由於本人將此"跳跳虎美味軒"搬往yahoo blog,所以這裏會永久暫停發表,所有新美食會於以下網址繼續,謝謝各位支持!

新的網誌:
http://hk.myblog.yahoo.com/jump-tigger

老公大人放了5個月長病假,今天正式再返工了!老公出來社會做事咁耐,就算啫喱仔剛出世都未曾試過放咁耐假,老公話有啲唔習慣

放了咁耐假少了做運動(唔敢做,怕再整親),老公肥了很多,由排骨仔變為有肚腩的腩排仔wakaka.........

希望老公開工大吉,事事順利、平安



很久没有post美食,個C佬仲未同我裝software,攪到我未能post相等我明天又"哦"下佢先

家中電腦近排開始經常壞壞地,老公努力維修中,有可能要買部新的~

暫時還未有定案,所以暫停發表網誌一小段時間先,待電腦正常後才能發表~

近排啫喱仔放暑假,再加上老公大人放長病假,所以日日忙住陪仔、陪老公,很久沒有新發表了,真抱歉!暑假其間都間唔中有整野食,相就影了未有空post上來。

等啫喱仔5/9開學後會陸續補回的,讓大家久等了

今天農曆五月初一是爸爸的生日。

我和老公帶着鮮花往寶福山拜祭爸爸,今次是爸爸過身後第一次拜祭他,去到爸爸靈位前,看著爸爸的相又不禁想起爸爸過身的那天,眼淚又不禁不斷湧出來爸爸已經離開了我們四個多月,但我的心情久久仍未平伏,實在很掛念爸爸,很想再見到爸爸,很想擁着他............


下星期是啫喱仔小一期終試,現正忙於替他溫習,所以要暫停製作美食~

昨天是母親節,亦都是我爸爸逝世100天。

係呢100天裏我仍然很不習慣,仍然很掛念爸爸,仍然好傷心好痛苦｜上星期六收到家姐給我爸爸逝世前最後影的數張相片,那是上年十月尾的事,當時剛驗到有腸癌,但仍未知是末期......相裏的爸爸很憔粹、很瘦,看起來突然老了很多,看着、看着眼淚又不自覺地湧出

這半年以來對我來說是非常的不幸運,十月發現懷孕;十月尾爸爸驗到腸癌;12月中小產;2月爸爸過身,4月尾老公跌斷右手手骨一切一切都令我很痛苦,很希望一切唔好的東西快些走開,好運再降臨我一家人到

老公在4月尾因為發生意外,導至右手骨碎裂,入了院8天,做了4小時手術把骨搏回,上星期出院回家休養。老公習慣用右手,現在右手未能郁動要打石膏,所以得翻左手可用,很多事情也做不到,需要我的協助。

醫生話最少休息2個月才可返工,希望他早日康復啦!

近排好忙碌又要打理家務,又要照顧啫喱仔,仲要照顧埋受傷的老公,所以又無乜美食作品~

昨天1/4啫喱仔參加了跆拳道的套拳比賽。因為之前學校測驗,所以沒有時間練習套拳。點知啫喱仔比賽時表現唔錯,仲攞到第一名,有金牌呀~啫喱仔都唔知幾開心

今天是我的生日仔仔正在測驗,加上老公要返工,所以都沒有慶祝~


hehe...因為正在減肥期間所以未能整生日蛋糕比自己,希望减肥成功,出年補返

啫喱仔有年幾無驗眼,最近見他經常側頭睇電視,佢又話返學坐後面睇唔到白板,有時睇野矇矇眼,我懷疑他有散光咪同佢book驗眼。

昨日接他放學後到香港盲人附導會普通眼科驗,點知check到佢唔係散光係近視,左右都係150度真係估唔到,我同老公一直好努力去保護他的眼睛,奈何......咁細個就戴眼鏡,幾時戴到大?好怕佢越黎越深

啫喱仔知道自己要帶眼鏡後好唔開心,扁扁咀去試眼鏡,講笑話氹佢都唔啋我,搞了好耐佢先有心機揀眼鏡。