婉子的輕狂心事

April 25, 2006

流落慕尼黑的香港人第二聚會

bearmay 在天空部落發表於15:18:59 | 輕狂心事

响星期日時我哋又搞聚會嘞！
今次既地點係响我哋屋企，本來我哋想去啤酒公園，但係因為有機會落雨，所以就改咗去我哋屋企。我哋今次一共有九大一細，每個家庭都準備少少食物，一齊食午餐，我整咗港式蝦沙律同埋越南生春卷，其他人帶咗自製餃子、日式咖喱同埋雲石蛋糕。
今次我哋又傾得好開心呀！而且仲商量咗未來兩次既聚會呢～！

觀看全文...

人氣 () | 回應 (9) | 引用 (0)

April 24, 2006

MUJI 無印良品

bearmay 在天空部落發表於19:53:05 | 輕狂心事

終於俾我恨到嘞！！
無印良品終於响德國開咗第二間分店，而且係响慕尼黑！依間自稱為全歐洲最大間既無印良品，位於慕尼黑市中心既高貴地帶Fünf Höfe，當然就係想走高檔路線。一共有兩層既鋪頭裝修依然簡直，地下一層主力賣文具，二樓就賣時裝、廚具、浴房用品、化妝用品同埋小量電器、家俬。有好多嘢都無陳列出嚟，但係可以訂售，但係價錢都比香港貴好多呀～！有樣嘢好搞笑，好多貨物都係無德／英文解說呢！

觀看全文...

人氣 () | 回應 (13) | 引用 (0)

April 22, 2006

婉子媽秘方炒蜆

bearmay 在天空部落發表於17:33:19 | Hobbit食誌

細個時，婉子媽成日都會煮炒蜆，佢既炒蜆酸酸辣辣，好鬼惹味，每次放學返到屋企睇到廚房浸緊蜆，就會放棄下午茶，留肚食蜆兼撈汁。但係因為啲海水愈嚟愈污糟，所以婉子媽都無再炒嚕，佢話怕食壞我哋喎～！但係我仍然好掛住婉子媽既秘方炒蜆，响外面一直食唔返！！
响亞洲鋪睇到有急凍蜆賣，一大包都只係四歐羅五亳，比起買新鮮既平成倍！所以就買咗一包，緊住飛車返屋企打俾婉子媽，求佢傳受秘方！！終於食返個嗰味道，啲蜆品質好好，一的沙都無，蜆肉都好有咬口，要同湯馬掙食添！佢成日夾哂啲肉淨返哂啲殼响碟到！好無品呢～！

觀看全文...

人氣 () | 回應 (7) | 引用 (0)

April 21, 2006

燒排骨

bearmay 在天空部落發表於15:05:08 | Hobbit食誌

因為想整腸粉食，所以專登去買咗一樽海鮮醬，但係腸粉失敗咗.....！淨咗樽海鮮醬，記起响sau媽媽日誌睇到一個簡易燒排骨，就去試吓整。德國人好鍾意親天氣一暖啲，再加上陽光普照時去燒嘢食，所以响超市好容易揾到又平又靚既排骨，買咗一條，跟住食譜既醃料，因為婉子好怕用手去掂啲醃料，所以將全部嘢放响一個密實袋裡面醃，咁就可以隔袋按摩！因為好易整，而且好快焗好，焗咗唔洗四十五分鐘就搞掂！好美味呢～！連手指都要咮埋！

觀看全文...

人氣 () | 回應 (7) | 引用 (0)

April 20, 2006

椒鹽酥雞 feat. 扁豆沙律

bearmay 在天空部落發表於20:31:05 | Hobbit食誌

又美味，又容易做既午餐呢～！
椒鹽酥雞我係用半隻雞起肉，醃好之後炸兩次，我以前只會炸一次，但係成日唔夠脆同好油，尋日同婉子媽傾電話時，佢話煮炸嘢時，一定要先炸熟，攤凍之後再炸一次，夾起哂啲炸物先閂火。可能好多人一早知既常識..... 我尋日先知！！

觀看全文...

人氣 () | 回應 (217) | 引用 (5)

April 17, 2006

越南生春卷 feat. 生牛肉河

bearmay 在天空部落發表於18:49:04 | Hobbit食誌

今晚我哋嚟咗個越南之夜，我負責做生春卷，而湯馬就煮生牛肉河。湯馬既生牛肉河既湯底係用兩大舊牛骨煲咗半日，再加入响巴黎十三區買既香料包煲半小時而成，有好濃既牛味呢～！响湯碗底放洋葱絲同埋芽菜仔，加河粉响中間，再鋪上薄牛肉，最後淋上熱熱既湯，食時再加上青檸汁、魚露、香葉....... 好味呀！

觀看全文...

人氣 () | 回應 (17) | 引用 (0)

April 16, 2006

我們簡單的復活節

bearmay 在天空部落發表於16:48:21 | 輕狂心事

我哋今年過咗一個簡簡單單既復活節，本來計劃去啤酒公園野餐，同埋塭復活蛋，但係因為天氣唔隱定，我哋就留响室內嘞。

觀看全文...

人氣 () | 回應 (6) | 引用 (0)

April 15, 2006

我又整寿司

bearmay 在天空部落發表於03:58:11 | Hobbit食誌

好耐都無自己整寿司嘞，應該都有一年，對上一次係一年前湯馬啲朋友嚟開寿司派對時整咗一大餐，之後因為大住個肚唔可企咁耐，又再之後因為餵餅碎母乳，所以唔可以食。今日响超市見到有靚靚鮮三文魚同吞拿魚，懶咗一個星期無乜生產.... 決定今晚整一餐寿司晚飯～！

觀看全文...

人氣 () | 回應 (8) | 引用 (0)

April 9, 2006

流落慕尼黑的香港人大聚會

bearmay 在天空部落發表於21:11:44 | 輕狂心事

好開心呀！一次過識咗好多個香港人，大家都話無諗過原來慕尼黑有咁多香港人。我哋約埋去另一間香港人開既餐館食飯，一共兩圍枱，十六個大人加兩個小朋友，除咗五個係德國人，兩個台灣人外，其他都係香港人。我哋聚會响六點開始，食物一啲都唔重要，傾計先至係必要！大家都交換咗好多流落異鄉既血淚史，我哋傾到好鬼嘈，好有置身於香港酒樓既感覺呢～！大家都話以後要多啲搞聚會先得！
我得兩幅相咋，都掛住傾計嘛！等其他人send返啲相嚟時，我會再update！

觀看全文...

人氣 () | 回應 (18) | 引用 (0)

April 8, 2006

復活樹

bearmay 在天空部落發表於21:03:20 | 輕狂心事

復活樹其實係由白樺樹既樹枝組合而成，白樺樹係最早長出葉既，所以德國人好鍾意响復活節前，帶埋小朋友，一家大細去森林塭白樺樹，拎啲樹枝返屋企，再掛上大大小小既復活蛋做復活樹，希望响復活節長出細葉，正式同冬天講bye bye！

觀看全文...

人氣 () | 回應 (12) | 引用 (0)

April 6, 2006

韓式烤肉

bearmay 在天空部落發表於04:03:57 | Hobbit食誌

又俾我揾到肥牛嘞！响我哋隔離村開咗一間新超市，除咗有個大停車場方便我泊車外，仲有一個大肉枱，有好多選擇，而且仲好平，一舊800g既肥牛都只係五蚊歐羅（婉子突然變得好師奶添！）。响飯婦人與飯人的飯局度睇到一個韓式烤牛肉，好耐都無食韓國燒，所以就參考食譜，做咗一餐簡單美味韓式烤肉晚飯！

觀看全文...

人氣 () | 回應 (11) | 引用 (0)

April 4, 2006

得到確定了！

bearmay 在天空部落發表於22:23:12 | 輕狂心事

今日我去咗市政大樓去申請「永久居民証」，因為經過考慮之後，覺得要放棄香港護照去入德藉，真係太過可惜了，而且永久居民証得到既福利同德藉係一樣，只係唔可以投票，所以我睇唔到要入藉既理由。去到揾到負責既職員後，佢就開始用德文解釋我知有關程序，再問咗我啲問題，之後俾咗啲文件我即刻填寫，佢對好哂就簽名作証，俾返我叫我去另一個地方攞申請表，當我睇返份文件時，佢响最尾寫咗「德文能力～ Sehr gut（非常好）」！！再問返佢時，佢話如果德文會話唔好，係無得申請架！但係佢覺得我全無問題呢～！太開心嘞！終於有「官方」確定我既德文水平呢！

人氣 () | 回應 (25) | 引用 (0)

April 4, 2006

懶洋洋的婉子

bearmay 在天空部落發表於21:28:38 | 輕狂心事

依幾日婉子我都係過緊懶洋洋既生活.......

觀看全文...

人氣 () | 回應 (10) | 引用 (0)

March 29, 2006

我又來做豬肉乾

bearmay 在天空部落發表於19:56:50 | Hobbit食誌

湯馬係一個不折不扣既豬肉乾怪，每逢返香港都要偷運幾斤返嚟，而如果有朋友嚟我哋，豬肉乾都係佢最想得到既手信。今日我終於消除大家要偷運豬肉乾既煩惱，成功做出豬肉乾！（拍！拍！！拍！！！拍！！！！）多謝大家！
湯馬：「嘩～！好似真既一樣！」
婉子：「係真架！！！！（眼有火光！﹞」

觀看全文...

人氣 () | 回應 (17) | 引用 (0)

March 28, 2006

又來海南雞飯

bearmay 在天空部落發表於19:44:41 | Hobbit食誌

今次我買原隻雞脾，再自己起骨，食時就保証啖啖肉嘛！第一次起雞脾肉，做起嚟比想像中容易好多，而且比起雞翼容易十倍！今次仲用咗懶人法，雞肉只係用香蘭葉水先煮後焗熟，再加一個汁淋面，味道都好好，我哋又一次食咗一個安靜既晚餐！

觀看全文...

人氣 () | 回應 (7) | 引用 (0)

March 27, 2006

廢物利用芝士條

bearmay 在天空部落發表於19:26:45 | Hobbit食誌

我好鍾意响超市買酥皮芝士條食，一盒十條左右，買差唔多兩蚊歐羅。今日我用焗蛋撻時用唔哂既酥皮，自己整，一包懶人酥皮都只係六毫半歐羅！我將酥皮用Pizza刀切成三厘米左右既長條，排好响焗盤之後，洒少許橄欖油，再加上 Spice Island 既 Pizza Mix 同埋 Parmesan 芝士碎，焗至金黃色即成！咁又慳返兩蚊歐羅嘞！

觀看全文...

人氣 () | 回應 (8) | 引用 (0)

March 26, 2006

星期日的懶人早餐

bearmay 在天空部落發表於23:39:16 | Hobbit食誌

一早起身湯馬就話要出去食早餐，响德國，唔係有太多餐館會有早餐食，我哋最後去咗我哋响市中心舊屋附近，一間叫「肥佬（Dicker Mann）」既德國餐館，因為好記得响門外架耕田車上，塊黑板成日寫住「星期六、日及假期，早餐供應由上午十時至中午一時」。我哋就去食個肥佬德式早餐！

觀看全文...

人氣 () | 回應 (15) | 引用 (0)

March 25, 2006

為德國爸媽準備的小小海鮮餐

bearmay 在天空部落發表於23:14:10 | Hobbit食誌

我哋又借啲意去德國爸媽屋企偷懶，交餅碎俾佢哋玩（湊），我哋就响客廳度煲碟！！我哋都好有良心（！！），準備咗一個小小海鮮餐做晚飯，有煎三文魚，乾煎老虎蝦，同埋我第一次試煮白酒青口。因為唔係自己廚房，所以一切從簡～。

觀看全文...

人氣 () | 回應 (10) | 引用 (0)

March 23, 2006

一蚊寿司～佐野

bearmay 在天空部落發表於18:17:17 | Hobbit食誌

如果响慕尼黑生活過，都會識得依一間一蚊歐羅寿司鋪～佐野（Sushi Sano），每一件寿司都買一蚊歐羅，算係非常之平，保証每件寿司都即叫即整，一百巴仙出自日藉師夫手，而且用料新鮮呢～！我哋去嗰間係新開位於Isartor既分店，小小既鋪頭，只有寿司吧，無母店咁又有串燒、又有湯麵，簡單地只有寿司、小食，連啤洒都無呢～！亦都只有一位寿司師夫同一個女侍應，好有家庭式小店feel！

觀看全文...

人氣 () | 回應 (13) | 引用 (0)

March 23, 2006

煙三文魚蛋批

bearmay 在天空部落發表於16:34:04 | Hobbit食誌

一直好想學焗咸批，但係就成日遇唔到簡單好味既食譜。直至tendy既露絲瑪莉三文魚批既出現，我用咗懶人酥皮代替原有既批皮，所以製做過程只要十分鐘，加埋焗既時間，一個鐘頭就搞掂！一向我都唔太鍾意食dill，但係依個批放咗dill真係好鬼正！！dill怪湯馬二話不說咁食哂半個批呢～！下次會試下用新鮮三文魚，我諗會一樣美味！唔好睇我個焗盤好大個，其實係一雙人盤，啱啱好夠兩人食飽飽，响宜家傢俬買，一套兩個唔同型狀既，只要四個九毫九歐羅呢！好低又好用。

tendy，放咗dill真係一個超級美味既蛋批呢！多謝食譜哦～！

觀看全文...

人氣 () | 回應 (11) | 引用 (0)

婉子喜歡美食，鍾意獨一無二的東西，更享受發白日夢的幸福