天氣是我今日心情

作者: 謝連忠律師


2005年1日13日海關偵破全球首宗以「點對點檔案分享」（簡稱BT）網絡上載電影案，一名失業男子，建立以「古惑天皇」為名的網頁，在一個本地互聯網討論區內，發放三齣外語片，《夜魔俠》、《宇宙深慌》及《選美俏臥底》，任由他人下載關員前日在其屯門寓所將他拘捕。美國電影協會數字顯示﹐目前全球每日有60萬個非法電影檔案可供下載

使用BT技術，實情難度不高，你有時間心機，便可做到。但將版權作品上載供人下載，若和生意或業務無關，只係民事罪，海關出動拉人封機，是越權，強行告上法庭，最終亦會無罪，但對被告已經好大打擊。

若按海關班大佬推論，搞BT上載犯法，上載相片、文字和MP3，若無版權，都應犯法，電影不可能有特權保護。倘若樣樣都犯法，肯是天下大亂。刑事同民事應該分開，怎可以亂來。今次海關以刑事手段向電影業伸出援手，咁重唔係《利益輸送》？幾時幫律師出手拉晒班無律師牌，但又登報招徠法律生意人？