http://www.hkiff.org.hk
一年一度電影節三月一號開跑啦！ (好一個遲到千年的news…)

哇哇哇！今年好出我個乎以我個料！好多套都中我雞心！
難道係經濟唔好大家無事做只好搞搞藝術做做無聊事？

可能因為舊年電影節太頹所以今年個list好喜出望外！
有幾套戲都好有趣！(仲有我最心愛的印度王子吳孟達！XD)另外今年寫catalog的人終於寫返o的人話！
加上利希慎(字幕的sponsor)出現率異常的高，實在係仔仔睇得開心媽咪用得放心！

我唯一唔開心係今年又無劉燁松田龍平同楊佑寧！(其實都唔係唯一)
所以我決定睇《泡菜骨董洋果子店》洩忿！(借位)

我的film list(排名不分先後，不過最後兩套是重點花生戲)>>
《倩女幽魂》(張國榮是重點)
《東邪西毒終極版》(我想睇傳中的終極版+張國榮是重點again)
《青鳥》(食過小說，想睇佢點拍做戲+奏多龍馬)
《瘋狂的賽車》(寧浩是重點！今次唔係上短片實在太正！)
《聖誕物語》(傳說中的強大片)
《小露與我》(陪跑，我認我係狗ota…)
《人間樂土》(我需要治癒系)
《鐵翼雄風》(傳說中Oscar第一套最佳影片)
《從印度到中國》(我愛寶來塢XDDDDDDDD)
《泡菜骨董洋果子店》 (我最愛的動詞就是獵奇呀星星星星星)
《永久居留》 (HOOOT POINT！此片導演的前作係借棒球之名拍男體為實的《無野之城》，今次呢套又係member片！今次仲要有導演現場現身說法XDDDD我等住入場食住爆谷睇戲呀！講堅，買唔到飛睇唔到會超超唔開心！)

重點真係最後兩套，前面N套唔寫也好最後兩套我一定要寫！
唔寫的話我就切——！！(切邊呀姐仔？)