April 10, 2006
刣雞刣鴨，刣牛刣馬（閩南囡仔歌）
Ke ā ke, lâng beh lia̍h lí thâi.雞啊雞，儂卜掠汝刣。
Thâi góa chò sím-mi̍h ?刣我做啥物？
Thâi lí m̄ seⁿ-nn̄g.刣汝呣生卵。
Chi̍t-ji̍t seⁿ chi̍t-pah, nn̄g-ji̍t seⁿ chi̍t-lôa, beh thâi lí thâi ah.一日生一百，二日生一籮，卜刣汝刣鴨。
Ah iā ah, lâng beh lia̍h lí thâi.鴨呀鴨，儂卜掠汝刣。
Thâi góa chò sím-mi̍h ?刣我做啥物？
Thâi lí bē seⁿ-nn̄g.刣汝bē生卵。
Chi̍t-ji̍t seⁿ chi̍t-pū, nn̄g-ji̍t seⁿ chi̍t-tû, beh thâi lí thâi gû.一日生一孵，兩日生一廚，卜刣汝刣牛。
Gû ā gû, lâng beh lâi thâi lí.牛啊牛，儂卜來刣汝。
Thâi góa chò sím-mi̍h ?刣我做啥物？
Thâi lí m̄ lê-chhân.刣汝呣犁塍1。
Téng-khu sī góa lê, ē-khu sī góa pê, beh thâi lí thâi bé.頂坵2是我犁，下坵是我耙，卜刣汝刣馬。
Bé ā bé, lâng beh lâi thâi lí.馬啊馬，儂卜來刣汝。
Thâi góa chò sím-mi̍h ?刣我做啥物？
Thâi lí bē cháu-lō·.刣汝bē走路。
Téng-lō· sī góa kiâⁿ, ē-lō· sī góa cháu, beh thâi lí thâi káu.頂路是我行，下路是我走，卜刣汝刣狗。
Káu ā káu, lâng beh lâi thâi lí.狗啊狗，儂卜來刣汝。
Thâi góa chò sím-mi̍h ?刣我做啥物？
Thâi lí bē kò·-chhù.刣汝bē顧厝。
Téng-lo̍h sī góa siú, ē-lo̍h sī góa kò·, beh thâi lí thâi thò·. 頂落3是我守，下厝是我顧，卜刣汝刣兔。
Thò· ā thò·, lâng beh lâi thâi lí. 兔啊兔，儂卜來刣汝。
Thâi góa chò sím-mi̍h ? 刣我做啥物？
Thâi lí m̄ chia̍h-chháu. 刣汝呣食草。
Chia̍h lí chi̍t pùn-ki, chia̍h lí chi̍t pùn-táu. 食汝一畚箕，食汝一畚斗。
〖注解〗（普通話）
1、塍：/tsʰan²⁴/，即「田」。
2、坵：/kʰu⁴⁴/ ,閩南語中表示「一塊田地」的量詞，相當於「塊、片」。
3、落：/loʔ⁴/，閩南語，表示「一座房屋」的量詞，相當於「座」。
Posted by at
天空部落 │21:13
│
回應(11)
│
引用(3)
│
閩南歌謠
引用URL
http://blog.yam.com/limkianhui/trackback/5898883
林哥，有個問題問問你。寧德有個“古田”縣，在福州話裡就是“坵塍(Kŭ-chèng)”。不知在閩南語裡怎麽讀？
閩南語是講「古塍」（Kó·-chhân）。即个所在咔bē出名，離閩南又佫遠，所以，普通的閩南儂咔無瞭解即个所在，嘛罕得聽儂講起即个地號名。恁福州佮古田，算是厝邊隔壁，佫平平講福州話，所以，恁講的會咔准。福建其它所在（閩南三地以外），用閩南語來念：
「莆田」（phô·-chhân : 莆塍）、「福清」（Hok-chhiaⁿ）、「閩清」（Bân-chhiaⁿ）、「福安」（Hok-oaⁿ）、「福鼎」（Hok-tiáⁿ）、「龍岩」（Lêng-nâ）啦、「大田」（Tōa-chhân: 大塍）、「長汀」（Tiông-theng）。
這敢是林兄的聲音？:P
真久無聯絡，我有一個中文的blog，請指教．:)
是啦，久無「看着」汝啊……Ah這「臭le̍h仔聲」着是我本儂的啦，呵呵，歹勢歹勢，soah互恁愛笑
。Ah汝的中文blog，我隨來去探看māi...
'大田' 在福州話也唸 /tai tsʰeiŋ/. 這是除廈門外又一個用白讀音的非十邑地名.
而莆田則依然唸/pʰuo tʰieŋ/.
所以，地名的說法似乎都是古來有之的，這在那個交通不便利的時代，實在是算得上小奇蹟了。
另：我在舟山這邊，聽當地人說到廈門，其中“廈”也是讀零聲母（我聽得出來，但學不來），可見這是對應於閩語中“廈”的白讀音。
不好意思,我想學這段話當成語言學的報告,但是必須使用國際音標,不知道林老師可不可以提供給我.另外一個謎語我也很想學,希望能夠林老師能夠提供給我.
約一款果籽
紅關公，白劉備
烏張飛，三結義
謎底：荔枝
如果不方便回應,林老師可以寄到我的信箱來,
我的e-mail是kobe_chen1014@yahoo.com.tw,麻煩林老師了,謝謝!
GnuDoyng, Hui sian,
寧德有個“古田”縣，在福州話裡就是“坵塍 (Kŭ-chèng)”。
閩南語是講「古塍」（Kóu-chhân）。
嘛罕得聽儂講起即个地號名。
Bat thiann-tioh lau-he-a leh kang-seh; ti 60 ni-tai e "Siong-san Ha-hiunn Si-tai", E-mng chhi-khu e ku-bin na in e chou-chip-toe si ti Hok-chiu te-khu e lang tioh e-sai sin-chheng hun-phoe khi Kou-chhan ha-hiunn chha-tui. Na in e chou-chip-toe si ti E-lam e lang tioh-e hoat-phoe khi Kheh-ka te-khu e Siong-hang, Bu-peng kap Eng-teng ha-hiunn chha-tui. In-ui「Kóu-chhân」pi Bin-se te-khu kha ho, chiu an-ni Hok-chiu lang kha ai sang in e kiann-ji khi "Kŭ-chèng".
Ong-pai, ti E-mng u chin-choe Hok-chiu lang leh khia-khi, sou-i 「Kóu-chhân」（古塍）kap“Kŭ-chèng(坵塍)”si-siong u leh hou lang kong-khi. Pu-ji-kou ti lan chek-chun e lau-pai Ban-tai-lin chu-tou it-chhiat,「古塍」（Kóu-chhân）kap“坵塍(Kŭ-chèng)”soah han-tit koh hou lang thiann-tioh.
Chiah keh-si chit si-koe thiann-thiann lai e lou-pinn-sia siau-sit, bo hoat-tou thang lai cheng-sit, tak-ke bong chham-kho.
Siōng-san Hā-hiuⁿ(上山下鄉) chē lí ā chai-iáⁿ hehⁿ? Bo̍k-hui hit-chūn-á lí oân-á tòa-tī Tiong-kok?
Hui sian,
Peng-siong-si kap lang leh lian-sian kha-khok, hiah chhin-chiann gou-chap tiann-tiann u leh kong-khi in siau-lian si-tai e ong-su, Siong-san Ha-hiunn ti in e si-tai si chit-hang tiong-iau e tai-chi lah, sou-i in siong-siong u leh ka goa the-khi.
Goa kam-kak u chit-koa E-mng ku-bin kha-cha e "chip-the hoe-ek" ti chek-chun i-keng it-tit beh siau-sit khi, na tak-ke chiong in chai-iann e tai-chi ki-liok loh-lai, un-un-a tioh e-tang liap-chit chit-koa chu-liau, iah lek-su, gu-gian kap bun-hoa tioh si an-ni hoat-tian khi-lai.
Ho·h~~~Hài góa chhoah--chi̍t-ē! Na̍h-chún kóng lí oân-á pat tè lâng khì chiūⁿ-soaⁿ hā-hiuⁿ....Lí kóng--ê bô m̄-tio̍h, éng-kè hiah-ê ū ì-gī, ū chhù-bī sīm-chì sī hō· lâng siūⁿ-tio̍h sim-thâu-sng ê tāi-chì, nā bô lâng kóng-khí, bô lâng khì kāi kì-chài, si̍t-chāi put-chí bô-chhái.
