婉子的輕狂心事

January 28, 2006

圓圓肉丸子，圓圓滿滿過新年

bearmay 在天空部落發表於23:46:49 | Hobbit食誌

今年我無特別整團年飯，一來因為要忙做蘿蔔糕，二來湯馬又成日加班，無時間幫我買餸，所以我只係簡簡單單做咗湯肉丸子，取其意「圓圓滿滿」。依一道菜係我响一個來自青島既同學身上學既，材料非常簡單；做法亦到簡單，只要用兩隻匙梗將免治肉滾成丸子就得嘞！用嚟煮丸子既湯水，加上莞茜，味道清甜，可以當清湯飲，又可以加麵做肉丸子湯麵。好好味呀！

觀看全文...

人氣 () | 回應 (0) | 引用 (0)

January 27, 2006

婉子又做過年美食！

bearmay 在天空部落發表於00:30:54 | Hobbit食誌

因為屋企既傳統，所以我到年廿八先至準備新年既食物。自從搬咗嚟德國年之後，我都堅持每年都蒸蘿蔔糕，仲一蒸就四底，好好彩咁，年年到要蒸糕前，都一定有朋友嚟慕尼黑，所以我就可以叫佢哋「走私」啲臘味、冬菇嚟過年，我同湯馬都勁愛臘味蘿蔔糕，可以一日食底半...... 哈～！湯馬成日叫我响平日都蒸，但係因為工夫多，而且日日食就唔特別，所以我哋都好其待農曆新年！
今年我仲做多咗蛋散同笑口棗，因為年廿九會去台灣朋友屋企，所以就做啲特色嘢去做禮物，湯馬又可以拎啲返工司請同事食，分享吓農曆新年！！

觀看全文...

人氣 () | 回應 (7) | 引用 (0)

January 23, 2006

來自大溪地的年卡

bearmay 在天空部落發表於21:04:13 | 輕狂心事

當我响信箱睇到依張卡既信封時，真係令我感受至大溪地既陽光！不愧係陽光海灘大溪地，連信封都咁有陽光氣息！打開睇埋張年卡，簡直有去旅行既衝動！我諗我要同湯馬傾吓，不如今年佢既年假，唔返香港，而係去埃及感受一下啲陽光同碧綠既海水！
多謝Calimero送上靚靚年卡！

觀看全文...

人氣 () | 回應 (4) | 引用 (0)

January 22, 2006

德國媽媽的美味蛋糕

bearmay 在天空部落發表於22:51:46 | Hobbit食誌

德國媽媽係一個好典型既德國職業女性，佢好鍾意工作，但係返到屋企係個無飯主婦。佢煮得最好食係鬼佬雞湯，就算我跟足佢既方法煮，都無佢既咁好飲，好奇怪。其他嘢就..... 多數係湯馬或者我煮，一係就係煮懶人包。但係佢所造既蛋糕係超級好食！每一次去探佢哋或者佢哋過嚟，都一直有「coffee & cake time」！而德國媽媽又勇於嘗試，所以每次都有新蛋糕食。
今日，佢哋嚟睇餅碎，佢就整咗「合桃蛋糕」同埋無忌廉既「黑森林蛋糕」帶嚟一齊食。

觀看全文...

人氣 () | 回應 (9) | 引用 (0)

January 21, 2006

意大利「新年老人」從香港送上禮物

bearmay 在天空部落發表於20:53:57 | 輕狂心事

今日當我哋準備出去租碟同買餸時，一開門就望見依個箱响正屋企大門口，原來意大利既「新年老人」靜靜雞就嚟咗，我哋就即刻跑返入廚房，打開嚟睇～！

觀看全文...

人氣 () | 回應 (5) | 引用 (0)

January 20, 2006

懶人麵包之五～蘋果包

bearmay 在天空部落發表於22:11:49 | Hobbit食誌

今次我將非常難做既德國甜品～「蘋果餡卷（Apfelstrudel)」，嚟個變身，成為容易做既蘋果包！但係好不幸地，我又犯上做蘋果餡卷既錯... 放得太多餡！所以啲餡响焗起時已經走咗出嚟嘞！但係好彩無話變得好恐怖，食完晚飯後，湯馬都鯨吞咗兩個！吞日德國爸媽會過嚟Tea Time，我會再做一次，一定記住「皮厚餡少」！

觀看全文...

人氣 () | 回應 (3) | 引用 (0)

January 18, 2006

瑤柱蒸水蛋

bearmay 在天空部落發表於20:17:04 | Hobbit食誌

我係一個蒸水蛋痴，更加係一個乾瑤柱怪！
以前每逢媽咪唔知煮乜時，我都一定提意蒸水蛋，好一個平、靚、正既餸！平日只食半碗飯既我，可以用水蛋撈兩大碗飯，可想而知我係幾愛蒸水蛋！！而加埋瑤柱絲，簡直好食到不得了！
到自己住先知原來蒸水蛋一啲都唔易整，水既分量同蒸既時間都非常難掌握。走去叫媽咪遙距教受，佢永遠都話未幾多隻蛋再加水滿到碟邊，但係佢就永遠忘記我無佢嗰隻碟......！
直到一年前响親子王國揾到一個配方，再經過無數次既試驗，終於揾到啱我隻碟既配方！

觀看全文...

人氣 () | 回應 (13) | 引用 (0)

January 15, 2006

懶人麵包之四～花生醬椰絲包

bearmay 在天空部落發表於01:37:17 | Hobbit食誌

係呀！我玩上癮呀！鬼叫湯馬响依個週六、日都要返工咩！（無良老板！）所以唯有焗吓包包打發時間啦！餅碎又鍾意望住舊麵糰响部機度轉呀～轉呀！呵～！我响十點左右開始開機攪麵糰，十一半度就發酵完成，加好餡料就入焗爐焗，十二時就有新鮮包包做午餐嘞！又可以幫湯馬做埋第二日既午餐喎！哈～！
今日造甜既！

觀看全文...

人氣 () | 回應 (10) | 引用 (0)

January 14, 2006

懶人麵包之三～腸仔包

bearmay 在天空部落發表於23:51:57 | Hobbit食誌

嗯～！我之前真係中粉當高粉用，所以成日唔可以做到理想既麵包，今日我試用最大號既麵粉，啊～！終於唔再變形啦！我努力幫腸仔包造型，依個係最靚仔家啦！

望見佢，感覺好滿足哦！

觀看全文...

人氣 () | 回應 (3) | 引用 (0)

January 13, 2006

懶人麵包之二～超級懶人蕃茄意大利包

bearmay 在天空部落發表於19:02:47 | Hobbit食誌

哈！哈！哈！今次真係超級懶人嘞，因為我用咗ready-bake去做包包，只要將包粉加入麵包機，加入三百亳升水同埋八十克蕃茄乾，三個鐘頭後就完成超美味蕃茄意大利包！

觀看全文...

人氣 () | 回應 (7) | 引用 (0)

January 12, 2006

懶人麵包之一～芝士煙肉包

bearmay 在天空部落發表於21:31:36 | Hobbit食誌

嘩！真係好懶人呀！本來諗住睇哂本說明書先整，但係無意中發現有一個叫「準備麵糰」工能，只要一個半鐘，所以就試吓造「最愛麵糰」，初初開始時真係唔太相信部機，又怕唔夠牛奶，因為攪咗十分鐘，望落去都好似好散咁。部機好鬼衰，有一大個窗口，等人不停响度偷望！再攪二十分鐘，舊麵糰終於成形！發酵完成既麵糰，比自己搓既靚，只要搓開麵糰，再加入煙肉、芝士即刻可以焗，包包好鬆軟呀！
同湯馬傾起時，先發現，或者我一向用開既麵粉只係中粉（！！！）所以之前既麵包都唔似樣，佢放工會幫我買「高粉」，睇吓會唔會好啲！

觀看全文...

人氣 () | 回應 (7) | 引用 (0)

January 12, 2006

Hobbit 新廚房玩具～‧麵包機‧

bearmay 在天空部落發表於17:30:23 | Hobbit食誌

上星期六我哋專登出市中心既百貨公司，想揾一個理想既多士焗盤，但係走咗兩間百貨公司，再加上一間廚房用品專門店都揾唔到，德國人好似只會焗蛋糕一樣！
突然湯馬講：「不如買部麵包機啦！」
婉子：「你唔係好憎麵包機咩？」
湯馬：「但係我鍾意你啲麵包嘛！」
婉子：「...............！！（超感動中！）」
跟住我哋就去睇麵包機，但係覺得要成百幾蚊歐羅去買舊玩具，真係太貴嘞，所以都係買唔落手。神奇既事响返到屋企發生.......

觀看全文...

人氣 () | 回應 (10) | 引用 (0)

January 11, 2006

又再日式豬肉蓋飯

bearmay 在天空部落發表於17:09:10 | Hobbit食誌

食完一餐之後，真係回味無窮，心郁郁咁又叫湯馬去揾幾舊半肥瘦豬扒，我再自已切薄佢，再用個室內燒烤電爐去燒，結果係超級好食！啲肥燒到好香口，湯馬話好似韓國烤肉，我仲用埋啲超美味既汁去煮啲日式鮮菇，簡直係一流！唔好以為好多功夫，我只係用咗一個鐘去煮依餐飯咋！

觀看全文...

人氣 () | 回應 (2) | 引用 (0)

January 10, 2006

日式豬肉蓋飯

bearmay 在天空部落發表於17:50:54 | Hobbit食誌

响Sau媽媽既日誌睇到依個超美味既豬肉蓋飯，其實我都唔太清楚「蓋飯」係乜嘢意思，我諗係鋪啲餸响飯面就係蓋飯吧！睇到佢既相嗰啲豬肉好多汁，好似可以聞到香味一樣，所以就試吓啦。煎豬肉時已經勁香，湯馬咬咗一啖已經話好好味，唔洗十五分鍾佢就食哂成碗！

觀看全文...

人氣 () | 回應 (8) | 引用 (0)

January 9, 2006

試問我又應該怎樣洗呢？

bearmay 在天空部落發表於19:16:49 | 天馬行空

唔知你哋有無响每買一件新衫、褲時，都會去睇吓個洗熨指引架？我就有依個習慣嘞，因為我相信，只要咁樣做，啲衫褲就可著耐啲，同埋起碼唔會洗到成機衫甩哂色。
今日我有一個難題，我响我剛剛由網上Esprit（係呀！响德國係可以响網上買Esprit，仲免運費同收貨先俾錢添！）訂返嚟既一條頸巾上，揾到依個指引～

觀看全文...

人氣 () | 回應 (9) | 引用 (0)

January 7, 2006

新潮日式餐館

bearmay 在天空部落發表於21:46:21 | Hobbit食誌

依間位於市中心既餐館，其實都唔係賣100%日本菜，佢哋除咗有兩個靚仔日本廚師响Open Kitchen準備嘢食，有日式湯麵，小食外，佢哋都有賣越南小食、湯麵。裝修非常齊潔、新潮，係第一間除咗麥當勞依啲美式快餐廳外，既自助餐廳，我哋都覺好似高級咗十倍既大家樂。餐館開咗有年幾，直到尋日我先第一次去試。湯馬同同事前排去食過佢哋既寿司，因為覺得好食，所以我哋又去再食。我哋叫咗越南生春卷、蝦串同日式串燒雞做頭盤，我就要咗一碗日式雞烏冬，而湯馬就食越南生熟牛肉河。

觀看全文...

人氣 () | 回應 (10) | 引用 (0)

January 6, 2006

德文難學嗎？

bearmay 在天空部落發表於20:49:29 | 輕狂心事

前幾日收到mayu既電郵，佢响結尾問咗一個人人都問我既問題～「德文難學嗎？」

回想剛剛到德國既我，只係識得用德文講早晨、午晨、晚安同由一數到十。我哋決定要離開香港得太快了，我同湯馬一齊嚟聖誕新年之後，就自己一個返香港準備簽証，依三個月其間，毫無時間學習德文，雖然湯馬買咗一套自學書我，但係坦白講，我只係睇過一、兩頁.....

觀看全文...

人氣 () | 回應 (19) | 引用 (0)

January 5, 2006

德國爸爸所影的拆禮物相

bearmay 在天空部落發表於02:00:55 | 未分類

德國爸爸終於俾咗佢响平安夜影既相我啦！
有興趣就入嚟睇吓！

觀看全文...

人氣 () | 回應 (3) | 引用 (0)

January 1, 2006

新年玩煙花

bearmay 在天空部落發表於22:39:08 | 未分類

响德國，每年除夕十二點後，都可以玩煙花，湯馬係一個愛「放火」既人，佢都買咗勁多煙花玩。

觀看全文...

人氣 () | 回應 (5) | 引用 (0)

December 31, 2005

我們的除夕

bearmay 在天空部落發表於04:54:46 | 輕狂心事

自從我哋响香港搬到慕尼黑後，每一年既除夕，我哋都習慣去到湯馬其中一個响柏林既大姑姐屋企過，原因係我哋可以去探吓細姑姐一家同同住既德國嫲嫲，又可以响佢哋屋企渡個小假（佢哋有一個向湖既特大花園呢！冬天如果結咗冰，可以直接响私人碼頭溜冰去！），之後再去大姑姐屋企，陪佢哋兩個過年，大姑姐係我哋既最愛姑姐呢！（佢個女同男朋友好有型咁係住响..... 全歐洲最大既猶太人墳場中間呢！）但係因為今年餅碎細，我哋唔方便出「遠門」，所以佢哋就一齊過嚟過年，同時見見餅碎。

觀看全文...

人氣 () | 回應 (4) | 引用 (0)

婉子喜歡美食，鍾意獨一無二的東西，更享受發白日夢的幸福