婉子的輕狂心事

March 20, 2006

湯馬牌假兔仔

bearmay 在天空部落發表於16:18:05 | Hobbit食誌

依個外型唔似兔仔，味道更加唔似兔仔肉，但係就有個「假兔仔」依個名。其實係用免治豬肉溝免治牛肉，中間仲釀咗幾隻熟蛋，放响蛋糕模裡面焗。係一個非常傳統既德國家常菜，响免治肉裡面加咗浸過水既多士，所以食起嚟一啲都無硬實實既感覺，湯馬仲另外加咗一啲希臘羊芝士，令到味道更加濃呢～！最後加一個淡淡既野菇汁，就係一個美味既晚餐了！

觀看全文...

人氣 () | 回應 (16) | 引用 (0)

March 19, 2006

咖喱角

bearmay 在天空部落發表於16:36:25 | Hobbit食誌

星期五晚，湯馬又加班到好夜，所以惟有响對面街間外賣鋪買咗啲炒飯、炒麵做晚餐。佢仲叫咗一個炸雲吞，點知一開盒發現裡面既所謂「炸雲吞」，其實係咖喱角（！！）。食完有啲唔夠喉，所以自己又試吓自己整，到煮好哂個餡先發現，我係唔識點包咖喱角！！响香港可以容易買到既小食，我一直都無諗過係點樣包......！經過幾十次試驗，終於包好，但係因為只得一層皮，所以無平常嗰啲咁脆，但係味道我都好滿意～！有無人可以教吓我，包咖喱角既正確方法嗎？

觀看全文...

人氣 () | 回應 (9) | 引用 (0)

March 18, 2006

婉子家牛肉丼

bearmay 在天空部落發表於19:09:43 | Hobbit食誌

前幾日响唔記得邊個個日誌度，睇到有吉野家牛肉丼既食譜，因為見到好簡單，而且湯馬又好鍾意食，所以就去揾一舊肥牛試。响德國係非常難買到肥牛肉，因為愛食肉既德國人話肥牛太唔健康喎（！！）。去咗好多間超市，終於揾到一舊仔，返到屋企再自己用切肉機切薄。好辛苦咁搞好之後，竟然發現我揾唔返個食譜.....（？！）我就唯有用幻想力製做『婉子家牛肉丼』嘞！

觀看全文...

人氣 () | 回應 (8) | 引用 (0)

March 16, 2006

野莓鬆餅

bearmay 在天空部落發表於22:58:32 | 輕狂心事

自從檸檬鬆餅之後，突然間愛上咗鬆餅，因為太容易做同埋超級美味。尋日湯馬買咗一包野莓俾我，所以今日我就整咗野莓鬆餅做下午茶，仲嘗試幫鬆餅扮靚靚添，可愛嗎～？

觀看全文...

人氣 () | 回應 (12) | 引用 (0)

March 15, 2006

懶人印度牛油雞

bearmay 在天空部落發表於20:59:12 | Hobbit食誌

德國人好鍾意買燒雞做晚餐，佢哋啲燒雞非常厚肉，所以成日發生買半隻唔夠食，一隻又太多既情况。我成日都為咗食唔哂既雞而煩腦，丟咗佢又好嘥，做嚟做雞沙律三文治又食到悶哂。終於俾我揾到救星～懶人印度牛油雞（Butter Chicken），只要將雞拆肉，加洋葱、蕃茄膏同忌廉，就可以响三十分鐘做好！餸飯或者Naan，一樣美味呢～！

觀看全文...

人氣 () | 回應 (3) | 引用 (0)

March 12, 2006

餅碎第一次去游水

bearmay 在天空部落發表於06:56:54 | Ya Ya Sonya

太開心了！佢一啲都唔驚，完全無喊到呀！！

觀看全文...

人氣 () | 回應 (16) | 引用 (0)

March 11, 2006

法式住家菜

bearmay 在天空部落發表於06:47:12 | 未分類

我哋個Hobbit法國朋友，請我哋食咗一餐超美味法式住家飯！

觀看全文...

人氣 () | 回應 (8) | 引用 (0)

March 11, 2006

拍拖去

bearmay 在天空部落發表於06:12:31 | 輕狂心事

我哋好耐無去二人世界嘞～！

今日我哋忍心放低餅碎俾德國爸爸同媽媽湊，我哋就行街睇戲八個鐘！响德國爸爸同媽媽屋企食完早餐之後，十點半，我哋正式起程。

觀看全文...

人氣 () | 回應 (4) | 引用 (0)

March 10, 2006

永留心中

bearmay 在天空部落發表於20:03:16 | 輕狂心事

响剛剛睇完既第四季Six Feet Under裡面，其中一集講到有一個同前夫離婚二十年既女人，前去處理前夫既後事，佢初初係非常唔願意。
到最後，佢對Federico講.....
女人：「初初你打俾我時，我真係完全忘記咗佢，我諗咗一排先至想起佢係邊個，但係當我一記起..... 所有以前同佢渡既每一分，每一秒都活現眼前。你明白嗎？當你曾經用心真真正正愛一個人..... 佢就........」
Federico：「佢就會永遠留响你既心中！」

人氣 () | 回應 (2) | 引用 (0)

March 9, 2006

檸檬杏仁鬆餅

bearmay 在天空部落發表於18:59:43 | Hobbit食誌

今朝起身突然間好想食蛋糕，就「四出」揾簡單、快捷、好味既蛋糕配方。最後俾我响Mabel日誌到見到一個檸檬鬆餅既配方，見到個過程非常簡單，最好係用牛油融液，所以連放軟牛油既時間都慳埋！而且响前晚煮芝麻檸檬雞時，淨咗幾個檸檬，所以就一於清理埋啲杏仁粒，極速响一個鐘頭內泡製六個美味，而且香鬆既檸檬杏仁鬆餅早餐！

觀看全文...

人氣 () | 回應 (13) | 引用 (0)

March 7, 2006

婉子餃子圖解

bearmay 在天空部落發表於22:31:53 | Hobbit食誌

應grace既要求，今日午餐我再包餃子，嘗試影低包餃過程，希望大家明白啦！我既包法唔係好傳統，係我捨難取易咁樣包，可以每次都包到差唔多樣。
嚟，大家一齊包包餃子吧！

觀看全文...

人氣 () | 回應 (11) | 引用 (0)

March 6, 2006

餃子？鍋貼？

bearmay 在天空部落發表於21:20:21 | Hobbit食誌

睇見grace整鍋貼，引到我都動手包包餃子。我諗餃子同鍋貼係同一樣嘢，只係北方人同南方人既叫法唔同吧。
婉子超級鍾意食煎餃子，响德文班有一個來自青島既同學，佢成日包一小盒拎返學請我食，响佢臨離開德國前，佢特登教我包餃子同送咗一支壓皮既木棒我呢！我就一直用佢教我咁，餡料簡單地有芹菜碎同免治豬肉，麵糰就係麵粉加鹽加水，用先用水蒸煮，再煎，再點用豉油攪白醋同白胡椒，好食哦～！

觀看全文...

人氣 () | 回應 (14) | 引用 (0)

March 5, 2006

三月大雪

bearmay 在天空部落發表於20:57:31 | 未分類

星期六，慕尼黑落咗一日雪，由大朝早到星期日早上，一共落咗五十厘米雪！仲繼績落緊呢～！

等我嚟帶大家睇睇可能係今個冬天最後一次既雪吧！

觀看全文...

人氣 () | 回應 (6) | 引用 (0)

March 5, 2006

飲茶去

bearmay 在天空部落發表於20:08:00 | Hobbit食誌

本來計劃過一個超懶人星期日，一早起身湯馬整咗特大火腸芝士奄列做早餐，之後我哋一家三口就排排瞓响電視前，開始睇DVD。到十二點左右，Carol突然打嚟叫我哋去飲茶，美食當前，當然就立即起身，飲茶去！

觀看全文...

人氣 () | 回應 (7) | 引用 (0)

March 4, 2006

自製豬肉鬆

bearmay 在天空部落發表於20:13:28 | Hobbit食誌

其實一早睇到曲麻介紹既自製豬肉鬆食譜，但係因為餅碎病咗幾日，我就忙住照顧佢，而無得試吓，今日餅碎終於笑返，仲識再曳曳添，所以我就即刻去揾舊豬肉去整肉鬆！
過程非常易單，由煮豬肉、撕細到炒好，只係用咗差不多兩個鐘（其中一個鐘係煮肉），味道非常之好，我依家响度煩惱緊，我應唔應該話俾正在加班既湯馬知，我怕我會响一邊睇第四季Six Feet Under，一邊食哂所有既肉鬆！！

觀看全文...

人氣 () | 回應 (16) | 引用 (0)

March 1, 2006

我的第九包～第一次中種法的菠蘿包

bearmay 在天空部落發表於21:49:45 | Hobbit食誌

响Honney既日誌睇到佢成日用中種法去做包包，我見唔係太困難，所以就試試，做出嚟既包包真係好軟哦～！而貪心既我，特別做咗加大碼既菠蘿包皮添！呵～！呵～！

觀看全文...

人氣 () | 回應 (9) | 引用 (0)

February 28, 2006

我的第八包～好耐無見既菠蘿油

bearmay 在天空部落發表於20:55:44 | Hobbit食誌

己經有差唔多四年無食過菠蘿油嘞！以前我好鍾意去中環揾湯馬食完午餐之後，四圍走走之後，坐電車去檀島食新鮮菠蘿油，再加杯滑滑熱奶茶做下午茶。但係當然响德國係無菠蘿油啦！之前揾過既食譜，菠蘿包個皮都係要用臭粉，所以一直無辨法自己去整，直至到mayu介紹咗Honney既唔洗臭粉菠蘿包皮，我終於又可以再食菠蘿油做下午茶嘞！