婉子的輕狂心事

July 12, 2006

9cm肉桂咖啡提子多士

bearmay 在天空部落發表於17:17:36 | Hobbit食誌

終於有時間去試用Grace寄俾我既9cm士多模，真係好可愛呢～！！
我响Mabel既日誌揾到一個肉桂提子多士既配方，當我決定動手時，俾我見到另一個咖啡多士配方，貪心既我，決定嚟一個Crossover，再轉用蜜糖水擦面，香噴噴既肉桂咖啡提子多士就係咁誕生了！

觀看全文...

人氣 () | 回應 (3) | 引用 (0)

July 8, 2006

第一次試車

bearmay 在天空部落發表於21:48:17 | 輕狂心事

咁大個女，第一次係用自己名義去試車呀！因為湯馬去換呔時，Toyota俾咗架Aygo車仔佢揸住先，佢一揸完就打返嚟同我講架車有幾可愛，同埋有幾容易揸，check過價錢之後，發現月供原來都唔係太貴，搞到我心郁郁，所以就走去book試車，橫掂試車唔洗錢嘛，呵～！
依架設計俾女仔用既City Car，外觀真係好可愛，細細架兩門車（可以有四門），只有四個座位，但係裡面一啲都唔覺迫，所有咩嘢油門呀、入波呀、泊車都係十級簡單，唯一缺點係加速慢，上到Autobahn踩咗一段時間先至有120 km/h，最快淨係行到150km/h。

車就試完，睇吓點啦！

人氣 () | 回應 (21) | 引用 (0)

July 7, 2006

54' 74' 90' 2010，我們信心不死！！

bearmay 在天空部落發表於22:04:07 | 輕狂心事

婉子因為德國輸咗世界盃，而down咗幾日，更加決定唔食意大利粉同埋Pizza三個月！！
但係我哋信心不死！！星期六一定支持德國隊踢走成隊都係好叻扮嘢既葡萄牙！！而且四年後又係一隊強隊，繼續我哋既夢想去南非，2010世界盃，我哋攞硬呀！！只因為1990 + 1974- 1954 = 2010！！！！！

人氣 () | 回應 (4) | 引用 (0)

June 27, 2006

我又來提子包

bearmay 在天空部落發表於04:27:30 | Hobbit食誌

睇見Grace同郁記既提子包，引到我都想食，上星期又焗過乾蕃茄芝士多士，今日又親天氣熱方便發酵，又跟住郁記資料去揾秘方，包包果然好軟熟，仲有一絲絲既效果呀～！！一出焗就忍唔住食咗大半條，夏天真係方便發酵，而且需時亦都短咗好多。

多謝郁記報料！！

觀看全文...

人氣 () | 回應 (13) | 引用 (0)

June 25, 2006

流落慕尼黑的香港人生日聚會

bearmay 在天空部落發表於20:41:29 | 輕狂心事

因為Ronny佢三十三歲大壽，所以我哋去咗响我屋企附近既北方菜館，大食北方菜午餐後，我哋就送咗佢一個Surprise生日蛋糕，大家都好開心；食完飯同蛋糕之後，我哋仲即興一齊去Biergarten睇波添！

觀看全文...

人氣 () | 回應 (12) | 引用 (0)

June 24, 2006

ohne Schweden, fahren wir nach Berlin！！！

bearmay 在天空部落發表於19:51:05 | 輕狂心事

哈！哈！！德國成功踢走瑞典，進身八強，當然我又有去奧林匹克公園睇大型轉播呢！又當然，如果你哋想睇相，短片，一定要响今個星期留意『婉子直擊』啦！！！呵～！

我今次又揾到正記念品，就係依條寫住『Soccerbabe』既電話繩，係未好sweet呢？嘻！嘻！！

人氣 () | 回應 (11) | 引用 (0)

June 23, 2006

54', 74', 90', 2006

bearmay 在天空部落發表於20:32:56 | 輕狂心事

54', 74', 90', 2006，並唔係六合彩，而係德國赢出世界盃既年份，2006仲未唔係？但係一定會係！！！

54', 74', 90', 2006仲係一首响德國依期最HIT既世界盃打氣歌，比兩首世界盃主題曲更受歡迎，我努力將歌詞翻譯咗做中文，大家一於聽熟佢，聽日一齊支持德國隊！！

觀看全文...

人氣 () | 回應 (7) | 引用 (0)

June 21, 2006

我既世界盃記念品

bearmay 在天空部落發表於17:27:14 | 輕狂心事

星期日，我們又去咗睇世界盃大型轉播，當然啦... 詳細內容，梗係要留意『婉子直擊』！！呵～！！

今次我哋仲响場外一間特大記念品鋪頭，買咗一啲世界盃記念品！

觀看全文...

人氣 () | 回應 (11) | 引用 (0)

June 19, 2006

又去一蚊寿司！

bearmay 在天空部落發表於15:55:39 | Hobbit食誌

慕尼黑自從世界盃開始之後，日日都非常好天，太陽一曬就到夜晚成九點半先落山，氣温日日都有成三十度以上（太陽下可以有四十度！），所以人都懶咗好多....！响唔想煮飯之下，我哋又去食一蚊寿司，今次去母店，發現佢哋多咗好多二至三歐羅既小食呢！

觀看全文...

人氣 () | 回應 (9) | 引用 (0)

June 12, 2006

我也來燒鴨！

bearmay 在天空部落發表於14:40:31 | Hobbit食誌

見到Shar05既Lucky牌燒鴨，睇到我同湯馬口水直流！佢又好細心咁有仔細圖解，我哋當然就去試啦！
我哋買咗一隻2.1公斤既急凍鴨，只係六歐羅咋！如果响依邊香港餐館食半隻燒鴨都要成十六歐羅呀！！！我哋好乖咁跟哂圖解咁做，發現過程比想像容易三千倍！我仲將鴨鴨掛以二十四小時風乾，可能電爐比煤氣爐容易掌握温度，所以只要用180°C，焗咗四十分鐘即成。我仲記得婉子媽教落，燒鴨一定要凍咗先好切，用鴨頸、翼同内臟嚟滾咗個湯，加埋燒鴨汁，終於食返碗「脆皮燒鴨米」嘞！！！

非常感謝Shar05既分享哦！！

觀看全文...

人氣 () | 回應 (21) | 引用 (0)

June 10, 2006

世界盃新體驗！

bearmay 在天空部落發表於03:40:21 | 輕狂心事

「Berlin！Berlin！！Wir fahren nach Berlin！！！Berlin！Berlin！！Wir fahren nach Berlin！！！」（柏林！柏林！！我們向柏林去！！！）
依個係今屆世界盃，德國人的心願。因為工作關係，我同湯馬去咗慕尼黑奥林匹克公園睇轉播，詳細内容，留意『婉子直擊』啦！呵！呵！！

人氣 () | 回應 (5) | 引用 (0)

June 2, 2006

湯馬牌超級三文治

bearmay 在天空部落發表於21:01:11 | Hobbit食誌

我已經成功睇晒五十幾集既大長金，但係好唔好彩，朋友們俾咗第一至三季既24俾我，三季，每季二十四集，即係一共有七十二集嘞！啱啱放低長金同閔大人，依家就有Jack Bauer同恐怖分子，如果你係同我一樣係美國劇集迷，一定要睇呀！劇情真係好緊張！！
話說回來，因為劇情太緊迫同精彩，所以我就走上「不煮飯」之路！湯馬就開始整啲電視餐我食嘞，今晚就有超級三文治！好富豐既三文治有：溶咗既車打芝士、蛋、生菜、蕃茄片、青瓜片同埋火腿，加上日式沙律醬，德國人鍾意extra加幾條焗脆既煙肉伴碟一齊食，好正呀！

觀看全文...

人氣 () | 回應 (9) | 引用 (0)

May 31, 2006

Germany's Next Top BB Model?

bearmay 在天空部落發表於19:17:49 | Ya Ya Sonya

上星期六，我哋同朋友Kim同佢老婆一齊去行IKEA，行行吓，突然有個女人叫停我哋，俾張卡片我哋，原來佢係响兒童模特兒公司度做，覺得餅碎好可愛，叫我哋考慮下俾佢試鏡做BB模特兒。同湯馬商量後，覺得都不仿一試，因為好難得有人邀請去鏡架嘛，再加上餅碎一向都好友善，鍾意同任何人玩，而且又識對住相機笑，我哋又同意如果餅碎一有壓力，我哋就會立刻停止，所以就決定試吓嘞！我哋就緊住要求，電郵咗幾張相去模特兒公司。
仲以為要等好耐先會有回音，點知今日一早打電話嚟，同我哋講德國有名嬰兒雜誌《Eltern》需要揾兩個BB模特兒，叫我哋如果有興趣就帶餅碎去試下鏡，咁我就帶佢去玩吓咯。去到出版社發現都有唔少「對手」，我哋以經係第十八個嘞，但係其他BB全部都係金髮，好傳統嗰啲『天使』樣，當我哋入到攝影室時，佢哋都好驚奇見到一個「非主流BB」，餅碎亦都好醒目，一入到房就立即笑騎騎，引到啲工作人員好鬼開心！一共影咗五、六幅相，有坐响度既，又有自己扶住企响度既。
依家就要等回覆，睇吓佢哋用唔用佢嘞，睇吓佢幾時可以自己賺到「第一桶奶」！

人氣 () | 回應 (15) | 引用 (0)

May 29, 2006

流落慕尼黑的香港人的晚飯局

bearmay 在天空部落發表於17:27:36 | Hobbit食誌

一個勁好味，而且開心既晚飯局！
我哋七點開始，因為其他人第二日要返工，本來話唔想留到太夜，點知大家又傾到成十點半先走，仲要係起哂身，都要企响度傾多十五分鐘！哈！哈！！哈！！！

觀看全文...

人氣 () | 回應 (13) | 引用 (0)

May 18, 2006

婉子的小專欄

bearmay 在天空部落發表於20:14:34 | 輕狂心事

大家都可能留意到婉子少咗寫日誌，同埋四處留言，原因除咗掛住睇大長金（係呀！終於借到嘞！）之外，仲有要陪餅碎多啲啦，佢可以四圍爬，成日要睇實佢。仲有一個原因.......
婉子得到朋友老婆賞識，而朋友亦都俾機會，現在為蘋果網既世界盃專頁，寫一個短期專欄，名為『婉子直擊』，第一次寫專欄，我依個被熊貓貓稱為「中文文盲」既人，正在努力找尋返我啲中文和文法，仲要多謝出手幫我「玩填充」既朋友哦！
大家如果有興趣可以去睇睇呀！

人氣 () | 回應 (18) | 引用 (0)

May 17, 2006

貴都值的韓國菜

bearmay 在天空部落發表於18:49:16 | Hobbit食誌

係朋友介紹既韓國菜館，朋友講明係貴，但係因為好恨食韓國菜，所以都捉湯馬去試。七點到達餐館，但係竟然發現，佢哋一個客都無，只見到一個待應，同埋一個好韓國媽媽Feel既廚師响半開放式廚房。打開餐牌，我哋一齊用廣東話講咗句：「好貴哦！」一小碟泡菜也要三個半歐羅呢.....！！
最後我哋叫咗一個二十六歐羅既二人套餐，有炒粉絲做前菜，再加十小碟，辣豆腐湯同埋白飯，另外再叫咗一個八個半歐羅既韓式烤牛肉。初初覺得好似份量好小，點知食咗一半就覺飽嘞！而且非常好味，泡菜非常新鮮可口，烤牛肉簡直係十個㊣呀！！食完都好飽，但到佢哋有韓式煎年糕，所以都要試埋，又係十個㊣呀！！！走時小店仲坐滿韓國人呢！
套餐加烤牛肉、煎韓式年糕，加埋兩杯啤酒同一杯綠茶，埋單要五十幾歐羅，算係貴，但係係非常非常值得！！

觀看全文...

人氣 () | 回應 (4) | 引用 (0)

May 16, 2006

Hobbits的短假

bearmay 在天空部落發表於22:55:48 | 輕狂心事

我哋响星期五、六、日去咗Sternberger See，過咗一個超懶既短假。
Sternberger See係响慕尼黑西部郊區既－個大湖，我哋去咗一間有機酒店(Bio Hotel)，只係提供有機食品。
我哋真係好懶洋洋，星期五，check-in之後，就去食下午茶，跟住帶餅碎去曬太陽，到七點就去食超美味晚餐，因為開咗支酒，酒量差既我，食完飯就去瞓覺覺嘞！
星期六瞓到十點去食早餐，跟住德國妹妹嚟到幫我哋湊餅碎，我哋同佢一齊去湖邊食完午餐就返酒店做全身按摩嘞。兩個鐘頭之後，會合返德國妹妹同餅碎就一齊去食大大杯雪糕新地，再去買咗個PC Game俾湯馬，返酒店曬太陽七點又去食超美味晚餐嘞。
星期日因為落雨，我哋食完早餐就返家啦！
所以一句講哂，真係一個100%Hobbits假期！

觀看全文...

人氣 () | 回應 (10) | 引用 (0)

May 6, 2006

流落慕尼黑的香港人笫四次大聚會

bearmay 在天空部落發表於18:57:36 | 輕狂心事

今次我哋去咗Westpark燒嘢食！
我哋幾個人响星期五一齊去shopping準備食物同飲嘢，好搞嘢，買齊嘢準備返我屋企時，Kim突然唸起佢哋屋企有煲「靈芝雞湯」，所以天就提意先去佢哋度飲碗湯，再去我屋企。當然有湯飲一定好架，哈～！我哋仲拎咗好多DVD走呢！返到我屋企就嘻嘻哈哈咁醃嘢食，由八點搞到九點就整好，我準備咗啲菜乾粥、豉油皇炒麵同春卷做晚飯；之後傾到十點半先散呢！
星期六，我哋由＋點半開始燒嘢食，一直玩到五點半因為Ronny媽咪啲行李會送去佢哋屋企，所以大家又轉移地點去佢哋屋企，繼續玩。有啲打麻雀、有啲打機、睇DVD。仲有奇蹟！本來對要突然準備十二個人既晚飯而煩，但係我哋最後都整到炒米粉、栗子炆雞、蒜蓉白菜同埋沙律呢！

觀看全文...

人氣 () | 回應 (17) | 引用 (0)

April 30, 2006

流落慕尼黑的香港人第三次聚會

bearmay 在天空部落發表於20:54:44 | 輕狂心事

我哋又有聚會嘞！
真係差唔多每個禮拜都見呢！今次我哋去咗Chairlady（係，我哋已經成立咗一個會！！我係秘書呢～！﹞既屋企食下午茶，兼「開會」，討論今個禮拜六既BBQ安排。但係當然笑聲比認真討論既比例多，而且我哋由三點傾到七點半，再轉移地點落樓下間意大利餐廳繼續，八大一細一粒餅碎，嘻嘻哈哈一直到十一點先捨得走！

係呀，星期六我哋又聚會，大型燒烤會！！

觀看全文...

人氣 () | 回應 (18) | 引用 (0)

April 26, 2006

婉子第一卷～咖啡瑞士卷

bearmay 在天空部落發表於16:50:15 | Hobbit食誌

响其他日誌度，成日睇到人話瑞士卷係非常難卷得好，而且卷時要好有技巧，時間同温度都要掌握得好好，唔係蛋糕體好容易裂開。所以我就盤住如果裂咗爛咗，我就轉做cream cake既心理，膽粗粗响高難度挑戰！第一次卷既巧果算係唔錯，當蛋糕微暖時卷，最後只係表面爆開啲啲，因為我怕落忌廉會太肥，所以我用咗粗粒花生醬餡，但係湯馬話花生醬同忌廉係一樣咁肥呢.......！

觀看全文...

人氣 () | 回應 (17) | 引用 (0)

婉子喜歡美食，鍾意獨一無二的東西，更享受發白日夢的幸福