The Piper at the Gates of Dawn

星期三去了細O的晚會、食宵加dept.互片。

先講晚會，天公造美，可以在百萬大道搞，已經比上年在大講堂好多了，可惜是新生太少，只得百八人到，比起前幾年的二百幾人在氣氛上已輸了。Dance soc.的表演已比我入黎時差了很多，幾隻舞都很悶。另外跳camp fire的時候應該善用百萬大道，圍一個大圈跳，咁樣可能會更開心。

食宵。我們這個year已經沒有存在感，沒有人會找我們敬酒，他們也不認識我們，正如我同Joseph講一樣，d人識我地係老鼠。

Dept.互片，都係悶，四七來來去去個幾味，完全沒有logic，其實四七應該係抵死、應景，而唔係求其塞幾句粗口落去囉，到了後期我都唔想叫了。

以上只不過係我的睇法而已，沒有份搞的人通常都彈三彈四，可能我地搞個年d老鬼也是這樣想，我相信他們這樣想的機會很大。

其實我諗我地返去也不是為了細O，細O只不過是一個藉口黎比我地個屆的人聚下、見下面，結果竟然有成16個返去，確實難得。