الشرق الأوسط

近排屋企就KH,出街就係咁TOW(基本上訓覺前都會打兩o下先訓得著)
o係打TOW o個陣,發現到一樣有趣既野----

原來Lion係用左手拎Saru！

平時打TOD可能係2D人冇咁留意
TOW入面個個變哂3D人所以一睇就知~
所以我即刻開本畫集睇o下

發現---

哇原來真係用左手拎架wo!!!!

你睇！Stan同Ruttee o個D都係用右手既
當然o係TOW入面都係右手(廢話)
真係太開心大發現
(定還是哩個係人人都知既設定?)

不過~我再發現---

  

Judas係用返右手架wo?
唔係掛?Lion你唔係為左唔想比人知係你,所以努力練右手吧?
Lion: 我是雙刀流的,兩隻手都用得(<---只有Re.TOD適用)

咁到底我地既Lion少爺既慣用手係左丫?定係右呢?還是雙手並用?(果然係天才)
可能其實只係畫師畫畫既就手就畫上去...(汗)

成個復活節假差唔多無離開屋企
日日就o係張休閒倚上面打機
不問世事咁既日子真係夫復何求呢?

但係打哩隻game用既卡路里都唔係講笑架
係咁用腦!!完全係計數既RPG離~
忍唔住要打o下破關心得!!!

今次CoM同之前GBA既比較起上離
因為畫面3D化左~
打起上離有心機D先
破關時間比之前快好多~
(Riku 3D個樣真係靚仔到無人有,自己用會打得仲靚仔！）
而且多左3角鍵既功能同埋一D新既合體技
整體上隻game真係易玩左架啦~

遊戲基本上個系統係用咭牌作為指令
用唔同咭可以組合到唔同既攻擊模式
但係o係作戰既時候,出牌同對手硬碰既時間太短
所以好考大家即時判斷能力~
因為用組合咭既話第一張咭係會消失唔可以再reload
所以唔可以成日用stock去屈人,如果唔係就會冇咭用等死架啦!!!

打得太長我分段先~~

---->more

觀看全文...

我o係FF forum度見到哩單news,
話哩個MV抄AC,所以o係日本比人禁播
我就去youtube睇o下有幾似先
點知原來唔係似咁簡單
係照住拍！！

但係你照住拍還照住拍丫!
可唔可以有文有路同埋拍得好少少咁呢?
我望住真係O哂嘴
原來唔止係香港人中意抄人野~
外國人都咁中意

但我想知D傻佬係咪以為AC冇人識?

今日我o係書局睇左本書
係介紹封神演義(中國原注小說o個本)既書
入面詳細介紹故事,卦象,人物同寶貝
我好奇拎上手拎左兩o下
點知入面D名稱個個熟口熟面
原來好多都o係藤崎龍o個本封神度出現過

唔睇由是可
一睇就發現
一直以為藤崎龍本封神好多野都老吹
但原來佢好多野都同原注有關!!唔止角色,甚至設定同寶貝~~
我即時覺得自己真係太唔了解封神演義哩樣野!!

平時我睇TVB暴君封神呀o個D都好似來來去去做瓜妲己咁
但暴君封神實在只不過係封神既一部份

好似武吉咁丫
一直都覺得哩個角色係原創
(可能佢又PE衫又盛咁)
點知原來真有其人!!!仲真係小望個徒弟~
加入西歧個原因都一樣!!!!
其次好似通天教主,燃燈道人,龍吉公主,高蘭英,元始天專等等!!
全部都有架原作!!
而且background都一樣!!!勁!!!
仲有十二仙界大戰!!!!又係原來劇情!!好野!!

另外有一樣野唔睇真係唔知
睇左要平反
我知好多人都話封神最後打女媧好九唔搭八
但其實第一期已經有提過歷史的道標
但最勁係...
原作...
女媧係派妲己三姐妹去人間界既人...

真係甘拜下風。

因為葵子之前成日話我知月森月森月森森...
月森同學好正我一早已經知架啦
但係我中意火原wo(喂)

我平時都唔係成日玩乙女game架炸
因為覺得係咁得個襟字好悶
但金弦真係幾好玩!!
完全滿足哂aggresstive既少女心態
我已經開始打到唔係為溝
而係o係度為個演奏會既SSS級
仲有就係o個D係咁加既好感度數字

唔好打我啦我打機係咁.......

但係金弦D仔隻隻都好萌
睇到我都幾doki doki~
仲好有心咁玩o下2週目

唔係KH殺出離
我諗我仲打緊架@!!

曾經有一隻KH2FM特典版放o係我面前,
我冇去珍惜到
到冇左既時候先至後悔莫及,
陳世間最痛苦既事莫過於如此.......

最後我都只係買到普通版~
雙DVD都係單碟價
真係一個字---抵！

KH2FM我未正式玩,只係打開過睇OP~
條片都係一樣(預左)
然後我就開CoM玩
(諗住一氣呵成丫嗎!)
3D化既CoM真係好一個3D化
除左畫面3D左之外,
同GBA係完全冇分別
KH正篇係全語音咁濟大家都知架啦
但CoM入到劇情畫面都冇語音,
哩o下好失望
系統方面,都係同GBA一樣
GBA既CoM其實冇D悶
不過3D左之後係冇咁悶架講真!!!!
為左可以用到3D既Riku我梗係會玩哂佢啦!!

KH2既secret Movie其實已經有得睇架啦~
大家去www.kh2.co.uk 睇啦!
我睇完之後真係成個人呆哂
這真是ＫＨ嗎？！？！？
如果唔係米奇o係後面行出離我真係唔知!!
D劇情太勁

到底美少年你係咪Riku(睇離都係)

比人凍左哩個又係Roxas定係Sora呢?

而我到底又要等幾多年先有得玩呢?
真係一日唔死都仲有百樣野玩!

其實我本人都好中意睇歌舞片,所以哩套我係唔會放過!
再加上o個日朝早睇Oscar聽到兩個主角唱歌!
就更加覺得唔睇唔得!!!
結果真係如想像中好抵睇,抵睇在係你比幾廿入去,由開場到收場,
冇一隻歌係難聽!!全體唱功都一流!
入去聽歌都值門票價啦!!

但平心而論,Dream Girls真係arm女人睇!!
講劇情,有點肥皂但一D都唔悶...(紅磨坊o個D太Leung....)
因為D歌唱得好激動,令到全套戲好多高潮位!!!
睇到我好激動!!
肥婆唱歌真係勁到無論!!!

我覺得有一樣出色既地方係,
我好耐冇睇過一套劇係大團圓結局,
而家D movie太流行留一點悲傷!
但哩套唔同!!最後唔會有人死呀o個D~
雖然有人歡喜有人愁,但愁o個班人既人生都仲好積極
我覺得社會係需要哩D電影!!

另外我覺得佢入面想講既野都OK
往時睇歌舞片都只不過唱完歌,講完故事就算
但佢入面講到種族問題,
仲有到底音樂係商業性重要定係意義上重要呢?
哩樣野睇完都好值得反思
諗返其實而家D出名既歌手,
佢地可能都係花瓶般既偶像
但話唔定佢骨子裡唔想做花瓶
真係想唱歌呢?
而社會上因為D生意佬都真係害到我地聽少左好多真音樂......

但好可惜係套戲要交待太多野
變左進度有時會快左D...
好多角色都未有深入交待...
好似愛迪梅菲哩D咁出色既演員,
草草演一個唔太有深度既過場配角
哩個角色中間有好多地方發揮!
但都冇機會用到就收左皮
都係一大可惜....

之不過整體離講佢都係一套出色既電影!!
叫我買飛睇多次都制!!!
(有好歌聽丫嗎!!)

泰國幪面超人!!
頂你!!唔睇D字幕
睇到班超人o係泰國同你hi.
已經笑到我PK
你亞媽個仔佢仲要加D咁既歌詞!!
我真係聽得出佢唱"咩撚關係!"

鐵拳6發表左啦乜原來！！
新角色Leo居然係美少年!!!!
出左5集都終於出返個少年啦
我睇風間仁o個D佬睇到悶啦
而家有美少年真係太好
而且仲有返咁上下質素>3<

我係咪要同韓國版Reno講再見(喂)

咁大個都成未行過年宵呀
講出離都比人笑

今年終於有雞會去見識o下啦!
唔係講笑幾好玩架真係

D檔名個個創意無限touch!!!
只係入去參觀哩D同感受o下個氣氛都已經好好!!

最吸引我既梗係和興個檔啦!
仆街我o係入面買到個吹氣公仔上面有顏顏簽名!!
you see!

哇哈哈哈哈哈哈哈哈哈