The Piper at the Gates of Dawn

漫長的NA大O終於結束喇！由大輔聚起，到之後的pre pre camp、pre camp同無數次的輔聚、部會等，不知不覺已經兩個多月，咁多位輔員由完全唔識到成為朋友，咩都講得，咩到玩得，係大學都好難得識到一班真心朋友，或者呢d就係大O的魅力所在，所以我最後一年都要玩多次。

如果大家有睇開呢個blog的人都知我好少寫一d好流水帳的野，通常都係寫d特別的事，但今次每日都有好多難忘的事，今次就破例一次喇！

Day -1
在深水埗買了一塊白色熨布後，便出了旺角攞營刊的封面同買噴頭髮的噴霧(雖然最後大家都無用到)，接著回CU pre game同做下營刊。到了差唔多六點，我同尚俊都認唔住喇，要出去散下心，做下細組野！哈哈！我同Kenneth仲一人食左兩條雪條，結果飯都無食。

Day 0
睡了四個小時便起身攞魔鬼角，點知去到間野先知唔夠，真係一鑊比佢翹起，差d想用粗口屌爆佢，好彩之前有做到嗰條項鍊，如果唔係真係食屎！返去印營刊，又係食晒屎，大lab竟然鎖Q左，有咩理由會咁黑仔架，我讀左咁耐都未試過咁，真係好唔好意思要Zoe同Ada同我白行一趟！好彩最後有Speed組爸幫手，營刊先可以搞掂。跟住返去練下大組beat同作埋個細組beat就有得訓喇！

Day 1
終於見到d仔仔女女，第一眼就覺得大家都幾好、幾醒目，結果同我預期的差不多。大組時間，我地傲雲村要食獨龍村整出黎的火山，真係好難食，唔係，難食都形容唔到，又有榴槤、又辣、又甜、又酸，真係未食過d咁難食既野！之後Naploy都係咁喇，無咩特別。之後去開e加去terrence房傾slogan，呢段時間辛苦尚俊執齊d仔女傾外訪，我搞掂d野都三點喇，返到上去佢地都仲傾緊外訪，結果傾到成四點幾，無時間玩！

Day 2
去外訪，d仔女帶得唔錯，現場氣氛好好，而我同尚俊同埋d組媽就係後面作四七for夜晚的小組互片，我地越作越開心，搞到我好期待當晚的小組互片。老人中心有野食，食到個個飽晒，去唔到唱K or飲茶，可惜！結果走了去影貼子相。之後去旺角cityhunt，都係咁喇，d仔女想點咪點lor！到選輔花草，今年d人全部都好玩得，睇到我好開心。之後到了萬眾期待的小組互片，氣氛起好，所有人hyper晒。仲有樣特別野要同大家講，其實由於我地傲雲村企唔到我地想片嗰組的隔離，我同Kenneth就夾計改變之前傾好的順序片，一開始就亂片，咁多位小組長唔好意思呀！哈哈！其實組組d四七都好正，但都唔及我地既八七，好評如潮，人人贊好。之前無左水戰，結果又要大懲罰，我地又要食屎喇，好彩今次有依新村陪我地，如果唔係直係由頭輸到尾！d屎個樣雖然核特左d，但比起獨龍村的火山，好味千倍以上！之後玩加強版同生共死，大家d懲罰都好變態，由其係阿豪的插鼻哥，實在大核特喇！之後開e再返房玩皇帝遊戲，玩埋4 queen就訓喇，點知係我地玩完的時候，speed同zoe去到我地房，咁我地四條友就去左志文吹水，吹下zoe唔見袋既野、吹下speed阿傑heidi係pre pre camp飲醉酒既野、吹下自己細組既野，吹吹下就到六點幾喇，拿拿淋訓！

Day 3
大組競技，小魔星好強，贏左好多game，大家表現很好。之後好彩有四院會師，如果唔係就真係我做兩年輔員都無得玩四院會師。原本天氣很好，陽光普照，都唔知邊個講錯野，天氣開始變壞，橫風橫雨，但仲要我地砌咩CU06，好明顯個天都唔想佢砌喇！結果成身濕晒！送了D仔女去sir run run後就返知行作四七，點知作左五、六個後我就訓著左。之後食飯有中餐，不錯呀！晚會都係咁喇，一貫的悶，唯有同d仔女輔員吹吓水，影吓相，跳完campfire就出津津食宵。食宵好開心呀，見返唔少人。但d OC都on 9既，熱beer點飲呀，好心一早去大排檔雪定喇！食食吓比人熄燈趕走，係等的士的時候，無野做，咁咁多位小組長就一人吹一支beer喇，Heidi竟然快過Ivan，Heidi果然勁！返去玩埋4 king就吹水喇，吹吹下重落埋tv room，由於太累關係，我最後去到唔知七點定八點訓左，對唔住呀，各位仔女，我想同你地傾多d架，等我地組聚再傾過喇！

Day 4
影相加閉幕，都無咩特別，係個機佬唔認打直部相機影相。之後出去沙田飲茶加sharing，其實我次次寫呢d野都會很感動，因為會諗返起呢幾個月所發生的事，今次開始寫一陣已經眼濕濕，跟住我停左陣唔寫先無流眼淚，如果唔係真係影響我的形象！

而家正camp完左喇，我好好彩可以入到小魔星，如果我入左其他組，我可能無玩得咁開心，因為太有鬼武者的風格，我由第一次輔聚已經知道點玩落去。此外，原本我只諗住做一個普通的輔員，點知Terrence咁信我，比左設計部我話事，跟住重sit埋其他部，越做越多，越做越投入，先有呢份感情，我愛小魔星，我愛你們。一定要有post camp，一定要返大陸玩，一定要去多次海洋公園，當然一定要有細組聚啦！

Dem翻幾個beat先！

細組beat：
boom boom 啪啪boom boom boom
boom boom 啪啪boom boom boom
魔星最強傲雲村 其他村莊搵窿捐
boom boom 啪啪boom boom boom
boom boom 啪啪boom boom boom
男既有型似木村 女既索過徐若瑄
hoo hoo ha ha hoo hoo ha
我地就係傲雲村

大組beat：

我地小(雙手由下而上fing) (大組長)(腳DOM)
我地小(雙手由下而上fing) (全部人) (腳DOM)
我地小小小魔星

我地玩Game勁
個個係精英
玩到你地(食指指人)頭擰擰

你地屎(手指公向地下指) (大組長) (腳DOM)
你地屎(手指公向地下指) (全部人) (腳DOM)
你地五組無Guts

你地留心d
我地話你知
今年大O我話事(雙手手指公指自己)
鬼叫你地(食指指人)太過屎(手指公向地下指)

屎……你係一篤屎…. 屎(由Pat Pat拋舊屎出黎)(大聲d, 強調d)

(bom啪bom bom啪) (bom啪bom bom啪)

今年我地最犀厲(操兵,輔員單手前臂平放係心口,大小組長,署大雙手左右擺動)
贏硬你，勁到死(操兵,輔員單手前臂平放係心口,大小組長,署大雙手左右擺動)
輸到你地返屋企(操兵,輔員單手前臂平放係心口,大小組長,署大雙手左右擺動)
terrence我地支持你
(操兵,輔員單手手掌指自己個頭,then揮出,大小組長,署大雙手左右擺動)

呯(大組長指全部人)
o彭(輔員手指指向天)
嘩(全部人雙手打開手掌舉起)

誰是…. 大英雄
(腳DOM) (腳DOM) (腳DOM)
葉偉雄