ＩＤ：dddfu暱稱：df
- hk_shan:
你好~~... - dddfu:
寫左出來啦... - jan:
印度個d mv,... - jan:
畫得很有風格呢! - jan:
係邊度有得食?...
累積人次:
其實很久以前已有了徵兆，但這兩天滑鼠己病入膏肓，每次開電腦後不夠半小時便會不能移動。結果便是我學懂了如何不用滑鼠操控電腦( 但結果極為痛苦)，現在告訴大家一些有用的快速鍵吧。
Alt + F4 = 關閉程式或視窗 ( 經過不斷試驗得知)
Tab ，可以移動選取的連結 (上網有用)
Ctrl + c 複製 , Ctrl + v 貼上 , Ctrl + x 剪下 ( 應該好多人都知)
Alt + Tab 轉換視窗或程式 (幾有用架)
Alt + 英文字母 就會出畫面上方的MENU ......
咁又一網誌.....好頹呢
星期六真係好攰....精神同體力加埋胃容量都透支。
今朝早上輔導課程，老師要我地講出心中願望，我好勇敢咁講左出來，就係想拍拖。為自己鼓掌，要承認無拖拍同埋恨拍拖真係面皮要好夠厚。不過我既面皮神功一向唔錯，出街有唔識路既時候我一定係第一個衝出去問路既。又由於個人比較大頭蝦，有時出錯真係多過食生菜，都費事尷尬。
下晝要考基準，昨晚唔溫書亂上網既後遺症出哂來，我等入試場時等到瞓着左。
考聆聽時覺得真係如有神助，好似識做哂咁，出黎問番，原來個個都有咁既感覺......之後,既拼音考試就經典地恐怖，拼音輚漢字難到飛起呀，竟然出食譜.....講盲公餅既造法同味道。因為材料係無上文下理可以手，所以做得好慢......還好都做哂全部題目。
之後就係美食之旅開鈶LU。
上完堂，考完試，要食 mum mum 囉！
五點到尖嘴地鐵站，未到約定時間，肚仔又餓﹐決定前往sogo食下午茶。
而家行尖嘴真係好有自遊行feel，因為唔識路，只能夠靠可恨的指示牌。如果你好乖咁跟住路牌行，恭喜你，你會到尖嘴一日遊一份。我只係想到sogo，竟然要經過新世界中心，繞了一大個圈才走到目的地。中途餓得滯已經忍唔住買了一杯「自家製」的章魚蓮偶湯，真係幾好飲，又夠熱，十元杯都幾底食，好過買咖啡啦。終於到左sogo既美食廣場，仍然係「避風塘」既燒三文魚腩，十五元兩小塊，唔算大件夾低食但係夠香夠嫩得黎又唔覺膩，值得一試。另外，同店既豬手就唔太得，隔兩間鋪既薯餅都唔錯。
終終食到六半，同朋友仔會合後行街，查實講呢樣一直唔係我心頭好，不過最緊要係同fd 一齊。七點半我地一齊到達訂左枱既「Munch」，食西餐偏意式為主，見到menu我心一沉，都唔平呀。不過我地叫既幾款菜都好好食：豬頸肉楊枝甘露沙律、豬柳雜菌意大利幼麵、香橙野鴨薯蓉、蟹肉南瓜千層麵。係，我地六個人只係叫左三個主菜同一個前菜，其他乜都無叫，所以能夠成將成本下調至三百幾。但當然未飽啦，所以我地一行人去左食雪糕朱古力火鍋。真係幾好玩，一班人叉住雪糕球呀水果呀點朱古力都幾開心。但係除左雪糕夠凍整到脆皮外其他都唔得，所以有d失望。個待應又唔幫我地埋單，等左好好好好耐呀。最後有好好人既d 生載哂大家返沙田，結束完滿既一日。
我們住在不同的國度，從小我只能從兩年一次的探親見到她。
由於語言不通，我倆的交流有限。
印象最深刻的便是她即便是七十多歲了，還擁有一頭濃密半黑的長髮，而且每天都會很早便叫我們洗澡。
吃飯時，她總是把飯菜夾給我們，自己卻一直用餸菜的汁拌飯便算了，讓當時只有六歲的我不解，還以為菜汁很美味呢。
與祖父相比，祖母在我心裏所佔的位置較少，但今天就像再一次的認識她。
爸說祖父年青時很帥氣，是影樓會用來當宣傳照模特的那種明星氣質，加上高佻的身板， 一直受到家鄉眾多年青女性的愛慕。但祖父卻娶了長相普通又十分矮小的祖母，這讓許多人心裏不平衡。所以當祖父離家別井到外地謀生時，祖母便孤單地留在家鄉被受欺負。幸好後來祖父接了她出國，雖然人在異地但兩口子十分勤奮，慢慢地生活便有了改善，同時仍養成了她節檢的習慣。
她從不打駡孩子，只是默默她盡好一親的本份，我父親與其他叔父雖然都不是好學生，但又是善良的孩子，願意面對失敗與挑戰，安於現實又不會對向困境輕易妥協，這可都是兩位老人加的功勞。因為所有的華文學校都被關了，我爸為繼續升上只好到離家千里的中國讀書，爸說他離開時祖母沒有反對也沒流露很不捨。可是因為時局和金錢的關係(文化大革命)爸一直沒能回去探望雙親，雙方一直只能以書信聯繫，祖母仍然是什麼也沒說，讓祖父負責寫信，而她只是仔細地把寄回家的信慢慢摺起來，小心的收藏在床板下。
爸離家二十年後，幾個叔父在家裏發現了數疊滿是蛀洞的紙幣，數值還很大，起碼有幾萬塊吧。原來那是祖母為離家長子準備的飛機票錢，儲了很久了，只是因為她不知機票的價錢又找不到信的過的人帶給爸才一直放到被蟲蛀。這一筆錢後來沒用的上，因為我爸在一年後便帶着我和媽一塊回到他生長的地方，見着那些深愛他的人。
