الشرق الأوسط

無雙5無左星彩,無左大喬無左維維...

大喬有得做小喬布景版

原來星彩都係

你睇!張飛格離個細路女

相信係佢個女

咁姐係星彩離啦。

Kai片始祖--「四驅兄弟」推出DVD!!

當我第一眼見到右圖既時候
我既感覺係：乜星馬兄弟有咁靚仔咩?

星馬烈不嬲靚仔哩個我知
估唔到星馬豪都有靚仔既一日
真係仔大十八變!

哩set DVD真係好吸引
唔該TVB都快D出返
我好想睇!!!

我仲想講,如果今時今日TVB返做四驅兄弟既話
我相信一樣會好似當年咁hit!
講真我細個真係中意過四驅兄弟架!
應該係話我不嬲都幾中意睇哩類kai片
如果唔係上次螢祭無時間既話
我已經出左美國太空戰隊啦!!(認真)

但我自己最中意其實係德國野狼隊

http://toddc.jp/

這絕對是民主得到勝利的證明
這十年少爺信徒的努力
終於令Namco屈服了!!!

50萬人上街高呼:「還我Lion!!反對佢又釘蓋!!!」

佢今次釘唔釘我唔知

我只知道

由我click入個網開始

到我見到個豪華box

我眼中只有Lion!!


2008年!

雖然香港仲未普選特首...

但Stan終於下台了!!!!!!!!!

期待以久既FF7CC終於出左
我真係開心到癲左呀哩日

全團既團友都出得好出色
我卻有點seven真係好對唔住。

其實自從N年前AGS出左一次三人團既FF7之後,
我一直都想離多次~
而我o個陣都已經諗住出Zack架啦~
之但係今次CC團D角色話關事唔關事,
D年代都有時亂七八糟
都唔係CC團啦...只係我同雲仔出CC....(後may有Yuffie)

好耐之前已經決定秋祭會出FF7
o個陣只係諗住出game版
但之後發生左兩件事,令我改變主義
首先係,Zack 1st既look個頭飛哂D頭髮上去,
咁姐係張人體最大既弱點--面肥。完完本本暴露於人前?!?!
我實在做唔到,而且2nd個頭個靚D(女性立場來說)
所以我出2nd~(不過抱歉我把刀有點樣衰....而且無留意CC既人都會問我係咩look)
但我強調一點係我雖然叫哩個2nd
不過我件衫係1st~姐係升左做1st又無拎大刀o個陣。

至於雲仔,佢唔係陪我出CC,而係我見噹子個樣後生
而且我記得有一日我o係街度見到本game書
當時我個反映係....點解噹子會係封面
於是就叫佢不如你同我出CC啦一齊。

我都好抱歉咁講句...其實我真係整得好hea...
arm arm 9月o係度掛住搵野做
到搵到啦又o係度懶
我同雲仔件衫前前後後真係用左唔夠一個星期離整
唔係有葵子...我瀨左屎。

------

正所謂有曳既地方就有gag...
我哩日真係好開心!!!
點解一企埋位就要影gag相
我地有冇認認真真既合照呢其實??

最癲係...
當我o係廁所set緊頭o個陣
突然有人爆句對白 : 你好似光太郎(eyeshield21)
點解會咁中point!!!
我一直都唔發現zack係同光太郎咁似!!!
我即刻拎把梳離梳梳頭!!!!!!

----
以下point form
----
1.雲仔你真係好靚仔!!!!
2.哇好大!!真係好大!!!
3.還承認嗎我怕了當那電燈膽
4.雲仔HP相信只有100
5.CC yuffie好似遊客
6.Aerith我地結婚啦
7.雲仔仲好細個Tifa你唔好出手!
8.女神
9.我香雞腳T^T
10.發現好似戰隊咁既合照--我是黑戰士
11.因為我跳跳o下,出2nd真的比1st好...
12.我個頭係真頭離有冇人信
13.如果有機會的話.我仍想出FF7

今年中秋係我咁大個女最唔開心最唔似樣既中秋節
因為D月餅好難食!!

我本人對於應節食品有好大執著
仲要係絕對守舊派o個隻
身為"應節食品愛好會"主席既我
食到今年D月餅真係好傷心。

話說我其實唔食冰皮只係食傳統雙黃白蓮蓉架姐。
我成家一向都係恆香fans
fans到最勁o個年食左一打月餅
所指既係一打盒唔係一打個。
甚至家燕姐做代言人我都一樣會食。

之但係近年恆香質素下降
個皮開始鬆開
又唔係太有餅味
上年仲比榮華差

如是者我地今年終於改食榮華
(唔係唔想支持恆香呀,係佢一打開已經覺得個餅又膠又七,買唔落手)
但誰不知榮華都一樣咁衰!!!
仆街!完全無餅味
我甚至覺得粒黃好似四寶飯o個粒!!
食入口好似只係得個甜字!!

陰公!!早知係咪我買奇華啦!!
(奇華都唔差架不過係佢賣得貴我唔想比錢曾志偉洗)

到最後居然係黃小力貪過引買o個個鴻星最好食。

仆街....
我唔知咩係生命。

我今次真係好慢手....
日日靠食飯o個段時間先打得一陣子,
終於比我打爆機。

雖然明知到Zack係會死
但估唔到死到咁感動
我有哂心理準備架啦
但我都仲係玩到豬頭咁樣!!!!
!!!媽咪點解點解?

整體離講個故事真係好鬼短!!
D原創劇情(罷明指緊G君)有少少唔知想點
老實講我成隻game入面最憎就係G君
次次佢出離我都想打爆佢!!!
佢D劇情好鬼兀突呀!!!

Square明明係腐化公司.
所以我一開始諗Cloud同Zack絕對會基情一番
但係Cloud o係入面真係有少少行行企企.....
相反這隻絕對是正常向game!
Zack同Aerith既劇情真係好精彩
去到最尾Zack都仲掛住Aerith!
玩到好感動~
算啦!!雲仔你都係同Tifa好啦!!

遊戲系統好簡單,要死真係好難
不過我等中文化先玩mission
聽講mission好難玩。

之不過全隻game我最中意既地方係音樂
我覺得好多時係D音樂幫到件事
包括theme song都一樣!!!

美中不足依然係劇情太短
好多我想睇既野都好似skip左
例如我想佢講多D Aerith同Zack既野
而唔係G君。

又到左一年一度既tokyo game show啦!!!
今年有三大KH新作公布
分別o係NDS,PSP同手提電話
嗚呀,點解又係電話架?
咁姐係又好似BC咁無得玩姐Orz....

從消息得知,
NDS作品會係以Roxas為主角,
Square終於知道Roxas哩條水路!!!

從上圖所見~
Sora將會再用KH1造型@@
KH1好似已經講左好多架啦wo@@
點解仲係KH1架呢,
不過唔可以忽視係可能哩隻game會係米奇做主角

另一個重點係左邊
新角色已經出現啦!!!(早前jump已經有張更清楚既圖架啦)
睇離哩個角色會係鐵甲人三人組之一?
咪住咪住!!!佢隔離o個個咪又係Roxas?!?!?
咁係咪姐係secret movie o個個係Roxas?

十分期待!!!

哇!!!!原來有隻咁既歌!!
我唔聽核突軒隻新碟都唔知!
仆街一開始個Rap咪係補習天王k-OTEN?
Oten你夠架!!!!
你D notes個封面係你個樣我已經忍你好耐!
你家o下仲要唱歌,有MV,填埋詞
你到底想點??

核突軒你又係既...
做乜同佢癲!!!

哇哩個topic真係好令人開心!!
無雙5終於出離啦!!
但睇到人設好失望~
之前睇片見到子龍哥個樣怪怪地已經有D唔開心
今日見到game書封面有條新女
返屋企咪search o下到底係咩角色
頂!!原來係孫尚香!!













攪乜野個個中哂面目全非腳!!!!!
哩位姐姐上睇下睇左睇右睇都唔係識o個個孫尚香!
仲要拎住把箭!!
個樣點睇都似戰無個寧寧多D!
好傷心T^T
不如話我知佢係新角色算啦.....
http://download1.gamecity.ne.jp/smusou5/index.htm

大家去官網度睇埋
典偉比以前英偉左好多,不過佢唔係我杯茶@@
o係screenshot度好多角色唔係有個名o係隔離都唔會知係邊個!!

但係都唔係個個中哂面目全非腳~
有一位人兄係中左失傳左好耐既--還原靚靚拳架!!!
佢就係----















我唔用個紅圈仔圈住佢既話~
係咪唔會估到佢係劉備呢?
大家可以回想一下當年-----


















我真係以為自己眼花!!
樓上o個位以民為本,同曾特首有兩分似樣既二撇雞,
薙左兩撇鬚仔之後居然變成眉清目秀既青年!!
我唔白咩係生命!!

定係光榮想佢同尚香襯D呢?

但我真係接受唔到劉備係靚仔哩個思想。
對唔住。