婉子的輕狂心事

突然好想食砵仔糕, 所以上網學整, 發現原來製造過程非常容易, 只係我對乜野係"澄麵粉"毫無idea....! 只知英文係 Wheat Starch, 再search 到德文係Weizen-Stärke, 再去問湯馬, 佢响兩間super market買到兩盒有Wheat成份既粉俾我, 一盒用黎整蛋糕, 另－盒就用黎整布丁, 我就用左後者, 味道都十足十同响香港食既一樣!

好難先至令到"餅碎"拎開佢隻玉手! 希望下次可以影張更靚既相啦!!

哎...! 經過差唔多九個時間 (其中因為剛剛有"餅碎"時勁唔舒服, 同埋返左香港所以停左三個月), 筆試一次合格, 但係路試就肥左－次.... 因為响小十字路囗等緊轉左時, 停得唔好令對頭車唔夠位過, 考左唔夠10分鐘就肥左, 非常唔好彩....! 今次幸運D, 個考官叫我去埋D非常容易既地方, 同埋成日都係轉右, 所以小D壓力. 佢又非常好人, 當我完成第一次泊車後, 佢話okay, 叫我繼續, 好奇怪地佢再叫我泊多一次, 仲問我點解, 原來第一次我要改正時唔記得望一望左面. 好彩我二次就－泊okay, 唔洗再改正, 佢仲讚我添! 一共考左15分鐘到就話我合格 (－般要考30至45分鐘.... 我有30秒以為又肥過...!) 佢連Autobahn (公路)都無考我!!! 好鬼好彩!!! 我終於可以合法揸車啦!!

每逢星期二晚上7點到10點, 湯馬都會去參加村裡排球隊既練習, 上兩個禮拜我都用美食引誘佢留响屋企.... 其實佢去打排球係因為想減肥, 但係Hobbit天性難改, 美食在前减肥在後! 今晚佢終於再去嘞, 出去時, 當然不停叫我唔好做依樣, 唔好做個樣...! 甘我就向佢去報告我決定點樣過今晚.

計劃:
1) 整晚餐 - 茄子天婦羅定食
2) 洗白白
3) 收衫
4) 準備湯馬既晚餐
5) 熨衫

真實:
1) 整晚餐 - 茄子天婦羅定食 (點都係Hobbit嘛!)
2) 準備一D凍烏龍荼 (天氣熱嘛, 夜晚想飲野都唔怕蛀牙!!)
3) 洗白白 (依家好香西柚味)
4) 一邊食生果, 一邊睇電視 (有婉子最愛戰爭紀錄片!!)
5) 睇超級無敵獎門人 (剛剛download完, 保証新鮮!!!)

無做:
1) 收衫 (吞日先啦!)
2) 準備湯馬既晚餐 (佢自己煮都得啦!!)
3) 熨衫 (未多到要立即完成!!!)

真係俾佢嚇親! 佢响平曰佢無時間同我講電話既時間打黎, 第一句又係冷冷既一句, "打返俾我啦!" 真係俾佢嚇左－跳! 用我手心出汗既手即刻打返俾佢.... 今次佢既第一句又係暖暖既一句, "點呀? 訓醒未呀? 好悶又掛住你, 想同你傾下計!" :-)

湯馬又－力作 -- 叉燒湯鳥冬!! 叉燒係响中國鋪頭買既, 雪藏既, 已經有哂味只要自己返屋企烤－烤就可以嘞! 當然湯馬都可以自己泡製非常美味自家叉燒, 但係佢成日話D德國豬肉唔夠肥, 都係鍾意買現成既食.

尋日响返屋企時路過花田, 用五歐羅扎左幾支白合, 同時見到D劍蘭都準備開花.... 突然發覺已經係仲夏嘞.... 劍蘭係最後一種可以响花田扎到既花.... 即係"餅碎"就黎出世嘞................. 時間過得真係快!!!

當我地上返車時, 我問湯馬: "聖誕節前要去買野準備....... 甘應該叫邊個睇住"餅碎"呀?" 湯馬: "honey.... 依家係七月咋, 擔心下我份生日禮物未仲好!!"

我最愛响屋企自己整pizza, 貪可以隨心情同喜好黎整, 又方便, Pizza底可以响超市買到 (只需要打開時小心D, 唔係就會痴埋－齊), 當然仲有可以加入大量既芝士同蒜頭啦!! 因為依家逢禮拜同假期我都被禁止進入廚房, 所以今日午餐有湯馬整既Pizza. 左邊係沙林美腸加火腿, 右邊係吞拿魚, 兩邊都有大量磨菇, 洋葱, 波蘿同蒜頭!

在大約兩個月前, amazon開始公開預售依本萬眾其代既"Harry Potter and the half -blood prince", 我已經預訂左兩本, 一本珍藏, 另一本就係送俾Franzi作為生曰禮物. 尋曰响amazon既綱頁睇到公報, 佢地話如果D書唔可以响星期六, 即係今曰, 送到就會唔收錢. 當我同湯馬講左之後, 好奇怪... 我地一至決定要留响屋企等本書黎, 湯馬仲要我取消响戲院既Booking, 改到星期日. 佢仲話可以自己去超市買野食!!! (我地點都係Hobbit黎呀嘛!) 一下子, 我地好似準備作戰甘! 大家都唔希望miss左個postman, 但另一方面又希望佢唔好黎, 甘就有兩本免費書.... 結果係..............

郵差叔叔响我地仲同周公打牌時..... 就黎送貨嘞!!!!!!

剛剛同湯馬爭論我應該坐火車出市區好定係佢放工返黎車我好 --
.............
湯: 單程車票要幾錢呀?
婉: hmm.... 六歐羅啦.
湯: 甘你想唔想我車你呀?
婉: 你車我D油錢未重貴!
湯: 唔係呀, 都唔冼4歐羅! ... (開始搬弄一大埋數字同方程式..... )
婉: 如果我買打印票, 10.50歐羅可以用2.5次...
湯: 你想唔想行去車站呀? (車站離屋企正常人--15分鐘脚程)
婉: 以我大肚婆速度, 要行起碼要20至30分鐘, 又怕走車要呆等20分鐘........
湯: 你想我車你就－早開聲啦..............!!
婉: ....................................... 點解男人唔可以一早提出??
湯: 我以為你想自己一個走走嘛!
婉: 我成日都係自己一個嘞!!

註: 今晚約左Carol, Joan同佢老公一齊去食中式自助餐, 間餐館有個好攪笑既名---"Wok and Roll"!!

見到Grace有個新中文Blog, 令到我有寫吓中文Blog既想法, 加上媽咪最近complain我D中文越黎越不知所謂......!!! (well, 我寫俾佢張card真係有好多錯字... 或者亂哂筆劃, 最惨係我教埋湯馬一齊寫錯字....) 我想係時候練習吓嘞! 再者, 可以有一個Xanga以外既地方講吓D痴線野都好, 起碼湯馬斯睇唔明, 我可以大鬧一餐!! 哈哈!!

依家仲用既NJStar既mouse writing pad打中文... 速度勁慢..... 希望阿Sean快D寄返塊手寫板黎啦!!!