祝賀梁師兄係《2008 Edwin Morgan國際詩詞創作比賽》獲獎！

 大公網：http://www.takungpao.com.hk/news/08/09/05/GW-956964.htm
 太陽報：http://the-sun.on.cc/channels/news/20080905/20080905015232_0000.html
 新浪網：http://news.sina.com.hk/cgi-bin/nw/show.cgi/2/1/1/861196/1.html
 自由香江論壇：http://www.liberal-forum.hk/viewthread.php?tid=4246&extra=page%3D1

   叫佢做師兄只係沾佢光彩姐，梁師兄聰明能幹，鍾意觀察身邊事物，點取知識，唔單止文才了得，音樂造詣更見湛深，而且為人精細，落落大方，最重要係低調謙遜，從不囂張，實在值得時下年青借鏡。
   師兄，你係得既！你是最好的，你知道嗎？

   琴晚一役，驚魂未定。
   今日咋病係屋企休息一天，下午去左商務睇書，去埋HMV睇CD，晚上約左兩個朋友仔去新浦崗《外野手日本料理》食放題，食左唔少野，仲叫左四支清酒，飲飽食醉之後Alec打黎，話係 T Bar叫我落去陪佢，咬呀… 琴晚仲衰唔夠咩！邊有面再落去，不過Alec話有佢係度乜都唔洗怕喎。
  去到冇乜人，跟住就愈來愈多，Thoman同Jason都黎埋，突然門口一開，"佢"走入黎，Edco一見"佢"就同我打晒眼色，不過"佢"好快咁坐左第二邊，係見唔到我既，雖然我唔係憎"佢"，仲like過"佢"tim，不過自琴晚既騷動，對"佢"係有種莫名既恐慌，好想逃脫，我開始好唔自然，坐立不安 (張梳化好似有針吉咁)，左閃右避，急到死都唔敢去廁所，最後忍唔到叫Jason護駕先解決到，返到埋位即刻叫Alec同我走，佢個死佬又話唔怕，要坐多一陣先，好似想睇埸好戲咁，不過最後佢地都錫住我，陪我走左。
  Jason要返屋企，我同Alec再走下場，去左銅鑼灣ExBar，就係今晚，我遇上了K。

琴晚同 Ziv 傾 MSN，傾到悶悶地，話想落 T Bar飲下野，咁我地就十一點幾落左去，華姐唔係度，得 Edco有返 (佢話掛住我喎！都唔知講真定講假)，唔知點解呢，我飲左幾杯芝華士之嘛，已經 Wing Wing地，反而 Ziv溝酒飲都冇乜事，我地兩條友仔傾下計又推下骰咁，玩到三點幾就走喇，Ziv仲黎左我屋企訓。
嘩！今朝起身去廁所時個頭痛到 PK(琴晚 d酒可能比人落左藥，哈！)，跟住再訓番，訓到兩點半起身，見 Ziv己經坐係梳化度戇居居咁，佢話餓到 PK，跟住我地就去左翠園飲茶，Ziv 叫左 d 好古怪既嘢食，全部都難食到嘔，食到我要去廁所扣喉，其實係 d食物質素下降：有腐屍雞（南乳雞）、老苗（豆苗）、多油餅（蔥油餅）、淋水角（鹹水角）、豬油骨（排骨）．．．仲有其他難食既野，全部食左一件就放低，跟住 Ziv就笑住咁同個經理投訴，經理就話今晚會開會檢討，我心諗開乜會呀，結業啦！話口未完，隔離枱三個師奶又對個經理投訴 d嘢食係史上最難食既。

訓得幾個鐘又要九點九起身，持續慘情，第一件事就係打比音樂中心既負責人，同佢我手傷可能彈唔到音樂會，嚇到佢地花容失色，係咁搵人頂上，不過冇合適人選，怕且我都要頂硬上。
雖然話係音樂會，其實只係 Mall Show (係我唔咁 eager表演既原
因)，音樂中心要做宣傳冇辦法，兩點鐘開始，我一落埸就要彈，原本諗住叫我啊哥彈左手，不過個死仔冇著老西，所以唔可以同我上台彈啊，我十個指頭得番九隻彈琴，超無奈，好！就等你地領教下我九指琴魔啦，呵呵！彈完兩首跟住就到我 d 學生彈喇，要督導佢地上台下台咁，我休息一陣又要同其他人伴奏，演奏途中不妙… 發覺一路彈一路渗血，唔停得呀，都要撐呀！最憎個老闆娘成日加插 d 死靚妹唱歌仔(由其係一大一少唱韓文歌個 pair，包你睇到突眼兼噴飯！) 喂！你比得我搞呢個 Show，就唔好亂我程序啦，搞衰哂。
音樂會係五點結束，我仲要返音樂中心上多幾堂 (阿志叫我唔好教喇，一齊去我屋企玩仲好啦咁，我都想！) 上到八點幾成個人都散哂，呢個music director真係唔易做。
跟住 Ricky、阿橙、阿濼佢地黎左九龍灣陪我食飯，Alec 同 Vin 仔都黎埋，六個人去食越南野。
黎緊個禮拜日仲有show，頂！ 

我、Ricky (加埋佢既朋友野熊輝)、Ziv 同 Marco，一個你諗都諗唔到既組合。

竟然一齊坐係 T Bar 玩，其實都唔係刻意安排既。(又或者因為冇左 Alec呢個處女之王所以怪怪地)

自從事故之後，考慮到 Ziv 情緒因素，一直好想約佢出黎飲野都唔成事，不過我既顧慮係多餘既，因為佢今晚玩得都好開心，而佢既笑聲特別大、也特別衰，成為全埸焦點。

反而我就有 d 唔開心比 Ricky話，唔係好識玩推骰咪慢慢學囉，洗唔洗咁唔比面呀！佢再係咁我就以後唔同佢坐埋一齊。

最surprise都係 Marco 即興加入，佢一黎到就要同人猜枚玩骰，個衰野又攪埋 d爛 gag 遊戲規則，我唔玩睇住佢地都笑到噴酒！大家都玩得好開心。

總之係一個特別既晚上。

情人節係月圓之夜，女人狼整裝待發，容易做出非禮、強暴之類既事，性情也會特別暴躁忐忑，容易沖動，行為變得不理智、更具侵略性。
N小姐，Y小姐同 S小姐今日又趁機出招：奪命追魂 call、神秘跟蹤、情慾短訊、死纏爛打、貞子纏身，無所不用其極。

係，鐘意一個人係冇罪既，但煩到我既正常生活，惹到我 d屋企人就係死罪！

都三口六面講清楚架啦…
避又避過，鬧又鬧過，惡又惡過…
你地一頭栽進來係冇意義架！ 
都唔知點解有 d人可以咁 x 煩！
我既心你地係攞唔到架喇，命就有一條！ 
你地想點？係咪要我死先得安樂？

就算我死左，仲有千千萬萬既我… (你地又恨得幾多？！)
就算我死左，仲有滿城麻甩佬… (都冇你地份！)
就算我死左，都唔會留低一條毛(比你地) ！
就算我死左，仲有我既子子孫孫…(代代相迫？！)
(好似愈講愈遠……) 

冇…係度發洩下姐…
邊有咁既能耐同班女人顛，
一個已經夠煩了，仲要黎三件！
吐血陣亡

Alec 約左我同 Vin仔去睇戲 "功夫灌籃"，都唔係好想去睇呢 d戲，不過Alec話Jason有贈券唔洗錢，咁就去啦，其實目的唔係睇戲咁簡單，去睇 Jason既新 honey就真，說穿了，哈！

去左老豆屋企拜年，不過講明如果個賤女人係度，我係唔會比面既，更加唔會去，點知上到去係 lift口佢入我出，撞到正，冤家路窄，眼怨！
好多年冇去老豆屋企坐喇 (不過我有比錢佢架，仲係比得最多tim)，見佢愈來愈老都好心 up，真係要比多 d時間睇住佢關心下佢，我已經冇左呀媽，呢個老豆我緊係要珍惜多 d。
Kitty(大家姐)、阿雲(二家姐)、Mandy(三家姐)、明明(三哥)同佢既朋友肥仔都係度，好熱鬧，嘈冤巴閉咁，坐左半個鐘到大家都想走喇，我見冇人約諗住返屋企啦，點知比兩個家姐挾持住，要我去佢地屋企陪佢地 d仔玩喎，我的天！兩個家姐都住係沙田，上去之前我係百佳買左好多零食比 d細路，仲有一大支清酒，一晚 "清" 酒，飲哂 lu，冇 lu，玩到兩點幾。

無事可記。
悶 + 凍。 

原本諗住開開心心咁同 Bosco farewell既，點知發生不愉快事件。
對阿Roy另眼相看，原來係辣椒仔黎架，利害！

琴晚同 Bosco佢地飲到發哂顛咁，今日起身返工時都驚魂未定……
「呀sir，你冇事嘛？洗唔洗比五分鐘你休息下？」女學生問。
「如果你好累好累既時候，五分鐘內你會做 d乜？」我問。
「煲煙！」佢好爽快咁答。
「你食煙架？睇唔出喎…」我好奇咁問。
「仲有好多野你都睇唔出tim…」佢一幅不屑既衰樣。
「咁我地一齊出去啦！五分鐘，我會補番比你既。」我當堂醒哂咁講。
跟住返黎繼續上堂，精神左d 啦…，一個半鐘過去又黎料，好眼訓啊！(比張床我丫唔該) 突然 "Do… do…do…" ， 好大既dodo聲，嚇死禾！原來收到個SMS(我個手機既訊息提示真係好鬼大聲，成間樓都聽到)，竟然係佢！ 驚喜！

琴晚 Ziv打過黎話想出去飲下野，只要佢想，我義不容辭，一架的士飛出去又點話，呢段日子我真係好想見下佢，不過最後佢都話唔出…

今日聖誕節又連續兩天假期，好多學生都唔會上堂架喇，不過都有兩三個會黎既，同佢地上完堂都係六點鐘到，沖定涼，今晚一定有人約，Alec 終於打黎要我出去同佢 d朋友一齊 dinner，咁多人我唔係好想，怕陌生嘛，最後我自己食囉，之後 Alec話落 T Bar，咁我就去 join佢地，Sammy加入，Alec 仲帶多兩新朋友仔出黎，印尼人，好 nice不過好怕羞，睇佢地個樣都係第一次落 bar，我捉住 Vin仔同我地玩，四個 waiters 三個 (Bosco, Roy, Edco)坐左埋黎，困獸鬥咁，另一個 waitres華姐係外圍做到卜街，任勞任怨，多得我地班客唔少，佢唔介意既，我都有請佢飲酒呀。
玩到四點幾。

今日星期一，係我既 "例假日"。 
今晚係平安夜，係大家既 "例浦夜"。 

呢兩種組合對我意味住d乜呢？

在家千日好，抱頭就睡。 

雖然係星期六，不過只係做左幾個鍾，聖誕前後，唔好話我，大部份學生都會比較心散。

繼續有朋友仔請食飯，8 點鐘，又係尖沙咀，山林道北酒埸，食日本放題加清酒任飲，今餐好多人：Rap仔、乖學生 Lala、肥仔Anton同埋大提琴靚女 Angela。野食比想像中好，不過重點係任飲清酒 (雖然比較稀)，連唔係好飲酒既 Angela都飲到滿臉通紅，大家都好高漲，Rap仔拿左兩個袋出黎，左右手各一，問我要邊個，我揀左手 (佢右手個 d好似係垃圾廢紙之類)，哈！Bingo！係我要既生日禮物啊！一本我好想要而搵左好耐既書："The Art of the Piano" (David Dubal)，講 piano music同 pianist 既書有好多，不過呢本係其中最好既。其實我幾個月前跟 Rap仔提過想搵呢本書，點知佢會記住仲偷偷係通利 order左，唔話得！呢本我心愛既書係佢地夾份送既。另外仲有多一份禮物，應該係 Lala既鬼主意：當我去完toilet返黎既時候，戇豆先生 Mr. Bean (公仔)竟然坐左我個位，嚇死！冇錯我係好鍾意睇 Mr. Bean既戲，但都唔洗 "買起" 佢架嘛！不過都好 lovely。 

有班朋友仔對我咁好 (特別係Rap仔)，我真係開心。
今晚笑得多左，多謝。 

P.S. 原來 Angela有架靚車，佢話遲d同我遊車河喎。Angela，我想渣下啊！(我係話你架車，唔好諗邪野大家)

又一年…，不一樣既生日。
今年跟往年唔同…

「呀 sir，今日你 birthday喎！係咪唔洗黎上堂呢？」幾個學生打黎問。 「生日年年有，不過我今日想休息同靜下，所以你地都可以唔黎喇。」結束對話。

係屋企一坐就坐到四點幾，正想落街買 coffee飲時，乖學生可琪 call我話要比 gifts我，仲特登送黎九龍灣比我，佢知我近日唔開心就哄下我，呢個小傢伙真係唔話得。

七點，師姐 Salena已經係尖沙咀就緒，因為 Miss Lee同 Candy一早就係星光行個間金島燕窩海鮮酒家訂左位，同上年一樣係食魚翅，我當然鍾意 ，食飽之後，Salena要去機場接機走先，我送左佢搭的士後再返轉頭會搵返 Miss Lee同 Candy，三人行戇居居，最後走左去黃埔行街繼續戇居居，去埋吉之島極度戇居居。

晚上十點四十五分歸家，早得好唔尋常。