婉子的輕狂心事

December 28, 2005

我的第五包～午餐肉芝士包

bearmay 在天空部落發表於20:03:21 | Hobbit食誌

繼續幫湯馬做午餐，第一次做有餡包，但係唔算係好成功... 第二次發酵後，包包變得好扁平，我由佢發酵咗差唔多九十分鐘，麵糰係發大咗兩倍多，但係望落去就好似融咗一樣................... 湯馬仍然話好食，但係我就非常不滿個外型...
想請教各位，响第二次發酵前，未要入餡同定型，之後放上焗盤作第二次發酵，你哋會點樣／用d乜嘢冚住佢哋呢？請指教哦！

觀看全文...

人氣 () | 回應 (10) | 引用 (0)

December 27, 2005

我的第四包～芝麻包+芝士包

bearmay 在天空部落發表於03:15:53 | Hobbit食誌

今日再戰包包，第一次試做咸包，仍然用「最愛麵糰」配方，只不過係將糖份量減少，加多咗鹽。我慢慢可以掌握秘決，麵糰已經唔再黏手（非常高興！！），但係我仲要去揾一個真正既麵包焗盤，方便發酵（其實先頭响超市見到一個，但係要成八歐羅，我諗依個價錢我可以揾個更好既！）
今日既包包好好食，芝士包一出焗時成間屋都聞到！湯馬一試就叫我吞日要造多次！而個芝麻包，亦响晚飯時俾我哋一掃光！好滿足哦！

觀看全文...

人氣 () | 回應 (8) | 引用 (0)

December 26, 2005

繼續食的第二聖誕日

bearmay 在天空部落發表於20:51:44 | Hobbit食誌

我哋一早起身就好肚餓，湯馬就話不如出去揾嘢食，我就提意去一間想試好耐既美式餐館，嗰度離屋企差唔多半個鐘多dd車程，我哋去到嗰個鎮時又迷路，所以一共用咗一個鐘去到..... 點知佢哋仲放緊假！！激死！所以最後我哋又出返市區，去返我哋最愛香港餐館，又再食美味羊腩煲！

觀看全文...

人氣 () | 回應 (10) | 引用 (0)

December 25, 2005

我們的聖誕節鴨餐

bearmay 在天空部落發表於20:21:09 | Hobbit食誌

其實德國傳統係要食聖誕鵝，但係因為德國媽媽怕肥，所以响湯馬屋企係會食聖誕鴨。我哋會响德國爸媽屋企過一晚夜，等湯馬可以响第二朝早上開始焗鴨，今年我哋又有三隻肥鴨！
食完早餐，湯馬就開始焗鴨，同用d內臟同鴨翼去煮湯，之後到德國妹妹同男朋友嚟到，我哋就一齊打麻雀，一直到三點左右就有得食嘞！

觀看全文...

人氣 () | 回應 (10) | 引用 (0)

December 24, 2005

拆禮物啦！

bearmay 在天空部落發表於19:27:31 | 輕狂心事

响德國，係唔洗等到二十六日Boxing-Day先拆禮物，因為佢哋根本係無拆禮物日，二十四日稱為平安夜，二十五日為第一聖誕日，二十六日係第二聖誕。所以响依邊可以一早拆禮物，湯馬屋企習慣响平安夜日落之後，食魚之前，就會「叫聖誕老人嚟」，即係我哋分別將禮物放响聖誕樹下面，德國爸媽永遠係最後，我哋就要離開客廳，等到聽到鈴聲先可以入返去，因為可以拆禮物嘞！

觀看全文...

人氣 () | 回應 (4) | 引用 (0)

December 24, 2005

我們的平安夜大魚餐

bearmay 在天空部落發表於18:32:40 | Hobbit食誌

响湯馬屋企既傳統，聖誕節係一個大吃大喝既日子。一直由平安夜既中午食到聖誕節，而湯馬亦擔任一個好重要既角色，因為無咗佢，係無人會去煮聖誕餐，德國媽媽極度唔鍾意去掂未熟既魚同鴨，所以每一年德國媽媽都會負責訂購大魚同準備所有食物材料，而湯馬就會負責煮，所以當湯馬决定搬到慕尼黑時，佢哋好開心，因為終於有啖好食！（湯馬由二十歲開始就自己一個响柏林生活，佢既父母同妹妹就一早搬咗嚟慕尼黑）

照佢哋既傳統，平安夜係大魚餐，而聖誕正日就係燒鴨大餐！

觀看全文...

人氣 () | 回應 (5) | 引用 (0)

December 22, 2005

我的第三包～朱古力提子包

bearmay 在天空部落發表於01:04:08 | Hobbit食誌

經過之前兩次做包包既經驗，本來諗住到星期五湯馬開始放假，先放低餅碎，全心全意做包去。但係湯馬打咗幾次電話返嚟叫我再去焗包包，唔係吞日佢無午餐，咁啱餅碎又乖乖地瞓咗幾個鐘晏覺，我就又做包包嘞！好開心，高粉差40g唔夠，所以要自己計算份量，今次麵糰唔再黏手！但係仍未達到終極完美版，所以仍需努力努力！！

觀看全文...

人氣 () | 回應 (10) | 引用 (0)

December 21, 2005

來自澳洲既雪人都來到了！

bearmay 在天空部落發表於17:41:18 | Ya Ya Sonya

今日我哋小小既信箱，竟然有一個來自澳洲既雪人呀！

stephanie寄咗一個來自澳洲既可愛雪人嚟！多謝喔！

觀看全文...

人氣 () | 回應 (3) | 引用 (0)

December 20, 2005

來自香港的聖誕老人又來了！

bearmay 在天空部落發表於18:47:04 | Ya Ya Sonya

今朝當我中同餅碎沈醉夢中時，突然門鐘響，我就一邊講邊鬼個咁早就嚟賣嘢，一邊揾返我件晨褸去開門，點知一開門見到一個靚仔聖誕老人，心諗再乜熊貓貓個聖誕靚仔拍錯門口，原來佢係為香港既Anmary送上餅碎既禮物！
好多謝你呀，anmary！

觀看全文...

人氣 () | 回應 (7) | 引用 (0)

December 20, 2005

好搞鬼既演唱會飛

bearmay 在天空部落發表於18:30:22 | 天馬行空

其實响上星期已經收到Robbie Williams既演唱會飛，但係因為諗住未又係普通演唱會飛兩張，咁就連信封都無開，就咁釘咗响廚房個告示板就算數。點知今日睇到Iris提到响比利時既門票有閃光加印，好奇心驅使下，我走去開我個信封........
Iris，我諗你都會好鍾意德國既門票......

觀看全文...

人氣 () | 回應 (5) | 引用 (0)

December 19, 2005

我的第二包～腸仔／吞拿魚芝士包

bearmay 在天空部落發表於21:35:03 | Hobbit食誌

經過尋日既大成功後，今日我嘗試用波子介紹既配方，做我既第二包。可能我仲係新手啦，今次發酵得真係唔係太好，包包比較硬（但係又未至於掟死狗咁差勁！）但係味道都好好。我分別做咗兩個腸仔芝士包俾湯馬，兩個吞拿魚沙律芝士包俾自己。我想我仲要再努力學習學習了！
多謝波子既分享呀！

觀看全文...

人氣 () | 回應 (7) | 引用 (0)

December 19, 2005

來自香港的聖誕老人

bearmay 在天空部落發表於20:49:23 | Ya Ya Sonya

今朝响我吸吸吓塵時（係呀！唔合格既家庭主婦做家務呀！），突然想起好耐無吸門口張地毯，就走去開門吸一吸佢，點知～好驚人既發既哦！來自香港既聖誕老人已經响神不知鬼不覺咁嚟過，為餅碎送上一份來自熊貓貓既禮物喔！

觀看全文...

人氣 () | 回應 (4) | 引用 (0)

December 18, 2005

我的第一包～提子包

bearmay 在天空部落發表於22:17:03 | Hobbit食誌

Calimero俾咗一個焗包包既食譜我，自從前年焗咗兩條掟死狗法包後，都唔敢再做麵包嘞！但係睇見Calimero話好容易，咁就去睇吓，親住湯馬個無良老闆要佢星期日都要OT之下，我又膽粗粗做包去！
响第一次發酵時，因為經驗唔夠，室温太低所以發得唔係太好，好彩响第二次發酵時我將麵團用濕毛巾冚住，放响爐入面用微温暖住佢，第二次就發得似返個樣！當焗起時，d香味真係好迷人呀！

嚟！跟我食個提子包加靚咖啡既下午茶吧！

觀看全文...

人氣 () | 回應 (8) | 引用 (0)

December 18, 2005

Tag Tag Tag ~ Blogtag 之五．奇怪問卷．

bearmay 在天空部落發表於21:01:30 | 天馬行空

真係旺呀！今次俾anmary tag中，無標提，所以要自己起個名啦！

1) 這份問卷是誰傳給你的～ anmary>

2) 跟他是在怎樣的情況下認識的～响Panda個日誌度走咗佢個日誌，咁就識咗嘞！

3) 認識多久了～有幾個月啦

4) 他有什麼別於一般人的特點嗎～佢同我一樣有個德國情人

5) 在你心目中他是怎樣的人～我想佢係一個好好玩既女仔

6) 現在有想認識誰嗎～我都想識畢比特哦！

7) 請傳給六個倒楣鬼～我唔識倒楣鬼喎！^^b

人氣 () | 回應 (2) | 引用 (0)

December 18, 2005

Tag Tag Tag ~ Blogtag 之四．最想要的聖誕禮物．

bearmay 在天空部落發表於00:59:45 | 天馬行空

靚B太最鍚我！每次Blogtag實預埋我一份！好玩哦！

[ 遊戲規則 ] 請説明十項你最想要的聖誕禮物和點名7位網友; 不能有重覆的喔!

嗯... 最想要既聖誕禮物....... 聖誕老人，接我既wish list！

觀看全文...

人氣 () | 回應 (10) | 引用 (0)

December 17, 2005

不再偷懶的海南雞飯

bearmay 在天空部落發表於02:26:57 | Hobbit食誌

終於又一次食到雞味！
首先要多謝『雞精』～Grace確定原來咁樣煮雞係會熟既！
一直响德國都好痛苦，因為佢哋嗰d冰鮮雞，只得個大字，隻雞只有肉同肉，毫無雞味可言。直到最近嘗試俾多少少錢，買隻粟米雞食吓，終於似返d樣。但係焗雞又太熱氣，葱油雞又食到悶哂，又無唔係成日有時間去買懶人豉油、醉雞汁，所以就開始揾海南雞飯既食譜，問朋友。皇天不負有心人，終於俾我食返一隻似雞既雞！唔好話我賣花讚花香，我隻雞真係滑滑溜呢！同湯馬食咗一餐好安靜既晚飯，因為大家淨係掛住仔細地品嘗久遺既「雞」！

觀看全文...

人氣 () | 回應 (8) | 引用 (0)

December 16, 2005

來自意大利的聖誕老人

bearmay 在天空部落發表於18:33:31 | Ya Ya Sonya

尋晚湯馬返到嚟時，拎住一個啡色既小郵包，當我想開口話佢又响ebay投xbox或者DS遊戲時，佢就話嘞：「快d開，係Grace同Marco寄嚟架！」開咗之後原來係一份俾餅碎既第一個聖誕既禮物！睇到時，我同湯馬異口同聲地講：「係河馬啊～！」
Grace, 又再証明我哋係會買同一類嘢，口水肩係其中一份我哋想買俾餅碎既聖誕禮物！你哋既心意嚟得非常合時！真係好開心呀！d河馬好鬼可愛呀！多謝！多謝！！

*希望來自德國既聖誕老人好快就去到你哋門口！*

觀看全文...

人氣 () | 回應 (6) | 引用 (0)

December 15, 2005

我第一個學做既德國菜

bearmay 在天空部落發表於20:00:00 | Hobbit食誌

其實我都唔太清楚係德國菜定奧地利菜... 因為德文名叫「Wiener Schnitzel」，中文可以叫做「維也納炸豬扒」，即係炸到香脆薄薄既吉列豬扒。依一味菜可以响任何德國餐館隨便食到，响餐牌無都好，如果你有小朋友，話要點吉列豬扒加薯條俾佢哋，廚房都可以整俾你！但係佢就偏偏叫做維也納豬扒！
剛剛到德國生活時，去親食飯都點炸豬扒，因為好似日式吉列豬扒，係信心既保証！之後我就叫湯馬教我整，成為我第一個學既德國菜！