書名：漫畫老修日記
作者：泉子~還有Guest : 響
Size：Ｂ5
頁數：40P(暫定)
售價：港幣20元

內容：
修哥and friends 決戰谷口悟朗
暴君四格漫畫...
老修飯局等
九唔搭八天馬行空保證一家大細都arm睇~
丫唔係!!!
內含不雅用語小朋友不宜收看!!!

預訂：
請在FC blog或到天空留言，
不過在FC blog留comment後要我批准才會出現,所以留言後看不見不用擔心~
(因為常有色情廣告炸版很討厭)

預訂留下名字和e-mail就可以了~

*這次我只是在朋友的檔子上寄賣~
至於朋友的檔子是在Red19
(不過我還未確定,確定後會再更新,請留意~)



*simple
 

我搬家了!!!
其實我一直都覺得天空個版面好醜~
網誌同日記分開唔係問題,
不過日記個分類真係令我無從入手
見到朋友們都搬家了我實在忍唔住~

http://he666.blog95.fc2.com/


這邊將不會再更新了~
老修呀中東o個D都飛走哂啦!!

o係正式開始老修日記之前~
等我發佈新既MSN icon先~
話說差唔多年多前我整左一個叫 修哥哇哈哈既MSN icon...
佢受到大家既愛戴我感覺到萬分榮幸,
但由於裝左新機之後冇左個整gif野攪到我停哂手腳
但我重生啦!!!!!!!!!!!!
 
<---這個icon我希望大家叫佢做修哥爽YY~
(本身有諗過叫丫哈哈,不過諗起可以同娃哈哈平起平坐既似乎只有爽YY)

好~講返老修啦~
前日日本方面拉Q左放raw上share既三個人
攪到我個心蘿蘿"亂"好怕今日冇修哥睇~
雖然遲左有字幕,D畫質又差,不過有得睇總好過冇得睇
日出而作呀我年中捐咁多錢比你,唔該你比返條生路我行啦~~
等我追埋條命根先拉人啦好唔好?

今集我覺得係咁多個星期既R2入面暫時最精彩既一集,
有打有劇情多角色登場有大進展!!!(可惜作畫好似有D壞....係咪畫質問題呢?)
原來上集口口所講自己geass既弱點係時間限制~
但修哥你5秒真係可以講咁多野?!?!
咪住由口口同你講因住時間o個句野o個陣已經過左1秒啦掛!?
算!!我唔同你計!!不過哩度真係好緊張呀!!!
但同時Nanally出現我更加覺得口口變左抹手紙,
幫完佢耍走舊情人朱朱之後哥哥不但止無加許仲即刻走去打仗留佢o係屋企度玩手指!!!
有個咁既亞哥係我呀撬起佢返返去幫朱朱啦!!

今集全話充滿戰鬥畫面,細契又有得出場啦!!!!!
><雖然今次同朱朱冇乜交流不過佢真係好可愛!!!!!!
唔知係咪今日私影完,好鬼有親切感lor見到你!!
咁當然大契都唔可以少看,佢彈o下彈o下咁出離令我在mon前說了一句好久不見!!

戰鬥組除左大細契同藤堂哩D罷明係畫面重點之外,
我今日終於加左Kalin分了!!
是R2當中第一次加分!!!!!
話說R2自播映以來我對哩個女角既分係一集一集咁減
佢今集佢架紅蓮同佢o係我心目中既一氣一樣谷底反彈真係要狂賀!!
只係講一句：你做返打女唔賣肉既話我唔會針對你。
Zino你話Kalin既戰鬥力係Knight既級數?!?!
你罷明當藤堂流架姐?!?!
但藤堂既天敵似乎係四眼仔...........好冇睇頭既VS組合.......

講起早幾日我o係修哥官網度睇藤堂到底叫咩名~
o個陣見到四聖入面有個亞叔勁樣衰!
我o係度諗佢到底幾時先會死
今集zino就做瓜左佢我笑左出離。
順帶一提藤堂哥叫鏡志朗!!
(哩個blog下周不如改名叫藤堂周記啦我成日講藤堂)

然後想講一下另一個難受位---

老豆！！！點解你叫VV做哥哥!?!?!?!?!?!?(銀牙)
你係咪想我講：睇落幾似樣丫~
你個仔亞修同CC玩共犯而你就玩兄弟game嗎?
嗚我唔知有咩可以失去....
唔該你比個合理既解釋我為何一個兩米高既亞伯會叫一個120cm既正太做亞哥!?
我以後係咪要叫VV做V伯?

好講咁耐,
其實今集既重點係Nanally同修哥身上.........

哩張圖仔真係好陰公~
其實我睇完今集個心都up左少少
雖然我好耐之前都已經o係度串修哥======
人地nanally都冇叫你攪咁多野,係你條友仔一廂情願o係度攪屎棍!!
但我冇諗過哩句咁殘酷既對白會真係由nanally把口出現!!
修哥哩獲真係hurt到加零一!!
喂家o下亞修哥連nanally都冇埋係咪可以結局架啦?
佢下集係咪自殺呀?
佢面皮咁薄唔會而家先瘀皮地返去朱同妹度架wo?

在Mon前面食花生的我只可嘆句----Code Geass真係好好睇T^T

以下內容嚴重偏激!
Nanally愛好者勿進。

觀看全文...

好多謝各位一直欣賞我創作既潮語(?)如：
中東人、修哥(哇哈哈)、朱朱、叉飯……
今日等我講解一下另一個我經常用既潮語----

1.            解釋：
契家佬一詞係專用o係一D個名好難記,
但佢既身份又未必係o個位我記到佢既名既角色既正室~
姐係有少少情婦既味道咁…

2.            由來：
哩個詞真係要多謝
話說我地親愛既樞木朱雀o係CG入面差唔多條條友仔都同佢有路!!
當年我抽voice doll抽到Lod
跟住我就同葵子講：我抽到朱雀個契家佬呀!!!!
葵：點解我會明你講緊邊個。
如是者契家佬一詞就開始使用啦!!!

不過好衰唔衰~
到處留情既朱朱o係R2入面居然整多件契家佬出離!!
如是者Zino係咪應該係新．契家佬呢?
好彩王天不負有心人….
終於比我諗到!!!!以後我就會分大契同細契!!!
咁Zino遲離梗係細契啦!!!
多謝TVB,多謝志雲,多謝溏心!!!

3.            其他契家佬例子：

4.            契家佬造句：
1.因為……所以……
因為我不記得他的名字，所以叫他契家佬。

2. 雖然……但是……
雖然ＸＸ有正室，但是他有許多契家佬。

3.……是不是……?
契家佬是不是只有男性才可以當上？

 

觀看全文...

 
遺忘自己 成全自己 受過傷懂得怎戒備
甜蜜儲起 仇恨至死 哪個猜心者不卑鄙。

睇完第三集之後心計o係我腦海係咁飛出離~
朱朱同修哥兩個亙相猜忌咁,兩個都要扮忘記左當年o個個快樂既夏天,
一開始兩個夫唱妻隨咁o係度計算而家同對方既關係真係好萌><
之但係又有點酸~(因此我係白黑飯,不過哩D咬手巾劇情先睇人緊張~)

今集超多野想寫!!!字數太多!!我唔想拖到個blog勁長~
詳細請內進。

觀看全文...

話說噹子好耐之前已經話過比我聽漫畫好睇~
不過唔知做乜我唔多上心一直都冇睇~
直到動畫出左見到好多人MSN個名改話隱王好好睇~
於是我返工又的起個心肝仔去睇啦~

咦其實真係我杯茶離架wo!
我不嬲都中意哩D有少少打鬥得離又劇情緊張既片!!
於是睇完4集之後琴日返工睇埋漫畫!!
果真是人才!!

劇情方面未完我知仲有好多伏線咁唔講住~
我想講o下D人物!!

Sui Fung(宵風)哩個哥哥仔我未睇之前已經聽過你個名九百幾次!!
話說噹其實重點推介過話哩個角色好正~
葵子都有咁講過!!
的確我感覺到佢好靚仔之但係我都係覺得壬晴抵死D!!
Sui Fung唔出聲又唸彿咁仲未識欣賞住(對唔住呀唸彿噹)
(而且佢除左帽之後個樣有幾分似蒼紫我接受唔到)
不過睇左漫畫之後我重點推介雷光!!
你亞媽個仔好X靚,又有過去!!
拜託動畫快D出場!!!!(心)

返工冇野做睇新番其之二：Macross F~
(隱王雖然好好睇但我未激動到想打blog)
我不嬲都中意macross,所以一直都諗住睇
(不過大家都知我好懶,我o係屋企情願煲義不容情都唔睇講日文既卡通)
今日返工又冇野做終於的起左個心肝睇~(冇計葵子講到好吸引唔睇冇話題架啦)

哇真係好激動!
首先好想大叫一句：好一套J片!!!!
入面D女(包括男主角早乙女)個個唔同口味,件件JJable!
睇到我D甩麻根性出哂離!!!
早乙女唔使講靚仔到仆街,我頂佢個屎佢鏡鏡出離都發光,真係嚇得老娘小鹿亂撞!!
歌姬姐姐有波有蘿夠主動得離成個林志玲咁三分姣七分索!!頂你哩件一睇呀知我女神!!
Reka妹妹(係咪咁串?)勁可愛成日怕怕醜醜咁好得人中意呀都!!
早乙女同士旦一個一齊我都ok呀!!
快D爭仔啦(食花生ing)

丫,仲有其他好似主角隔離個四眼仔,
唔係佢個髮型怪怪地既話我可能最中意既係佢。

然後套野除左每集都例牌有歌仔唱之外,
仲例牌有D話唔定係伏線我唔夠班睇既服務性照頭,
eg: 第三集o個個姐姐唔知做乜過左返工時間就比佢老細襟低,
仲要叫左兩聲!(我笑左呀哩度)
跟住第五集女神好地地係要o係個櫃度磨呀早乙女!!!
攪錯仲成日有D唔小心渣到波等既畫面!!!
老娘我o係小學校園睇到哩D畫面個犯罪感真係好強大呀陰公。(泣)

劇情離講我覺得ok~
好開心會聽到巴沙拿既歌,又好開心一開始o個度會見到疑似一條輝既背影!!
個世界觀係一樣哩o下個feel好好~
打鬥場面又精彩!!!有冇同大家講過我由細到大都好x中意韋基利架!!!!!!!
個變型勁瀟洒!!!戰機x機器人簡直係我至愛!!
當年雖然我萌macross7不過入面既機體我真係麻麻~
7既戰鬥場面完全滿足唔到我
哩套唔同!!!差唔多集集都有戰機打鬥!!
野我中意!!!!!!!!!!

整體離講MACROSS F真係好值得追!(推介)
(使你講,已經第五集你先離睇唔好o係度推介,個個都睇哂係你未睇!)

日出而作你玩夠啦,上集偷步出左6分鐘都唔夠,
今次到玩偷放第五集預告圖片,
好啦!!我求o下你唔好咁低手扮技術錯誤好唔好呀乖?
同埋求你唔好放完出離然後到真係出o個陣又換Q走哂D最好睇既畫面!
你亞媽個仔你比返白黑對望同天台o個格比我呀!!!
你咁樣換Q左之後知唔知個次回預告冇哂睇頭!!
再加上修哥後面既旁白同個畫面可以話係完全唔關事,
你咁樣叫我比咩反應你好?

哇真係失控!!個後感一開波咩都唔講就o係度講次回預告~

基本上我唔知係咪琴日返完大陸個人好攰攪到思考力下降左,
第四集R2覺得唔係好特別,冇乜驚喜……

喂唔係wo!!!! 屎忽鬼死Q左o個度好驚喜!!
正當佢用佢把賤聲o係度發表緊佢對Zero既愛既時候,


星仔頂佢唔Q順一野片埋去,o個種0.01秒既快感實在難以形容!!
就咁哩條明明總出場次數唔夠5分鐘,
但對白好似比二皇子既總對白量多既陰陽屎忽鬼咁就拎左叉飯走。
老實佢既離去我有D唔捨得(淚光)

然後仲有一班人既離去我好失望~
就係皇姐個騎士後面o個班靚仔(哩個稱呼好長)
佢地全部都幾好樣~第二集佢地走出離o個陣我已經o係度講話靚仔o係後面做路人真係浪費哂,
點知你今集死Q左~(不過好似唔係死哂架可?)
而騎士哥哥又比修哥攪到飲恨收場!!(比Zero咁玩法我問你對唔對得住隻碟?!)
仆街一日最衰都係修哥!!!!

話說一早已經估到口口會比修哥將溫情牌打到,
所以在劇情上可以話係毫無驚喜,之不過我一路睇又一路咬手巾咁指住修哥話人渣!~
佢扮哂野o個度真係好想打七佢!!!你個細契丫!!!(喂)
嗚呀早兩集仲覺得口口係腹黑,點知一集就白哂!!
喂你唔好信呀修哥呀!!陰公!!睇你個衰樣第日都係幫修哥擋子彈死架啦(leung到爆)
然後死o個陣仲要：丁力!!你…你出賣我?!我做鬼都唔會放過你架!!!
之後修哥就會話：魔王係唔會怕任何既鬼神架!!!(修哥哇哈哈式笑)

咁所以朱朱就好睇唔過眼要走返學校啦…
但可惡既日出而作你居然一句對白都唔朱朱?!
最起碼都加句：冇用既蠢材~居然比溫情牌打動!!(喂人地唔知口口出賣左佢架!!)
不過由於佢冇對白既關係…
所以創作空間好大….
例如可以咁---------

係呀朱朱!我都好期待與你相見。

講到最尾,到底做咩野哩個topic會叫做模擬市民R2叛逆樂園資料片呢?
原因係因為--------

(佢頭上o個粒野係我加上去)
頂你你o係屋企試衫仲要對住個鏡咁樣好似The Sims lor!!!
然後你仲要係比人裝哂鏡頭o個屋企
我真係覺得黑御姐等地好似The sims既玩家咁!!
日日望住你哩個模擬市民o係個社區度同人交流,
唔知點解我想像到修哥訓覺o個陣係會轉一個圈然後就換左睡衣…
皇帝呀我想要哩隻資料片呀!!!求你快D推出市面啦!!!!! 

卻說我哩個月換左架縮地咁猛既電腦返離,
架機咁猛咁梗係唔好整係上網,聽歌,睇片同畫畫
咁梗係打o下機啦!!!!!
嗚呀我對上o個隻玩既居然係仙劍2~
而我咁大個女玩過既電腦game真係10隻以內!!
(英雄傳說1(Dos版o個隻),仙劍1,2..金庸offline<--無聽錯係offline o個隻)
同埋一隻叫俠客英雄傳3既RPG)

相隔左唔知有冇10年既時候,我屋企既電腦入面終於出現返電腦game哩樣野

the sims真係一種毒藥,
你玩RPG都叫做知道左個故事,玩格鬥game隻手又郁過
但sims你望住兩個人仔郁,萬無目的了無終結咁生活
好一隻浪費時間既欣物。

不過講咁撚多野我咪又o係度玩...............




以後哩個blog又會加多一樣野
久唔久我會報導一下樞木家既生活狀況
(無錯!係樞木家!!因為朱朱係修哥老公咁好自然係跟佢姓)
個朱朱同修哥係我自己改出離,我仲得閒到改埋朱朱件軍服。

上圖o個對情侶街坊look既就係朱朱同修哥啦~
修哥係一個返左一日工就叫哂救命然後辭工o係屋企hea既廢柴~
至於朱朱就係軍人一個



但係哩兩公婆既生活非常無聊,
日日起身,hea,返工,食野,去廁所,攪野,訓覺...........

就係咁有一日沖涼o個陣..........

朱：不如我地生返個細路lor
修：生仔好痛架!!你唔好改機改到我生到仔!!
(大家有冇留意我o係間細路房既中心放個浴缸o係度哩件事係好有問題??)


就係咁...佢地兩個打左個電話去領養左個細路,
而哩一個細路就係中東人啦！！！！！

(抱住小朋友既修哥好人妻架。)

話說Code Geass唔止主角滑稽,
就連製作人都好滑稽咁將第三集最後6分鐘流出左
真係曾經擔心過哩個星期冇得播
點知佢過兩日o係官網度寫話係技術上既錯誤!!
令我覺得哩D真係宣傳手法
不過如果係宣傳手法的話,咁真係好失敗,
對唔住講堅我覺得係因為佢流出左6分鐘,
我期待度減半左.......(因為都好似已經知道佢講乜咁)
日出而作( Sunrise )哩鋪真係老貓燒鬚。

講返劇情,今集我覺得冇乜重點但依舊緊張刺激劇情上係可有可無既進展
不過都arm既集集個進度都咁激動既話真係消化唔到~
劇情雖則無進展,但我依舊好多野想寫=======

上集講到口口仔要去Geass星刻哥,明明好激動點知你居然係突圍行動
*當年TVB劇集突圍行動既專長係o係預告片入面剪哂D強姦呀殺人呀既片段,
但到真係出街既時候原來係Last Samurai(最後無事)
估唔到CG你都學哂突圍既衰野!!!
我當時係幾咁失望,不過如果口口真係用到Geass既話
星刻哥係咪令左佢成日可以o係中國食到既叉飯走。

口口既Geass能力係停止時間哩o下真係好金手指!!!
而且似乎係好似Mao咁無限次使用!!!
你咁攪真係冇人夠你鬥,
之不過從佢都OK著緊修哥既感覺既時候,
我覺得佢個樣都係會衰o係修哥既人渣心理戰手上架啦~(烟)
但講起佢著緊修哥送比佢個生日禮物時候...
我一早都想講修哥你男人老狗做乜送個心型野比個細佬呀仆街?!?!?
估唔到你自己講返....我笑左
之但係我又有諗過會唔會係本身件野係買離比nanaly,
但因為忘記左nanaly所以比左口口
所以修哥想拎離睇既時候口口唔比佢,
因為怕修哥會拎返一樣本來唔屬於佢既野
(采!!!我仲乜o係度幫修哥講野....佢罷明係姣修!!!!係!!一定係因為佢女人型姐!!!)

不過我真係一日比一日覺得修哥份人又傻又天真!!

話說我身痕o係度續張相睇
點知比我見到....頂!!!!!!!!!!

另外一隻背向鏡頭既鹿咪修哥離既!!
嗚呀哩隻索柏....丫唔係哩個鹿既造形是多麼的滑稽!!!!!
多麼的襯修哥!!!!!!!!!
麻煩你比個正面我睇丫!!!!!!!!!!
不過諗真D佢背住鏡頭你睇唔到佢個樣有幾柒先至令大家有無限的幻想空!!
這才是無限的柒啊柒頭!!!!!!!!(拍台)
再回帶睇返之前一張...

鏡頭左邊o個隻柒手!!!
嗚呀回帶睇返先知哩個指頭畫腳既係修哥!!
官方!!!!我愛你呀日出而作!!!!!!!!
比著以前哩D筍盤一定留比朱雀!!!!!!
不過我一早話左當年亞瑟件貓衫係襯修哥多過朱朱架啦!!
嗚呀我可唔可以出鹿仔呀?!我想做柒頭!!!
修哥你真係好可愛!!!(我第一次用個咁正面既字既形容佢)
以後我可唔可以叫你天真修(喂你夠)

然後下一秒就會諗....
點解哩D傻仔都會咁多人鐘意架!!!
(我好欣賞D同人笑佢係處男,真係好突出到佢o個種無能得離又要死要面既感覺!)
今集一氣呵成三個女人都o係度中意修哥你受唔受得起?
好喜歡卡蓮大戰CC!!!!嗚呀女人們終於開戰啦!!
CC若冇其事但又專登比說話佢聽好萌!!!
CC我加你十分!!!!!!!!!!
講開CC~真係估唔到上集o個個扭身扭勢既Zero居然係CC~
真不愧為魔王同魔女!!!!!!!
魔女你完全將魔王既滑稽指數升到極點!!
老實講修哥o個段錄音既內容係有問題
之但係都要配合CC既扭扭動作先可以將Zero既傻瓜感升華至極!!!!!!
在這只能嘆句........CC是個人才!!

雖然流出片段已經睇到不過其實真係意想不到會同Shirley約會!!!(仲著埋新衫去街街)
約會其間仲要播返第一季隻BGM><~又影返覽車!!
我o個o下真覺得修哥你唔好唔認自己係中意Shirley啦!!!!!!
之不過我真係幾喜Shirley~因為佢係我幾buy既率直豬腦少女!!
嗚…..有冇人肯做我個Shirley同我私影Orz 
仲有仲有!!修哥走入間時裝店然後話平時唔會入哩種店!
我想講個原因一定係因為佢d衫係自己車既!!!!!!!!!!!!!!!!!!!!!!!(大叫)

跟住想講既係
修哥仔我真係估唔到你真係帶Coin!!!!
衰野我上集仲o係度同我同事講笑話你帶coin點知你真係帶
之不過修哥你好唔衛生!!
你亞媽個仔你除coin唔洗手然後帶返!!
我睇你幾時因細菌感染而拎叉飯!!!!!!!!!!!!

哇我居然打咁多都係講修哥!!一定係因為佢今個星期表現滑稽出色。
但講咁耐我honey朱朱呢?
我又收埋左啦~
因為要收收埋埋先顯得我都佢既愛有幾含蓄!!(ß搵人殺左佢) 

觀看全文...