Benjamin's Traveling Art (阿乃藝遊哲學)

本人現正修讀旅遊碩士的課程，希望各位BLOG友、收看本BLOG的人！
希望各位幫幫本人，完成這科目的論文！


下方有一份問卷的連結，
主要是我本科目所研究的課題，
需要收集各地朋友的資料去完成調查問卷，
最後製作成研究論文，
所以需要最少100份問卷！
(因為本問卷是針對非澳門人的外國人或不在澳門居住的澳門人)


同時亦希望各位可以幫忙廣發此LINK給你的朋友！


只需要大家5-10分鐘的時間就可以！
連結如下：http://www.my3q.com/home2/179/overtime/stayinmacau.phtml


謝謝各位的幫忙！
本人會繼續寫多D好遊記給大家！
THANKS~~


阿乃

本人其實是2005~2006年度的旅遊娛樂系學士的畢業生！
但等了一年多的時間，才舉行畢業典禮！

正式的畢業典禮時間是2007年的11月4日(遲了一年零3個月的時間)，
其實畢業證書一早已經到手，不過並沒有拍下畢業相，當然是一個遺憾啦！

11月4日的行程表：
11:00AM  約了一班現在一起修讀 "旅遊碩士" 的同學們飲茶
12:00PM  到典禮會場報到
12:30PM - 14:10PM  綵排時間
14:10PM - 15:00PM  觀眾及嘉賓入場
15:00PM  典禮開始
15:05PM - 17:00PM  典禮進行時間
17:00PM - 17:30PM  留影時間
18:30PM - 22:00PM  畢業聚餐(自己籌辦)

全日就非常之繁忙，現在就給大家看看畢業典禮及聚餐的實況啦！

亦跟大家交代一下，我之前說我好忙，有些朋友就知道了，現在就跟大家講，我其實早前忙，是忙著開店呀！對呀~~自己做老闆，不過暫時只是開了格仔鋪！

但雖然是格仔鋪，我都已經忙了近半個月了！
就是天天都是清晨才睡，大家都已經叫好不要太操勞，謝謝大家的關心！

我開了的格仔就在 澳門最旺人氣的 信達城內！
地址是：澳門白馬行 信達城地下J鋪Format 內格仔
我的店名稱為： Kimihiro 博藝廊
網上店舖：http://www.2--world.com/forumdisplay.php?fid=126
                http://shop.jetsoeasy.com/1301

(2006-06-23 )上了最後一堂的音響技術課程，亦即是說一連三個單元(舞台技術、燈光技術、音響技術)，歷時半年的證書課程，已經完結了，只剩下本星期六(明天)的音響技術考核。

其實呢個課程係首次係澳門出現的證書課程，每個單元都要考試呀！
以前都出現過不少類似的課程在澳門出現，但從來沒有一個是有正式的證書，最多都只是出席率夠80%就頒聽講證書而已。而今次的有筆試及實習試，所以都幾恐佈呀！

未上音響之前我都已經知道佢係最難果科，因為自己唔係讀理科，唔識音響果d好複雜既原理，它比燈光技術難得多(我指原理方面)，又要電阻、安培、伏特、聲音原理、電話原理......應有盡有的難！

而且今次仲係完全冇範圍，tips都冇，今次真係大家一齊死啦！都唔知要溫d乜，連實習試都唔知係實習d咁果度先死！祝我明天好運吧！

下圖是上課時解釋一個band show的音響線擺放方式及位置！

下2圖是阿sir叫我地學收音響線同放音響線的實習時間~~

下圖是一條 "斷背線"，即兩個公插頭的線！haha~~

編：阿乃
攝：Dilys

本 著作 係採用 創用 CC 姓名標示-非商業性-禁止改作 3.0 授權條款授權.

上星期六上舞台音響課的第三堂，今堂阿sir講左一些公式、電子學及聲波、電話傳聲原理等~~~其實都唔係好明，因為我係讀文科，所以唔識d理化公式及原理！一望之下，原來好多同學仔都唔明，有d打瞌睡、有d sleeping、有d睇書、有d發呆，haha~~

等阿sir講完d powerpoint之後，阿sir就話同我地介紹各式各樣既Mic，同埋有時間畀我地試下幫人戴咪(即係果d一粒咪係塊面度果d)！
阿sir解釋左一輪，以及測試每一枝咪的用途d用法，令我地知道原來有好多戲劇表演平時都唔會點用，大多係演講、合唱、演唱會、歌劇、樂器演奏才用的咪，又可以試玩！haha~~個個都鬼咁精神，冇sleep啦~~

因為已經唔悶啦！hehe~~之後我地幫d咪改左名~~分別叫：收聲、收音 同 收工 (上圖：由右、左、下)
why？收聲係一指你就唔出聲，因為係測分貝用的。收音是一般長距離收音的咪，而收工當然就係試完就可以放學~~hehe~~

下圖就是我地為model戴上無線咪，我地稱佢做線咪，個咪好似粒西瓜核咁細，條line就鬼死咁長！
阿model其實係我地d同學仔，佢一直唔願意出鏡，haha~~全程用手遮面~~唔比同學影相~~

我當然唔係負責影相啦~~今次係我個friends用我部手機影ge，如果唔係你地點會見到我同model戴咪呢？而且大家可以見到我地用膠紙固定，那些膠紙唔係一般普通膠紙，而係3M特別出產的膠紙，阿sir話"屈銀紙"有得賣，這種膠紙可以於上面再化妝蓋過膠紙的，令它唔覺眼！

而且我地D手勢唔係好好，攪左好耐啦，而且又左貼貼右貼貼，又貼住同學仔Model d頭髮，真係可憐，仲要比我地影相！

上圖：我地合兩人之力的完成品！haha，都唔係整得好好，不過第一次算係咁啦！

(因用手機拍攝，質素較差~~hehe~~)
編/攝：阿乃
攝：Dilys


本 著作 係採用 創用 CC 姓名標示-非商業性-禁止改作 3.0 授權條款授權.

我與明星合照，這倒是我的第一次，因為澳門人都是這樣，平時就算係街見到名人、明星、歌星、藝人都不會追住人拍照or注目，原因是藝人都係人，既然休息的時間就不應比人騷擾，對不對！

我其實在街or交通工具上碰過的明星倒不少，如恭x良、Solxr、葉x嫻、鄺x雲、呂x偉、x夏蕙、鄭x健、劉x琪......，但從來不找他們拍照，除非真係做野會接觸到，否則決不會！(我已過了追星年紀了，好不好！)

夏蕙姨，其實不少澳門人都見過佢，成日係澳門出現，有次仲係關閘見到佢蹲在柱旁，個個人行過都笑，因為真人同上鏡一樣------咁恐佈既化妝，可能仲勁過我地d舞台化妝呀！

講返今次展覽見到梁漢文，亦於開幕式完後，他走之前影左個合照，這是第一次同明星的合照，其實好似跟平常市民同事影相都一般，沒有特別的感覺，當然亦唔會緊張tim啦！

其實可能係藝人的關係，非常懂得捕捉攝影鏡頭，簡直好似裝左雷達咁！看看下圖，我們的相機只想拍一拍開幕式完後的情況，誰不知梁漢文竟然知道，並回頭tim~~非常神奇！
而且有同事話梁漢文仲有好有步驟地望鏡頭地拍照，不會得失任何一方向的記者朋友！

從左：梁漢文、其助手，還有教青局局長呀！我們的同事(左4)都入左鏡呀！

編：阿乃
攝：Dilys、Ivy

本 著作 係採用 創用 CC 姓名標示-非商業性-禁止改作 3.0 授權條款授權.

haha~~本人一直都教授戲劇及舞台基本技術已始於6年前，但我亦一直鍾意繼續進修，不論學過或未學過，所以這幾年也因興趣去進修不同的課程。

舞台技術課程，早於6年前已經學會了基本的應用及於中學教授，那為什麼今次我仲要比錢上堂呢？
原因就是以前的課程是沒有證書，沒人證明你學過，即使你識，所以今次我係當考將證書返來，證明自己真係學過。(本人承認係有扼證書的成份)

而好多香港人都不明白點解咁多澳門人鍾意晚間或週末報讀課程進修呢？
我想可能澳門以前太少野學，而且我們是不強迫小朋友為入名校而不斷習得技能，為入到名校，我地澳門沒有會考及升中派位，而大部分學校都係一條龍由幼稚園至高中，所以不用任何派位，而且學位亦不緊張，所以養成我地澳門人對學習自己有興趣的科目一d都唔抗拒。
另外可能我地鍾意學野，所以會因為自己的工作需要及興趣，自行揀選合適的課程去學習，而且工作單位都普遍鼓勵，亦不會特意加班去留難你，令你缺課！相反佢地好鍾意你自我增值tim~~
(這可能是澳門與香港在學習上的一大不同)

我今次所揀的，既是我的興趣，又是我的工作需要，所以報讀了《舞台技術課程》，不竟我熟識，所以我好輕鬆地過了2科，現在剩下最後1科---舞台音響。

下面的圖就是上舞台燈光時實習課大家互動影相，拍下自己留在舞台上工作的一刻。

(用手機影，所以有手震又比較濛一點，不好介意！)
編/攝：阿乃 (2006-05)

本 著作 係採用 創用 CC 姓名標示-非商業性-禁止改作 3.0 授權條款授權.

其實有很多人，不論網友、blog友、msn友、好朋友、同事、學會會員等，都成日問我一個問題，就係：" 阿乃你究竟做乜野ga？點解有時你可以sleep足一日，有時又忙都冇時間sleep，甚至忙到病暈呢？"

我每一次都先答所有人，我係 "自由身藝術工作者"。
之後他們又會再問，那究竟是做什麼呀？
我真係同時間做好多份工作，算係"King of parttime"，但我做的parttime同其他人有些特別。

現在我的工作是：
1.在多間中、小學內擔任 "戲劇"、"藝術鑑賞" 的導師 (每間學校每週上兩節課，未計額外活動及比賽等)
2.在一間成人教育機構內擔任 "博物事務概論"、"文化旅遊" 的導師 (每週二日，每日2小時，晚上進行)
3.擔任澳門藝術事務學會的 理事長 一職 (工作時間：任何可行時間均需工作)
4.於澳門一間藝術博物館擔任 導賞員 一職 (工作時間隨館方安排，時間不定)
5.接待一些外地訪澳的文化觀光及交流團。(工作時間隨預約而定，通常是一整天)

所以一星期七日基本上都填得滿滿，偶爾有不用上班的時間，那就可以歇一歇息，做一做自己的事情。
但這樣的工作安排有它的好處，亦有壞處存在，好多人就覺得好好，但其實沒有他們想得那麼好。

好處是：時間彈性，隨你的時間表來安排；可以於非假日放假；自由度大，適合不喜歡辦公室生活的我
壞處是：收入不穩，手停口停；趕場時間不由控制；通勤力少的人不能；工作沒有法例保障

如有些時間會早上9:00-10:00，下一場係10:30-2:00，再一場係2:30-5:30，最後係7:00-9:00。每次通勤時間不多，連食過飯都冇時間，一日可能會走4場，走2場已是平常事，好在我有私家車，通勤時間都可以化解，但如果塞車的話，又或者冇位泊就一定會遲到啦！

希望透過這個新分類，同大家分享一個在澳門的 "自由身藝術工作者" 的工作。主要講下本人教學時、導賞時、學會工作的職務及軼事、趣事、烏龍事啦！希望大家會鍾意啦！

編：阿乃 (2006-04)

本 著作 係採用 創用 CC 姓名標示-非商業性-禁止改作 3.0 授權條款授權.

今天傍晚又去了一次漁人碼頭做愚人！
本次目的係去玩我上一次除夕因為太多人冇玩既 "秘密基地"

首先我入去先玩果個虛擬動感影院囉！(mop $20，差不多有2分鐘)
一次最多可以坐8個人，而故事係講述我地坐住一架吉普車內，在有火山的叢林裡探險！
非常唔驚囉！我地幾個淨係狂笑囉！
原因係佢冇安全帶(因為真係冇任何野)，我由左"sir"到右撞到阿friends，佢地係後排既就狂笑！
又話張椅好冼啦！又話有臭膠味(因為新)！最爆笑係d劇情~~比猩猩蝦囉！笑到傻呀~~

之後我地每人又夾25蚊，共100元換錢玩，由日本最新到澳的 "祭之達人"街機版！
好似老虎機原理，入錢，跌錢就係你！不過佢係遊戲，唔係賭錢！
首先你見到機有10部一組，每一號有一條祭鐘繩及左右各一入幣口，於入幣口將幣入到風車阻擋的兩個口，就可以發動中間電視機出現老虎機，只有中三個同數字就會有錢飛出來，而儲滿333、555、777各一個，就會飛50個出來！如果你出現3個祭，就會有大獎！

3個祭的大獎就是那個設於10部機中間的大燈籠，將佢裡面的累積獎幣倒哂出來！咁你就贏唔少啦！
我地試過4,5次，但次次都贏唔到，而對面的高手就贏左成2,3次！跌成幾百個出來呀！
點解贏唔到，係因為要"fix"繩，而Fix得多係好累的，所以次次都唔得！
下圖就係朋友在fix繩，我在後面偷拍！

其實我地開頭贏左好多好多返來，可以夠換空氣清新機！(因為佢以幾多金幣換乜野獎品)
但最後我地fix繩真係好差囉！成日都lost左個大大獎！(之後就加碼左每人10元去玩)

其實我地就係志在玩下，試下新野玩，唔係想贏，只享受下過程姐！
最後凡71每人用左20+25+10=mop $55就係秘密基地玩左成2小時啦！真係抵呀~~
係咁fix繩，如有壓力去fix下就冇哂壓力，好明顯仲可以收拜拜肉tim~~佢地最鍾意！
而且漁人碼頭今個月型2月做緊免費泊車，所以唔駛錢泊車~~yeah

下次再去，就要試玩 "頭文字d" 果兩部凌空吊住任你漂移的街機！只需9元一次，都抵呀！仲有好多新進的賽車game！

文/攝：阿乃

早於上星期接受了TDM(澳門廣播電視中文台)的訪問，這個訪問全是圍繞著本人的寫blog的。

其實他們做訪問的目的是為了TDM要製作一個關於澳門人使用blog的節目，恰巧，他們又找到本人在yahoo這裡的blog，所以就想約我做過訪問。當然，我上星期比較得閒，接受了他們的訪問。

而他們問的問題圍繞著一些基本的問題，如：(blog友一再要求，現在已經附上答案)
為何會寫blog呢？
--ans--> 因為從來都冇個人網頁，見好多friends都有，我又唔想整，所以咪用blog囉！


寫了blog多長時間？
--ans--> 2005年11月開始！


你的Blog主要是分享些什麼？
--ans--> 遊記、澳門人生活為主，自我工作及閒聊為副。


寫Blog的目的或想得到是什麼？
--ans--> 其實開blog並沒有想過要得到什麼，只想讓自己寫下旅遊及生活點滴！


有什麼因素驅使你使用這Blog呢？(容量、版面風格......)
--ans--> 因為佢係無限空間，申請手續簡單易用。仲有好多地方可以改進，版面及功能都唔係十分好！


有沒有結識到一些志同道合的blog友？
--ans--> 有呀，如馬來西亞、台灣、香港、甚至澳門本土的都有呀！好開心可以一齊分享旅遊體驗及心得！


同blog的交流方式？
--ans--> 主要係網上email、blog囉！並沒有約過出來呀！有時澳門區的blog友都會碰面，佢地話見到我，但我次次都見唔到佢地呀！hehe~


Blog有沒有帶來你一些生活上的變化？
--ans--> 有呀，成了習慣，每日check完mail就會check blog同睇blog友既blog，回覆及留言，日日都會做的例行公事。


有什麼推動力讓你繼續寫blog呢？
--ans--> 朋友 & blog友的支持囉！如果冇你地既話，我未必咁勤力寫blog同更新！


你會否繼續寫呢？
--ans--> 我會繼續寫，就算唔再流行我都會繼續，因為這是我個人的網頁，好似一本記事簿咁，將我想講的東西以圖文方式記敘下來。曾經都有blog有問過我，點解你唔將你d遊記出書呢？我既答案係：我都想，不過冇門路，亦冇咁多錢去支持印書費！


等一連串其實好多blog友都考慮過的問題，我都知有好多blog在其第100篇blog文中，已經解答了上述大部分的問題了！對不對？

的確，初時我寫blog的目的，只是為了將自己的遊歷回憶記下，以及將自己影既相save低。
而且我用yahoo blog的時候，它才剛剛出生不足一個月，使用的人很少，因為它是一個試用版。
初初用了不夠一個月就被選為精選blog，其實我並不知道如何入選到精選blog，只是有朋友說見到，我才發現自己入選了！haha~~但慢慢都現在已經多了好多人使用了！對不對？

而亦是這樣就讓我結識到好多鍾意旅行及攝影的blog友，真的分享及交流了不少心得！
就是這樣我就被訪問了大約半小時！

播映時間係：(2006年6月26日)上午8:00-9:00，以及中午1:00-1:30 (時段內播出)
播映地區電視台：澳門廣播電視中文台(TDM)

雖然我今天要到香港覆診(牙醫)，但我已叫我細佬幫我錄低，等我返來看看有幾多分鐘出鏡時間~~haha！因為除了訪問我之外，還有其他澳門的blog友，真的期待今早的節目~~(自戀1000分鐘......)

編：阿乃

近年居民收入增加，每逢佳節均是消費旺季。本澳現時唯一的大型百貨公司新八佰伴看準商機，每年設兩次貴賓日，每次反應均非常爆滿。
昨日是新八佰伴今年的首個貴賓日，情況更是熱烈。一大早已有大批消費者到場“搜刮”戰利品，瘋狂消費場面相當墟冚，不少人埋單動輒數千元。

分流入場排隊付款
大減價是貴賓日的招徠之術。七折、五折、三折的商品隨處可見。為免“執輸”，不少居民提早排隊進場，貴賓日上午十一時才開始，但門口早已迫滿人龍，因客量太多，要分流控制場面。
場內整日人流擠迫，收銀處人龍不斷，高峰時每條人龍超過五十人。消費者購物慾非常高漲，商戶要不時補貨，有商戶一小時內要補貨五、六次，銷情相當暢旺。儘管要等近句鐘才可進場，付款亦要等候一個多小時，但消費者依然樂此不疲，不少消費者每次貴賓日都會捧場。
有多次“搶購”經驗的陳姓居民指出，要購得心儀物品必須“早早入場”，否則買不到好東西；陳女士每次貴賓日均會花費三、四千元，主要是購買護膚品及生活用品。她指向來喜愛品牌產品，但價錢昂貴，故每逢大優惠就會“趁低吸納”，“加加埋可以慳唔少！”
大部分消費者埋單數千元，不少孝順仔女看準時機，為即將到來的父親節入貨，當中以男士護膚品及家庭生活用品最受歡迎，因一家大細都用得着。

自由行加入戰團
亦有不少自由行客來澳後加入“戰團”。有遊客指出，平日來澳購買護膚品經已很優惠，貴賓日就更便宜。不少消費者更順便購買行李箱，運載“戰利品”。
至於商戶亦採取不同的引客策略，護膚品店採取“替客付款”，令客戶購物時更舒適；亦有商戶出動五折的吸引，開門不足兩小時已售罄。為免流失商機，唯有先付款後取貨，此招果然奏效，幫助不少“斬獲”豐富的消費者減輕輪候時間。

(轉載自澳門日報06.06.15)

後記：
我記我上一次的Vip day係多人多車到不得了，淨係jar車入去果個區域已經要塞2小時才可以進行附近停車場，到場內就簡直好似雜貨店+街市，人滿為患，認真恐佈，再者下午3點左右去都已經冇乜野買~~非常唔掂！

其實昨日的VIP day我都有去，我係下午3點左右先入場。今次我好醒選擇搭巴士，而且值得讚既係八佰伴以及市民大眾都吸收了上一次的經驗，大部分棄車乘巴士，所以今次交通大致正常，唔會再有塞入去2小時，塞出來也要2小時！而八佰伴方面都好值得讚就係好多都可以轉為期貨(即後取)，如果冇貨都可以繼續買，唔會冇得買。當然有一些枕頭、電器係例外啦！
我今次去就買左一組行李gip，一大一小可組裝，裝備帶去日本旅行用，haha~~另外亦買了一些jockey的衣衫等，因為買一送一(即係半價~~hehe~~)，仲有一d男士護理套裝等！我好快就買完，而且我所買的東西全部都唔駛排隊~~d sales好好人，個個都話可以直接比錢佢，唔駛迫排隊~lucky~~
另外同行友人就冇咁好彩，佢買左一對枕頭、三Set床舖系列都要排餐死，之後又入左去八佰伴超市買日本零食，我係超市冇買野，但我個friends就買左唔少野，都只不過係有九折，仲有排左1小時才可比錢 (所以我發誓我以後的VIP Day都唔會入超市)，真係貼錢買難受！
之後我就搭巴士走囉！個friends有男友電單車車走，haha~~不過5點過後的八佰伴就越來越多人，真係幾恐佈ga！

我想今天的八佰伴又回復平靜，變回一個舒舒服服，唔係太多人的澳門唯一大型百貨lu！

(後記)編：阿乃