好勁，apple果然係好夠薑，呢個係2002年，steve jobs對自己既OS9既輓歌。
勁人夠guts。睇下你又欣唔欣賞。

係blog度識左個新朋友，叫阿樂。我睇佢個blog時笑到死咁濟。以下係一d佢既句子，同大家分享一下。

正當我企o係懸崖邊、用隻食指指住個天大叫：「點解會咁o架？」個天同我講：「抵死，你自己欏o黎...」我頓時有所領悟，發覺世界上所有用科學解釋唔到o既難題，都可以用「自己欏o黎衰」o黎解釋。 

做功課做到hang機時o既晦氣說話：「I wish I could quit U...」U for university...

星期日行過維園，令我反思：「究竟最多菲律賓人o既地方係唔係菲律賓呢？」

行街時，有條友不斷同側邊個朋友講：「乜你咁耐o架...得未o架...唔使驚喎，人o地話你short、話你癲，你唔理佢囉...」最大問題係，佢側邊係冇人o架！

諗到個爛gag－－如果龍年馬年要講「龍馬精神」，咁豬年狗年係唔係應該講「豬狗不如」呢？

世界上最爽o既事，莫過於四百幾KB/s；而世界上最唔爽o既事，莫過於到99%停o左...

甘國亮話：「＜輪流轉＞頭七集由杜琪峰編導，岸西是統籌，王家衛是助導，林奕華是審查部員工...」

睇戲開場前，坐我側邊有條不知名契弟不停講潮話，內容包括自己件衫二千幾蚊好抵、屋企o既Ape多到裝唔哂、某舖新番好多「super衫」等，我懷疑如果佢有一日行過後巷畀人雞姦，報警時唔會話「我畀人雞姦」，而係話「佢撕爛我件Undercover，仲拮穿埋條絕版Levi's呀！嗚嗚～」

阿媽問我做乜望住個尿兜，而我知道三言兩語之內冇可能解釋到咩係contemporary art、邊個係Marcel Duchamp，於是，唯有答：「阿媽，我心理變態，有醫生紙證明望住個尿兜會對病情有幫助o架...」

1998年3月，明哥在拉闊；2006年3月，明哥在電幻；兩年的三月，我也留在屋企食蕉...

靚女，做緊咩呀？」「等老公囉。」「等咩o丫，不如我做你男朋友啦？」「卅百。」「咁貴？二百啦！」以上係維園阿伯搭上北姑o既對話。

o係天后巧遇方力申，未係重點，重點係佢剛o岩做完運動，一身大汗濕透、散發一陣剛陽味，同個曾志偉咁高但史泰龍咁大隻o既教練行過...如果我係豬妹fans，一定大叫；如果我係同志，一定大叫兼夾搵手「甩」佢個胸！

屋企有個「古惑的鐘」－－我o地郁，佢就郁；我o地「目訓」，佢就停！明明臨「目訓」前睇都仲係o岩時間，一到第二朝就慢o左幾粒鐘...

有個阿婆清晨四點幾打去我屋企搵阿萍，闔家都畀佢嘈醒，真係多得佢唔少！阿婆呀，知知你年紀大，唔「目訓」得咁多，我建議你去晨運，就唔好亂打電話囉！

以十蚊抵價買o左隻北野武《壞孩子的天空》VCD，自以為好醒，點知行多兩步，竟然見到隔籬只售四蚊－－塵世間最痛苦o既事莫過於此！

食晏時份行過母校，湧出大量白衫白褲師弟，驟眼睇，似一班力爭上游o既精蟲囉...

有興趣既話 佢既blog 按此