來中國教冊、學習的頭一冬（學期），有一擺，拄好拜六，我佮一位美國朋友相招去北京chhit-thô。北京佇中國的北頂，是中國的首都。Hit陣，阮 兩个 拆無 座位票，看破 一路 徛kah 遘，chiah 知影 啥物 號做「thiám」。車行12點鍾chiah遘北京，阮是一半歡喜一半thiám。
徛坫（khiā-tiàm）北京的大路邊頭，聽在地儂講話，阮一時soah戇戇（gāng-gāng），雄雄soah聽無北京儂講的話。自使 是 上吤 簡單 的 對話，比論問路、抑是 佇 菜館點菜，攏無法度hām在地儂順利來溝通（ko·-thong）。路尾，我chiah發現講，北京儂 呣但（m̄-nā）講話真緊，佫有帶一款真正明顯的「兒話音」。會記咧 阮搭的士（tek-sî／taxi）的時陣，有 共（kā）機師 講 beh去 進前 交定（ka-tiāⁿ） 的旅社，siáng 知影 一開始 機師soah聽無阮咧講啥。無法度，只好連講帶比，無疑悟（bô-gî-gō·） 對方 硬死 著是 聽無，實在有夠費氣。尾仔，總算互阮掠著撇步：講話的時陣 一定 噯 加 攆（lián）一寡「兒話音」。即招 對對 有效，計程車 機師 隨 瞭解 阮 的 意思。
當然，後來我嘛發覺講，即款北京話事實呣是咱想的hiah簡單。現子時，我佫一擺來遘北京，佇chia 滯（tòa）beh 誠 月日 久，soah 感覺 北京話 加真 oh 捌（bat）、加真歹學。不而過，佫咔安怎講，北京話 猶原 是 不止仔 標準，嘛 上吤（siōng-kài）倚近（oá-kūn）中國的普通話。
佇中國，書面語言不止標準，無
鄉里的儂，用漢字所表達的意思攏款；iah nā 讀音， 會使講 是 「天 差 咧 地的」！真儕讀者hoān-sè攏知，漢語的口語分做真儕種「方言」，無的「方言」真 oh咧 溝通。准講 是 中國儂，
nā 去外地區旅游的時，嘛是定定聽無外鄉儂的話，這嘛是捷捷（chia̍p-chia̍p）拄著的問題。舊年，我倒轉去美國，去 唐儂街（Tn̂g-lâng-koe） 的 中餐館 食飯，chiah 發現講 我竟然 聽無 hiah-ê 唐儂 咧講 的 唐話（漢語），當時我實在有夠失望。坫美國，誠儕 唐儂 講 中國 南方 的「方言」，大多數是廣東話（粵語）佮福建話（閩南語）。廣東話是中國第二大的「方言」。中國 南部 地區 佮 香港 透底 講 廣東話，iah 東部 沿海 地區 透底 講 福建話。
我 佇 武汉 教的 hiah-ê 學生，
定定 愛 講 一寡「方言」來咧 創治 舍友。一个 學生 捌 共 我 講，in舍友 講的「方言」
輸 ná 番仔話，互儂聽攏無。中國的官方語言是普通話。現子時，普通話已經佇全國各所在推廣kah真普遍。佇咧中國，ùi 幼稚園 遘 大學，大細間 學堂 攏總 是 用 普通話 來咧 教學。
好哩佳哉，武汉方言 佮 标准的普通话差無真儕，所以 我 佇 北京 佮 儂 拍交關，總算無拄著真大的麻煩。我 一禮拜 kan-taⁿ 需要 上 24 點鍾 的 課時，chhun--ê 時間 我 差不多 攏 佇 街頭巷尾 四界（sì-kòe）行踏。Hia chiah是我真正的課堂，菜馆、商店、公交車（公車）、的士（taxi）、街仔路…四界chhē儂 練仙、開講。後來，我 講 中國話 著 咔無 武漢腔 ah，年久月深，soah 愈來愈siâng有「兒話音」的 北京話。
（本文作者捌佇武漢佮北京做過一年的教學活動）
