琴晚Ziv突然少有咁打電話來，叫我去佢屋企食飯，佢話整手包餃子喎，難道佢咁有興致，我都要賞面既.(Fukie又要吃醋了)，10點上到去，Ziv已經整好三種餃子：有蒸、煎同湯餃子，仲有雞亦，d配料好好味，我問佢用咩整的，但他死都唔講，後來先知淨係用左鹹蛋同蛋黃呢d cheap野，Fukie又好客氣地買了一大支清酒，我便飲左大半樽 ，Fukie又屎忽痕同我一整飲，但佢一向唔飲清酒的，仲飲到嘔，食完之後，Ziv就要我陪佢睇DVD，睇了一套日本動畫“鬼公子炎魔” ，唔係咁好睇，大約兩點，我就離開喇。

   我趺趺撞撞咁落到街行去搵車拾，前面有兩個阿sir，一個差婆(成個TB咁)，
其中一個阿sir：「身份証, 唔該！去邊度呀先生？」
我：「返屋企囉…」
sir：「住邊度呀？」
我：「觀塘… 呀！唔係唔係… 住九龍灣！」
sir：「去邊度黎？」
我: 「去朋友屋企玩…」
sir：「飲左酒？」
我: 「有飲呀…」
sir：「你朋友住邊？」
我：「九龍灣… 呀！唔係唔係… 住油麻地！」
sir：「你唔似只係飲左酒咁簡單喎？！有冇take野？」
我：「Hey！我唔掂呢d野既！」(雖然以前有)
跟住就比佢地係咁搜喇，由頭到腳，大肶內側，摸埋d陰
位，書包銀包鑰匙包，乜都check哂…
sir：「你做乜野工架？」
我：「我係教人彈琴既！」
sir：「教人彈琴？？？」上下打量全身，一副懷疑既眼光。「收幾多錢呀？」
我：「五百蚊到啦。」
另一個呀sir：「五百蚊一個月都好抵喎！」
我： 「係一堂！！」
另一個呀sir： 「嘩！仲好過做鴨呀！哈！」
我：「係呀，係呀… 咁我走得未？」
sir：「冇野喇，你可以走啦。」
我行左一段路先知個差婆仲keep住左個身份証，行返轉頭攞，正死TB！！