我家睡房向東，窗外就是大老山，但自從那一年附近大興土木，荷里活廣場等各類建築物拔地而起，擋住了那一片天，清晨躺在床上讓溫暖晨光喚醒的日子，就一去不復返。
遇上本世紀最長的日蝕，也不是沒有想過直飛蘇杭感受白晝變黑夜的奇幻時刻，只是我們都雜務纏身，八月又請了假和家人到曼谷，日全蝕之旅的全部幻想，就在那天的飯局上，一句算了，然後兩秒三秒，就忘了。
醒來，早上八時半，開了電視，新聞台說日偏蝕正在上演，走入睡房，窗外那四十多層高的高樓，我連太陽也看不見。擦牙換衫著鞋著襪，九時多，陽光從睡房的窗透進來，斷斷續續，我抬頭一看，那彎彎的太陽，終於在雲間裡出頭，若隱若現。
本來已經要出門了，趕緊用D90，接上長鏡，光圈較細，快門較最快，才影不了多少張，雲層散去，陽光大刺刺的射來，還想影多兩張，差．點．盲。
出門去，只覺藍天之下，日光真的比平常的暗。
「媽咪，你有冇睇日偏蝕？唔好就咁望啊！」邊走邊打電話給老媽，提醒她不要直視太陽免得傷眼。
「我有睇，睇得好清楚，你有冇睇？」
「有呀，仲影左相，差ｏ的盲。」
「枉你讀咁多書啊，你有冇腦架？」
「我帶住兩副太陽眼鏡，原本有雲遮一遮，後來都冇睇啦！」
「你係唔係傻架，太陽眼鏡唔得係人都知啦。」
「你咁叻，你用咩睇？」
「我用之前做body check個幾張X光片ｏ羅，睇得又靚又清楚，你話你阿媽醒你幾多（repeat repeat repeat)．．．」
