克仔 • 影像從心

三年半嘞... 由樂多，轉變去yam天空... 加加埋埋總共冩咗有577编網誌！話多唔多話少又唔少嚄～ 正如早前搞緊全面匯出啲資料嘅時候... 就睇番一啲舊嘅網誌，相片... 發覺過往所冩同影嘅嘢同家陣都唔同咗。現今唔使講喇... 囡囡已成為我Blog嘅大紅人喇！可以講得係日日都又新相上網～ 而且囡囡仲發掘咗唔少講故佬添... 哈哈～   


既然日日都又新相上網囖... 所以就拍板决定移師到一個屬於自己嘅全新Domain繼續向晴朗的一天出發！由呢一刻，呢一秒...《克仔•影像從心》嗰新網址就係http://Hackzai.TheShiningMoment.Com嘞，大家記得繼續捧塲嚄～  


後記，
現有嘅yam天空部落後端管理嘅匯出網誌或日記功能好唔完善！匯出嘅資料係唔包括內文同回應！所以如果有邊位都想全面匯出啲網誌或日記嘅話，不妨彈封email畀我；我一定會同你分享點樣全面匯出yam天空嘅網誌。

 


囡囡呢嗰look古古惑惑兼吋吋哋咁款...

 


上一回囡囡嗰江湖揸Fit人look曝光後... 其實段故仲有下文架！而今次仲係嗌到Ｏ晒嘴型添！哈哈～  



觀看全文...

尋日係打開2009年序幕嘅一日，所以連同烏啄啄帶囡囡出去行街街  ～ 而囡囡好似知道係新嘅一年咁，全日心情勁靚爆吖 ！就好似去带吃晏嗰時... 囡囡心情應該係升到全日最高點... 可以講得係High爆吖！一坐落嗰櫈仔冇耐就自動自覺擧起雙手做鬼臉，姣樣，頭痛樣，四萬樣，玩手巾仔兼尖叫！直情冧到烏啄啄同我差唔多笑到轆地咁滞架嘞。


更加謀殺咗我部C家40D唔少shutter count添～ 哈哈～ 因為太多相咗嘅關系，兼且啲相都好接近（差唔多係burst mode咁滞）... 所以就索性做嗰slide出嚟。但做slide要有背景音樂架嘛... 就問烏啄啄有乜好介绍... 而烏啄啄就揀咗呢隻“Can't Take My Eyes Off You” ... 呢... 隻加士伯啤酒廣告歌呢...


大家慢慢睇嗰slide喇～

 


今天係2008年最後嘅一日，又話係攞成積單嘅時候囖～ 好好丑丑都仲係要總結於2008年嘅成與敗，得同失！過往所設定嘅種種目標係咪依然遥遠或已勝券在握呢？ 望望吓，數數吓... 好似係以敗居多囖...


1. 大茶飯，炒窿咗...
2. 放棄搞咗两年幾嘅部落格程式而改用OpenSource！
3. 旅行？冇講遠架喇... 就連近嘅都冇吖！


咁响嚟緊2009年又有啲乜搞作呢？


1. 囡囡漸漸長大囖～ 所以揾奶粉錢呢一項又點有得走雞吖？哈哈～
2. 迎接四人行的故事。
3. 將過去三年多嘅網誌搬到個人網域名穪網站。
4. 翻炒碟隔夜冷飯。
5. 實現財政自由。
6. 敗支C家L系列鏡頭同個外閃番嚟爽吓～
7. 無需再朝9晚7同人逼蟲仔兼行到身水身汗咁悲...


嘩... 再冩去嘅話就實係好大碌咗... 2009年尾嘅成積單一定「肥佬」晒... 所以都係到此為止，否則响嚟緊嘅一年就真係做到成隻積咁就無謂喇... 話晒都叫做我當家吖（牛年）喇嘛...


而呢七大目標就肯定係好辣手架喇！不過辣手還辣手... 但又點可以忘記「影像從心」嘅成積單呢？ 雖然今年有八成啲相畀囡囡謀殺晒... 咁要响兩成之中揀出10張我最喜愛嘅（唔包括囡囡啲Q屎，爆笑作品）都還做得到。比起舊年只得九張已經係靚仔好多囖... 就係以下呢是張嘞...


最後，祝大家於2009年活得更精彩！



觀看全文...

 


囡囡呢嗰情深款款pose直頭冇得頂吖  ！實行冧爆啲囝囝吖～ 如果播埋黎明首“情深説話未曾講”仲正吖！哈哈～



觀看全文...

 


近期影到啲相就堆埋堆埋未後制... 加加埋埋都接近成個半月，應該都有成千張（八成係囡囡嘅），哈哈～ 所以就連早前影到成中商塲啲聖誕燈飾都遟咗出搞... 好彩仲有兩日先係「合皮扭耳」，就此响喥祝大家「馬尿雞屎密」兼「合皮扭耳」！



觀看全文...

 


囡囡嗰樣好惡...  指數直頭直逼啲江湖揸Fit人吖！哈哈～

 


聖誕節就更要出去豪一豪架嘛... 况且今年又係囡囡嘅第一個聖誕節。因為唔想囡囡夜晚吃吃下扭計嘈瞓覺而搞到冇啖好食... 所以就改去吃聖誕晏餐。但係又唔想去吃嗰啲火雞聖誕大餐嚄... 就咁諗諗好似吓曾經响Clive嘅Blog喥睇到佢同朋友去嗰間Fukuya高檔日式料理... 而斋睇啲相就已經好吸引，所以就拍板决定去呢間兼訂位嘞。


尋日去到踩塲先知佢哋留咗間厢房嚄... 我仲諗住係坐大廳嗰款，點知係包房嚄～ 哈哈～ 仲要係一打開門就見到我哋同囡囡嗰位set到靚一靚嗰隻！囡囡仲有埋膠碟同匙羹叉添～


咁睇完餐牌就更係落「呵打」祭五臓廟架喇～ 我就揀咗Sushi Mini Kaiseki，而烏啄啄就揀咗Fuku Fuku Lunch（Fried Scallop同Pan Grilled Salmon with Soya Butter Sauce），而甜品就揀咗日本入口黑芝麻同密瓜雪糕 ...  最後仲加單叫多碟士多啤梨俾囡囡吃～



觀看全文...

 


囡囡呢嗰pose十足十啲歌星開演唱會都必講嘅台詞... “山頂嘅朋友... 你哋好嗎？”