看全文，線頂聽錄音~）火金姑（一）
| 火金姑，拍翼股。 先生娘，大腹肚。 正月生唐夫，二月生諸姥。 火金姑，跤落土。 坐我船，拍我鼓。 食我凊糜飯，配我鹹菜脯。 對我門口過，互我掠來做姥。 |
Hé-kim-ko·, phah si̍t-kó·. Sian-si-niû, tōa-pak-tó·. Chiaⁿ--ge̍h siⁿ ta-po·, jī-ge̍h siⁿ cha-bó·. Hóe-kim-ko·, ka-la̍uh thô·. Chē góa chûn, phah góa kó·. Chia̍h góa chhìn-bê-pn̄g, phòe góa kiâm-chhài-pó·. Tùi góa mn̂g-kháu kóe, hō· góa lia̍h-lâi chò bó·. |
【注解】（普通話解説）
火金姑：熒火蟲。
拍翼股：展翅。
先生娘：師娘。
大腹肚：懷孕。
唐夫：泉腔，即男子。
諸姥：女子。
跤落：掉落、丟失。
凊糜飯：冷飯菜。
鹹菜脯：鹹蘿蔔乾。
掠：捉。
姥：妻。
火金星（二）
| 火金星，十五暝。 請恁姨仔（î--á：母親）來食茶。 茶米芳，茶米紅。 請恁大姨做媒儂。 做叨落？做大房。 大房 儂 刣豬，二房 儂 刣羊。 拍鑼拍鼓娶新娘。 新娘 骹後 燕仔尾， 攑 薰吹，pûn 燈火； 攑 白扇，使目尾。 |
Hóe-kim-chheⁿ, cha̍p-gō·-mê, Chhiáⁿ lín î--á lâi chia̍h-tê. Tê-bí phang, tê-bí âng, Chhiáⁿ lín tōa-î chò mûi-lâng. Chò tó-lo̍h ? chò tōa-pâng. Tōa-pâng lâng thâi ti, jī-pâng lâng thâi iûⁿ Phah-lô phah-kó· chhōa sin-niû. Sin-niû kha-āu ì-á-bóe， Gia̍h hun-chhoe, pûn teng-hóe; Gia̍h pe̍h-sìⁿ, sái-ba̍k-bóe. |
【注解】（普通話解説）
火金星：漳腔，熒火蟲。
十五暝：正月十五夜晚。
姨仔：î--á，母親，「仔」讀輕聲。
茶米：漳腔，茶芯。
叨落：哪裡。
大房、二房：堂親分系。
燕仔尾：一種服飾方格
薰吹：煙杆。
使目尾：送秋波。
火金星（三）
| 火金星，來食茶。 茶燒燒，配芎蕉； 茶冷冷，配龍眼。 龍眼會開花， 匏仔換冬瓜。 冬瓜好煮湯， 匏仔換粗糠。 粗糠卜起火， 老嬸婆仔 gâu 炊粿。 炊 kah 臭火焦， 險燒著老嬸婆仔的金蓮骹。 |
Hóe-kim-chheⁿ, lâi chia̍h-tê. Tê sio-sio, phòe keng-chio； Tê léng-léng, phòe lêng-géng. Lêng-géng ē khui-hoe， Pû-á oāⁿ tâng-koe. Tâng-koe hó chú-thng， Pû-á oāⁿ chho·-khng. Chho·-khng beh khí-hóe. Lāu-chím-pô-á gâu chhoe-kóe. Chhoe kah chhàu-hóe-ta, Hiám sio-tio̍h lāu-chím-pô-á ê kim-liân-kha. |
【注解】（普通話解説）
芎蕉：香蕉。
匏仔：胡瓜。
粗糠：穀殼
起火：引火
炊粿：蒸粿。粿，一種閩南農家料理，類似北方的糕點。
臭火焦：chhàu-hóe-ta，即「飯燒焦」。
險：險些。有時說「險險」。
金蓮骹：三寸金蓮，裹足。
