The Best Is Yet To Come....

初一,
萬佛寺,
肥馬 + 我

行過不知級數的樓梯,
吃過婆婆親手造的山水豆腐花,
吃過了齋菜
求過了上上簽

見到一個由慈雲山徒步行過來吃飯的伯伯
他每天都行兩小時來,兩小時回去
已經80多歲了

很滿足的一天

03.07.2007

<<再種魔豆豆>>
今日行銅鑼灣,見到又有得買"魔豆"
即係種子上面刻了字的豆豆
當種子發芽後,會看見有字的豆豆


之前在灣仔玩具街買過/種過兩次,都是無功而回
第一次是種了一排都沒有發芽,
走去問賣花的ee為什麼,她說要用很多很多水
回家就發癲地淋水.再等了很多個星期都是沒有反應
就倒入面的泥出來,原來是沒有種子的


第二次,明明看到入面有種子的才淋水
幾個星期後依然沒有反應,就倒入面的泥出來看
竟然不見了那種子哦!!!!


今日又買了兩顆回來
老闆教我要先把種子浸兩小時,去皮再種就可以了





好像很簡單哦!!!!我又要試試看 :)


另外,今日o係會展見到花師奶哦
當然要來一個母女合照.....




"花帶柑 與 花師奶" ----  哈哈哈!!!!!

今晚去左尖沙咀文化中心大劇院(驚Hall)
睇進念Drama"2097 Back to the 清朝"
Full House, 勁!


唔經唔覺已經係東宮西宮 Part 5
一如以往,有香港家書,四重奏的環節
(今次仲係"十"重奏,由台的左邊去到右邊,共有10個Cast)


"十"重奏比以往的 "四重奏" 內容長了很多,有點悶
一人一句的,真的跟到眼花........
要留意的是TANYA ,她竟然一口氣背晒政府d口號
由"你玩藥,藥玩你" 到 "為藍天打氣"
全場爆笑!


之後走左右邊o個六個,剩返四重奏,就跟得舒服好多,
至少有返多d空間,聽清楚他們的說話
十個真的太多了....


因為今晚是首場的關係,少不免有演員未記熟對白
David 同 Shirley 都企o係度呆左兩三秒傻笑
*希望之後的場數會減少"發台瘟"吧*


留意的是今次個Drama 加了好多跳舞的場面,
一開場還有千手觀音的環節呢


另外要提提的,就是Over the 天星的相片是由陳跡提供
他的相片題材都是香港平民百姓生活的紀錄
很有感覺的相片呢!!


最後一Part 就是香港家書
每次睇到呢Part,都會眼濕濕
由香港回歸,千禧年,911,SARS,海嘯...
睇到2007 年1月21日
睇到董太叫人"洗手洗手洗手", 我立即Kit一聲笑
誰知一轉就到2003年4月1日,哥哥自殺
即刻定了三秒 (唔識笑la)

就係咁過左10年....

唔驚唔覺又星期一,
約埋陳Sir,家麗,小聰等人去了唱K
陳生又再次嚇鬼,佢唱o個D歌真係嚇死人
自從聽過佢朗誦劉華o個首‘觀世音”之後
聽到我"O晒嘴",自始我對於佢唱歌都"無乜期望"
至少唔會失望先嘛

今日佢唱左首”陳百強”的摘星,
眼前一亮, Not Bad 喎 !!!!

結果我一連串點了"籮記"o既 "激光中, 家變......
哈!佢又真係唱得唔錯
忍唔住要叫佢快d返古代

人仔細細o既詠茵.
問陳sir 係未"茄哩啡"?
之後又話同佢唔o岩傾

well.....係死茄哩啡先o岩
等我下次教佢講埋"你條死剷"先....

為了不再做小黑,
今晚找來Jess幫我換走血紅水晶甲
事先張揚地揀了海水藍色,加閃粉,再加閃石
mike說我不可以用紅色嘛,會很"黑仔"哦

其實我又不覺得最近特別黑仔
只是心情很煩,很燥,好想鬧人而已
另外的....就是常常頭痛啦

因 Jess 的遲到, 反而造就了我和阿豹玩了一會
阿豹嘛!倒像貓女哦!很嗲!!!!

影了他幾張相....

離開時,Avia打電話俾我,又發脾氣,要生要死的.........
你可以冷靜一下嗎?

10/21 係 Amanda 同 Vincent 的大喜日子
昨晚玩到太夜,結果差少少就唔知醒啦!
好彩媽咪叫醒我!!!!

其實由昨日起床的一刻開始,
我已經用一個近乎興奮的心情去渡過
如果真係唔知醒,我一定會好後悔好唔開心
之前同梁太講:就算我行到彈彈下,都會彈去佢婚禮的哦!

去到教堂,我早左好多,
無辦法,鬼叫自己行得唔好,要預多d時間

好開心,好Sweet哦!急不及待要同大家分享~~~
哈!我的相機只是傻瓜級,沒太多靚相,靚相要等 Amanda

Display @ 大堂

教堂佈置

我 & 靚靚梁太 @ 新娘休息室

是日好同事Agnes要做姐妹,休息一天
明天到Amanda結婚,今年真係好年,好多人結婚哦!~~~

今天已是最後一天,所以早早就出街四處逛,
物色Amanda的結婚禮物哦
幸好我早已報案,可以後補.....

首趟去May E 新Office 做 Treatment,
哈!敷面的水真的好像沒那麼凍,
還加上敏敏幫我修眉....

同Carol去了找Mike,
是我錯行得慢,在關門前趕到

之後去了總統商場後面的"翠華"食飯
早已說 銅鑼灣翠華 好易撞到朋友
Carol 巧遇她的師弟同台食飯 (搭台)
而我卻在轉卡位時,
見到我以前做補習老師時的學生

很奇怪的相認了,交換了電話
估計他應該已經17,18 歲了吧!!!!!

十年不見都可以把我認出,
是否在說,近十年我都沒有變樣?!!!
哈哈哈!!!!!

其實我都初時唔認得佢係邊個
直至佢話俾miss lam o個7色滕條搞掂
我就記得啦.....

可以說是我們的密碼吧! :)

今天整日都在銅鑼灣
去左亞mike度,見到pinky,嬲呀!
最嬲佢話我懶,話我扮野
真係好想同佢講:"不如....你跌一次試下囉!"

之後去左做訪問 Dr.Chung,
佢有部新科技野,可以用五分鐘check晒身體入面有咩唔妥
好勁呀!!!!

離開時,o係世貿門口派杯麵,
憑Coupon"換面"(令我又想起最近重播的"無頭東宮"片頭了!!!!哈哈哈)
D人好勁!可以一個人換一大箱(12個)
我換了三大個,已經好開心啦

之後去左搵Cherie,去左Sogo Supermarket
其實佢想買野俾我食,不過我而家仲係戒口期,
(好多野都唔可以食,好冇癮呀)
Cherie:我過左戒口期,我會通知你o架啦....hehe

10/21(下星期六) 係 Amanda o既婚禮
我已經決定"彈彈下"都會彈去

今日本來想去買結婚禮物,但行來行去都揀唔到

今日係Double Black Friday

下午返左Target收拾我的遺物,
因為我仲行到彈下彈下,
所以惹來尖沙咀中心CS的關心

返到公司見到Sybil, Dom, Kenny K.......
Heidi 問我係未返o黎做Temp
(o下!!!!唔好玩啦!!!!)
我地仲約定下星期一一齊Lunch
(見完Sybil,竟然行得好左哦!)

五點幾,去左唯一食飯
因為我今日要去做 Gel Nail 的 Demo,所以早d食
唯一的EE,佢問我做乜行到彈彈下,又幫我諗埋可以食乜,
真係好人!!!!!Black Friday都遇到好人,我真係好好運哦! :)

由六點整到十點,終於大功告成

又國慶日啦!Happy Birthday!!!!!
終於都十月了,希望一切衰野都離我而去...!!!!

今日一早去左游水,見仲有時間,去了睇無國界醫生o既展覽

有個婆婆在訓練池遇溺,好多救生員,教練去幫拖
但婆婆死牚自己是在水底漫步,還說救她的人"阻住晒"

游完水,食Tea Buffet ,o岩o岩好!
買三送一呢.......... 加埋"揸機"的,剛好四位...hehe 

在尖沙咀逛了一會,看見Parklane有大花燈,就去八卦一下
車~~~又說是十八區的特色,但數來數去都只數到15個
海豚和熊貓不是都在海洋公園的嗎?竟然分了兩個花燈
行行下,見到有PSP,NDS 的主題花燈,
搞不清楚的,還以為"秋葉原"是在香港內!(原來是代表"深水埗"哦!!!!)
之後的,因為已經反了眼,沒心機看了.......

有市場調查公司,捉街頭的人做街訪
問我這些東東,會不會吸引遊客,真的問得好.....哈哈哈

完成問卷,送我一個Discover HK 的襟針.....
我寧願佢唔好送,唉!又多一件廢物了

行LCX見到手提電話Hand-free,其實應該叫"Hand唔free"
它的樣子嘛,就像以前我家的"搞盤"電話的聽筒
拿著它,真的唔多free啦,
但係偏偏就最多人圍觀,又有好多人買嘛

詳情請按此

望望鐘,見就快放煙花,我一向最憎放煙花的啦
所以,以一個連跑帶跳的速度逃離尖沙咀區.... 

今日好早經過Times Square,見到好多人o係度排隊,
原來攞一個護膚品吉樽,就可以換一支Full Size o既 Olay Product
怪得咁多人排隊啦.....

嘻嘻!我真係有食神呀!成日去到亞Mike度都有野食喎
今次唔係Mike整,係 Paul 哥哥整的咖哩牛肉,
好辣,但好好味......

等左一陣就見到Elson上黎,佢仲叫埋"非洲雞"上來
"非洲雞"一見到我就推說"老爸叫佢送貨"
仲要send個SMS俾Elson,形容我為"蛋散"
........."蛋散"都好過"非洲雞",至少係sweet o既,
         "非洲雞"我真係未試過

Elson話想要青,叫我送俾佢,
好呀!!!一於你送俾我,我送俾你啦
Mike 整左個頸鍊俾Elson, 整左隻介子俾我
原來我唔可以帶青金,因為我五行屬火,帶左會好燥的

Mike 叫 Elson 幫我帶介子,佢好似玩得好開心咁......

我地o係Mike樓下遇到個鬼妹唔識路,我地就帶埋佢去,
之後我地就各行各路啦,去左廟街行夜市

你估我食咩飯?

E......小海星!......快點回火星吧.....不要再留在地球哦!

P.S. Elson 同 Mike 告訴我, 凡是男同志都很喜歡"憶蓮"!
       想一想.....真的呀!!!

無聊就上網，上網又無聊....
今日搵到個網站，可以整屬於個人的Barcode.

以下是我的:

很過癮嗎?大家可以去這網站做一個屬於自己的
http://www.barcodeart.com/art/yourself/yourself_frames.html

天陰陰的星期天,昨天還掛上雷暴警告
真的要說句"貴人出門招風雨"哦......

當中的貴人並不是指我自己,是指"媽咪同包租公"哦!
媽咪話最快10日會返,最遲的話就14日
---"包租公"很永遠都像"火燭鬼"!!!!可能9日就已經回來了......
至少我和媽咪是如此打賭!!
---本來我都會一齊去,但計過度過"冇so + 搵笨"喎........

我將會好miss媽咪哦! :(

好早就起床,因為上年遲到,差點上不到船
所以一定要早點起身!

十二點幾,已經到了西貢,怕遲到嘛!
嘩!西貢的空氣真的好清新,唯一就是不停在行雷.....@_@
好恐怖哦!就好像走入"哈爾移動城堡"

昨晚剛學識了入Video落ipod度
全程車我都在看,今天看的是"樓市怪談"舞台劇
哈哈!!!上年現場經歷過,但到今天再看依然睇得好開心
隔離D人見到一定以為我是"傻婆"了......

好一句:
"Trust Me 啦! Belive Me 啦! You will No Regrets Not Anymore"

因為太早的緣故,所以去了shopping,
講真.西貢真的冇乜shop,最多都是水上活動相關的舖頭,買的都是滑水用品
連服裝都是清一式的滑水短褲,泳衣,拖鞋哦!

見到的人都是同一個Demo的!
--黑超,太陽帽,滑水褲,拖鞋........

8妹仔今日又做左件好人好事,就係幫個鬼婆做翻譯哦!
人地就做成生意,我就遲到了,,,,

以後都唔玩岸潛,要爬上爬落,一向平衡力甚差的我,幾近跌倒,好想哭哦!!!!

好不容易才爬返上岸,已經感覺到"死左好多細胞",損手爛腳都唔知為乜
立即整返個丁蛋麵,補充下先,食完真係開心晒喎!!!!!

之後約左景亮同亞俊去Starbucks 傾"世紀大Project"
但等"亡命小巴"足足用了1個鐘 .......

傾完Project,大家一齊去朗豪坊睇Barbie展覽 ( 西貢 Look 的我 :p )

加插: 旺角的一片天

P.S. 收到A小姐的電話,又在打聽Dr.Ip哦!

今晚和我的摯愛去了看"日本沉悶".......兩小時就咁冇左....

當年我的地理課都是"吔吔烏" x "人云亦云" x "濫竽充數" 地胡混過去
今晚卻要活生生地上了一堂"理論"課,真的很要命!

下午去了世貿中心看博覽會,很多美麗的回憶哦!

哈哈!!估到相中人是誰嘛?

Sony!! 我都有曾經擁有它的Walkman and Discman 哦!!!

不同的地鐵紙套!自從有了八達通之後,都沒有用儲值票
還記得它的"尾程優惠"哦!

水壺大哥大電話.....它的size用來當水壺還可以的,容量大嘛!
如果要我用它一天,我的手準會斷哦!

之後去左許留山食甜品,我的叫XX小丸子 (忘記了!應該是芒果......)
不知用什麼來做的小丸子,真的很Q!!!

另加我們的全家福 (自拍效果算是不賴吧!)

行過 Times Square 有 Apple 的展銷,
順手問埋D Staff 點過Video落Ipod, 他們見到我的 Target Ipod Case,
都一致話好型,問在那兒買哦!!! Sor! Not For Sale 喎!

嘻嘻嘻!!!!!Thank You Ronnie 幫我部Ipod 扮靚靚啦....

昨晚放了工就上左Mike度,
Pinky 唔見左張外賣紙,結果要叫第二間
8點幾就同Elson,Mike一齊去見亞May

美容院在一在商用大廈內,
右面是明顯是 Facial 區, 有三張 Facial 床排列著
左面看來像Office ,有工作桌兩張.電腦,printer等都齊備

終於同傳聞中的May在美容院見面
亞May望左我一眼,就話我D皮膚OK喎!之後才發現我是化了妝
我還暗暗歡喜自己的化妝技術很"棒"哦!

本來我去的作用是"防止 Elson 亂洗$",
結果我們一起"洗$"!

太過份了,Mike 竟然說我的Look 很像在生BB......
算了!就當是先修班好了,加埋眼淚會不會似一點?

差不多十點,人開始多了,
右面依然在做Facial,左面卻煙霧迷漫,大開Party,
有的在打麻雀,有的在聽歌,有的上 Youtube 看 Video.....

以為自己去錯了"狂野美容院"哦!

十一點多,終於做完Treatment了,
所有人一塊兒搭的士去小甜甜吃宵夜,
我和Elson一齊吃了一碗不辣的擔擔麵

其實我有點飽,但都覺得很好吃!

看!我們就像被蜜蜂針完一樣,紅紅的

由呢一分鐘開始,我地未來7日都唔可以洗面啦
會唔會"生蟲蟲" o架?

昨晚差不多兩點才回到家
一輪梳洗,三時才睡,
今日九點又要起身去上氣功堂
好眼瞓呀,企o係度都瞓得著.......

下午去練水,見到Anna 姨
上年暑假,我們一齊跟陳Sir學
我已經學識,佢仲好似未學識浮
佢話學埋今次,仲係唔識就以後都唔學
希望佢學識啦........

今日好熱......下午六點都有30度......

仲要出去露天池游,好辛苦
我一熱就會頭暈暈,加上又唔夠瞓

叫佢地入室內池游,佢地又話凍,
結果我夠鐘就即走,留多一分鐘都唔肯

之後去走左剪頭髮,好 Fresh 的短髮哦!!!

昨日轉左新o既藥,瞓得好左好多,
係呢幾個星期瞓得最好o既一晚
可以瞓天光,醒左又好精神,
原來實實在在地瞓一晚,係咁好Feel的

今日好熱,約左d net friend去BBQ,
返到屋企好大陣炭味,
唔講清楚,好易被誤會剛剛燒炭完

D野食都OK o既,但係實在太熱,無心機燒

一放工就去整公仔...
去到被南哥掉埋角落
免得我又再次派禮物...hehe

係呀!!!我就係咁衰,哈哈


整來整去都係整唔起
要乜就冇乜,係未玩野呀?

算.....唯有明天繼續

post 張無眼無咀的相先...

今日放工後,繼續我的織女身份
去到舖頭,又係好多人

隔離位搭訕,問我織的是什麼
她以為我已經完成了一個,現在做的是第二個
(因為我抱著一個display公仔)
當她知道我是第一個時,說了一句"嘩!你都好勇喎"
因為我織的那個是高難度的作品

連南哥都話,"佢都幾狼,不過好在學得快,唔似新上手"
哼!!

隔離位同學,織織下唔夠冷,
問南哥,佢又無表示,
結果,我俾左我用剩的毛冷給她
慘被南哥"怒啤"十秒

本來想今日完成的,最後都是完成不了.....
大家都累了,坐了三個多小時,
難為我隔離的孕婦,真係腰都直埋......

下星期一定要完成啦!