最近收到這封電郵：
「各位 :
今日落去揾油塘寵物店謝生時，我便問轉角五金鋪婆婆(六＋幾歲)有關黑狗公狀況，佢眼濕濕話早個幾星期，隔離馬會ｄ爛睹鬼，走去踢黑仔，黑仔發惡反抗，個條死PK叫馬會職員找魚記捉狗，五金鋪婆婆每日飲完早茶都會執啲排骨飯比黑仔食，雖然佢唔可以收留黑仔，但都比黑仔係佢鋪頭出面休息，個日婆婆親眼見到魚記捉狗車，有５係PK走到婆婆鋪頭出面捉黑仔，婆婆見到即叫黑仔快d走，黑仔即時狂跑到好遠公園，但班PK死都要捉到黑仔，黑仔就被捉到，婆婆求佢地放過黑仔，班仆街話一定要捉到為上，婆婆不停流淚送別黑仔，我聽到個心好唔舒服，同自已講(黑仔)係依數月，有咁多人愛錫，已經好幸福，我個仔聽到都哭起來......希望大家臨睡時，為黑仔作禱告，祝福黑仔早日轉世做幸福快樂人。
謝!」
照片中的就是黑仔。
這種事情日日發生。其實，這和小西灣殺貓案，又有甚麼分別呢﹖一樣是人多勢眾，一樣是對流浪動物施毒手。唯一不同的，就是漁護署的做法有法律庇蔭。
差利說過：「殺一個人是犯法，在戰爭中殺很多人卻是合法的。」
傷了多少動物的生命，又傷了多少人的心。
這個晚上，我很難過。
黑仔, 來生記住報答婆婆呀!