August 20, 2007

當局者迷...旁觀者清

Posted by clavisb at 天空部落 │18:57:20 │ 回應(0) │ 引用(0) │blog

Ken Hirai - fake star

 雖然趕野趕到人都癲中...
但都要POST下...
堅哥真係越黎越不文
今次呢首好似係POP STAR既相反
 

Posted by clavisb at 天空部落 │18:55:18 │ 回應(0) │ 引用(0) │blog

August 6, 2007

下雨天

連續12日既酷熱天氣警8之後...
今日落大雨...
好好彩...係我要行冇蓋地方時都冇雨
不過放工上到巴士...見到出面滂沱大雨...
竟然突然有一種好鬆馳既感覺...
見到落緊咁大雨...覺得心裡面有一種安寧...
真係唔知發生咩事...
不過可能因為太安寧...差d訓到唔知醒落車....
 
=========================================
聽左洪卓立隻碟...竟然出奇地好聽wor
開頭見到隻碟面咁既款...仲以為佢又係賣樣人士
但聽落又唔錯wor...
起碼成隻碟都冇咩邊首歌係我一聽到就想飛既
而且仲有d冇plug既歌都幾好聽
 
仲有聽左側田首一句...
副歌既melody超熟...但唔記得係邊聽過...
 
=========================================
相約明年既日本之旅...
唔知到時可唔可以成行呢...?
 
不過而家去旅行...
真係有d醉翁之意不在酒既感覺...
如果真係為左想睇某一d特定既野而去
我可能會選擇自己去...
因為同行既人一定唔會同你同時都咁想去睇果一樣野
如果人地係陪你睇...你又會唔安樂...
除非同行既係一個你知佢一定唔會介意既人
 
=========================================
好...有飯食....
食完繼續做....

Posted by clavisb at 天空部落 │21:40:26 │ 回應(0) │ 引用(0) │blog

August 5, 2007

夢醒時分...浮了又沉

好...
我承認喇...
我今日全日都係度好本能咁逃避緊...
包括而家係度打野...都算係逃避既行動之一
 
但係其實根本就冇野需要逃避...
又唔係唔想做...又唔係冇idea...又唔係驚做唔好...
但就係冇mood去畫...
真係唔知點解...
今日同某P講開...發現原來我上一次拎起支筆畫野
可以話係足足一年前既事...
係呢一年入面連塗鴉都冇塗過...
真係唔知點解
明明之前一年係得閒到震既...
唔通呢樣野已經唔係我生活中既一部份...?
我唔知道...隨緣
 
==============================================
唔經唔覺...
呢份工都返左2個幾月
唔知係因為呢份工唔係咁忙
定係因為唔需要做network方面既野
又或者我真係變成左一個IT人...
so far都冇咩負面既感覺...
最大既負面感覺...就只係因為自己既無知而感到不安...
冇左從前placement同FYP時期對IT呢樣野既厭惡...
到底係因為我真係克服左...而唔再怕
定係只係因為果時太多不愉快既事呢...?
 
==============================================
 一樣野...如果自己能夠想像到自己去做果樣野
咁果樣野就可能做到...
但係連自己都想像唔到自己去做果樣野...
咁通常都係做唔到既...
 
==============================================
 好了....

Posted by clavisb at 天空部落 │00:55:44 │ 回應(0) │ 引用(0) │blog

August 1, 2007

香煎龍俐柳飯

梗係個廚知道上次比左個焗燶豬扒飯我
今日個龍俐煎得好好...算佢啦
 
===============================
話說 星矢既lost canvas終於出左中文版
本來諗住睇下台版會係邊間出先買既
點知...見到係光+啞膠 <--即係好似鋼鍊咁
即刻淪陷左....乖乖咁去左比錢...囧
同場順手掃埋本soul taker既9 <---個cover好靚
雖然佢d故事唔係話真係特別正
但係真係幾buy佢d設定
不過睇完今期佢好似有少少想失控
突然又一堆新角色
逍常咁樣...一係就係想動畫化
一係就係打算出game
 
===============================
終於都叫左郁左手開工畫稿
不過真係唔知點死...
就算真係可以2日ko到一張
12張都要24日...即係22號先完到工 <---更何況係冇可能
所以各位...冇事唔好搵我...有事都最好唔好搵我.....
而且初步成品既quality唔係咁理想
所以都應該要再做事後加工...唉...
神呀...請賜我多點時間呀 囧||||
 
嗯...好...要向好既方面諗
d構圖plan好哂...而且今次唔係d好複雜既構圖
應該ok既....
<催眠mode>畫得切既...畫得切既...</催眠mode>
 
不過有樣野係sure既...就係今次要印少d...
一黎今次係原創...
二黎剩睇第一張...今次既quality唔係太好
(不過應該點都好過備長炭果次既)
 
好~ 加油~~!!!!
 
===============================
終於ko左第一次蘭島物語
but差唔多夠鐘開工...
so都係下次先繼續講

Posted by clavisb at 天空部落 │22:58:49 │ 回應(0) │ 引用(0) │blog
回頁首▲