟緊嘅一年就真係做到成隻積咁就無謂喇... 話晒都叫做我當家吖（牛年）喇嘛...


而呢七大目標就肯定係好辣手架喇！不過辣手還辣手... 但又點可以忘記「影像從心」嘅成積單呢？ 雖然今年有八成啲相畀囡囡謀殺晒... 咁要响兩成之中揀出10張我最喜愛嘅（唔包括囡囡啲Q屎，爆笑作品）都還做得到。比起舊年只得九張已經係靚仔好多囖... 就係以下呢是張嘞...


最後，祝大家於2009年活得更精彩！



觀看全文...

不經不覺2007年又走到最後一日咗，又係時候好似啲同學仔咁... 要攞成積單囖~ 雖然未至於要驚會满江紅... 但就要睇吓有乜目標係未實現咁啫。而，好慶幸自己所定落嘅目標唔算好多，大多數亦抱住平常心去追求，所以失望率都唔會話高企。咁... 回顧2007年，又有幾多件事係實現咗... 



1. 成功搞咗個屬於烏啄啄同我嘅旅游日記... 「緃横四海」。 
2. 打開咗「横行八道」序幕，雖然只係行咗短短四個站... 而又第五個站開始就會係三人行嘞。 
3. 制造小小生命（克仔與烏啄啄制造）。 
4. 敗咗隻前蘇聨制做嘅M42 Zenitar 16mm F/2.8 魚眼鏡頭 
5. 敗咗隻用嚟炒大茶飯嘅鑊頭（Dell Inspiron 1520）翻嚟。 
6. 入咗C家40D呢個無底深潭。 



喺嚟緊全新嘅2008年又有乜目標呢？哈哈，我唸排第一位就非揾奶粉錢莫屬嘞 ~ 然後就... 



1. 揾奶粉錢! 
2. 揾錢繼續敗啲C家攝影器材噃嚟！ 
3. 炒靚碟大茶飯，一定好炒炒炒吖~ 炒大佢！ 
4. 繼續開發嗰隻搞咗两年（斷斷繼繼）嘅部落格程式！ 
5. 儲錢去旅行！ 



我諗單係呢五件目標都够嘆（搞）足2008成年吖~ 哈哈~ 如果冇目標就肯定戇居居咁嘥咗一年，咁你又冩底你2008年嘅發達秘笈未吖？未就好嗱嗱臨囖~ 



話分两頭，雖然2007年唔係多產（靚靚相）。而就响好壞半渗嘅相堆中揀出自己覺最鐘意嘅九張...點解係九張？因為揀唔到第十張囖~ 哈哈~ 而呢九張靚靚相就全收錄係呢個【年度精選】喥。 



祝大家於2008年喥展望未來！「干爸爹」！



觀看全文...