上了地鐵就打俾pat，同pat說落雨仲去唔去ocean park，pat提議到銅鑼灣食下野，諗下有咩搞。當我到了金鐘時，大家堅決繼續去ocean park，所以就去搭巴士，在正門口等pat來了。去到門口，就得大風大雨啊= ="，等左陣，見pat應該無咁早到，我們就轉移入m記了。但op的m記真係異常的貴= =，所以我無叫野食。而alpha就出錢請大家食野^o^﹗食下野、吹下水，係到慢慢等pat來。等了一段時間，pat終於來了，跟住我們就入op了﹗
在落雨的日子，我們只好周圍觀光。第一站係熱帶雨林@o@，之前無的﹗裡面有好多東東，如食人鯧、昆蟲、蚚蜴的物體。一路望佢哋，就一路看下介紹咁，真的十足十....遊學團呢^^"。不過，好搞笑，ken居然被假的蜘蛛嚇到@u@。忽然諗好采昆蟲係箱內....唔係...牠們的生命將會遇上我而劃上句號呢=w=﹗
去完熱帶雨林，我地去左清仔展覽館，都係一椎杯麵的物體。alpha那句真的好好笑「呢d同我去惠康、百佳見到ge有咩分別﹗點解要入來睇﹗」哈哈.....又說得好岩喎@u@﹗真的係惠康同百佳都見到呢﹗而大門就買左個cup noodle的袋袋~
接著我們去看熊貓@o@，我未看過呢﹗沿路行上去，bun就話行咁鬼耐，轉咁多路，唔係入到去只係睇展版同電視= =。哈哈，點知alpha的回應係咪睇下人地ge "plama"有幾掂lor﹗真的俾佢兩個搞到笑死左咁滯>u<﹗點知一入到去真的係展版同電視@o@.........真係立刻爆笑出來呢﹗﹗不過，原來再行入d係見到熊貓的，之但係....兩隻都訓覺，好懶啊= ="。而且裡面好凍啊﹗看來我不宜去四川= ="。一出到來係熊貓精品店，但在眾熊貓...竟然有隻.........異常的生物存在...就係佢了@o@﹗
跟住，我地去恐龍徑﹗我最愛就係恐龍了@u@，但在這裡說明我唔鍾意蚚蜴的物體﹗點知入到去唔係恐龍仲有其他東東的，一些那個時代的生物﹗途中我......近距離見到娃娃魚﹗嘩﹗真的...............超核突啊= =....成舊石頭咁....點解話似小朋友仲要叫娃娃= =""""(超汗)。我好耐前來過恐龍徑了...那裡的暴龍....明明好大隻的...但而家佢身處非常光明的世界中...仲要頭大身細.......幹什麼啊= ="。去完恐龍徑便入埋什麼3d森林...其實只係d野浮出來咁..........但我就望越頭暈@@。去完3d館，我們走時見到紅鶴。我一直以為佢只有一隻腳，今日終於見到佢有兩隻腳的@o@.............原來只係佢企係到時收埋一隻腳@o@﹗
之後，我們到兒童樂園玩旋轉木馬^o^/﹗我本來想選那隻靚馬的....點知俾人搶左=3=，好采我有次選﹗bun都有玩呢^^~而alpha本來打側坐....點知俾工作人員話...要坐返正@u@﹗本來想玩埋火車的........點知落雨....無得玩=3=﹗
去完兒童樂園，我們就去玩動感影院了﹗呢套未看過呢，原來係主要介紹海洋公園的@o@，而且裡面竟然有過山車...、海盜船= =...難道係預左我們無得玩，所以俾我們過下癮﹖但今次勁噴水呢@u@，我一路玩就一路笑........>u<﹗bun雖然怕玩機動遊戲，但總算坐過過山車la^^﹗
然後我們搭攬車過去了~。
一去到對面山....就更大雨>.<﹗我們就先去看水母館﹗點知勁多人等﹗alpha見我凍就俾左件褸我，但因alpha高又大過我..........結果當然衣不稱身，仲好似....無著褲咁@@"。終於有機會見到水母了，原來都有好多款同大細的呢@o@，而且我仲以為佢嘔白泡，原來果d係內臟= ="。拍了幾張水母相呢~
接著我們去埋海洋館同鯊魚館﹗每次入去總覺得會爆玻璃............跟住變成災難@o@﹗今天發掘了好搞笑的鰻魚同發光呢@o@﹗
之後又行過精品店，看精品﹗點知.........lam忽然張頂....帽套係我頭上= =..話好襯我。我就轉移俾alpha....但最後都係轉移係我到，仲影左張相﹗他們話好襯我，好可愛呢@@。
期間，他們話肚餓，所以就去左買野食同去海洋劇場食﹗但我見到跳樓機開，便嚷著去玩﹗但那時仲落緊雨，只有alpha陪我癲^o^﹗所以佢地食野，我同alpha就去玩跳樓機了@u@。alpha望住人玩時就話咁矮，點知到佢上到去，就話乜原來咁高，哈哈梗高啦>u<﹗在上面等時，我見到其他機動遊戲陸續開了^o^，太好了，終於天有眼，可以玩啦~~~~。
玩完跳樓機，我拉著邊跳著同alpha說「開啦開啦，可以玩了﹗」，alpha見我咁興奮就話去排隊玩，但我最後決定叫埋大家一起去玩。我們上返去劇場找他們呢﹗第一樣玩的係飛天鞦韆^^，我本來係咁拉bun玩的....但bun都係唔玩=3=...只係企係到等我們。咁我當然唔俾佢咁悶，在玩時不斷叫bun呢，「bun~~~~~」>u<，而bun都幫我們影左d相~。然後我們就去左玩過山車~但....玩的...只有我、大門、lam同ken@o@....大家都怕玩呢，而alpha就頭痛= =..難道同我跳完樓唔舒服>.<。我同大門一卡，一路玩就一路篤佢@u@，我仲係咁叫大門望住倒轉上果下呢>u<﹗接著，就係海盜船了﹗由於bun答應我同我玩海盜船，所以佢就好好咁遵守諾言去玩了，我們對面咁坐，坐尾三呢(其實我想坐最尾呢，不過大家怕就坐尾三呢﹗)。唉....海盜船越來越唔恐佈了........越來越低....搞咩呢...以前仲見到輪的....而家根本見唔到= ="。不過，望住bun一路低下頭、一路托眼鏡咁玩呢﹗後來得知，佢話玩時有被拉開塊面的感覺，所以低頭可以減低這種....力....所以低頭@o@...原來咁有原因呢﹗幸好bun無嘔呢~^^。之後我們就去玩飛鷹，bun又一個人看野了/_....但飛鷹除左高，真的好岩bun玩呢，只係訓覺，而ken真的訓左= ="。
之後，我又去玩跳樓機了，今次有pat、lam、大門同ken玩。唔知係咪玩得太多次，所以我好岩時候叫，仲叫到佢開始彈返上來先停呢@u@。由於衝力太強，所我個人凌空了，本想用力坐返落張椅到...但係無可能的><。彈上來後，我就一直狂笑了，外人眼中會否好變態呢﹖@@點知一落到來，大門話感到自己凌空左，個pat pat的肌肉收緊左>u<，笑死了﹗而ken就因為打呵欠......而叫不到= =....點解係個時打呢﹖@@
玩完呢個，alpha同bun先走>.<，不過無法啦，alpha有考試呢。我們之後去玩滑浪飛船@u@。我同大門一船。以往我玩都係攬著前面果個呢@@，但我無理由拎朱玲誤會所以今次拿幹.....但.......原來係會先的= ="。玩完飛船就玩洗衣機.....真的好暈@@。
由於大門要買公仔，所以要搭返攬車落去...我們就要急急腳咁行上山.....好采有做開運動姐....唔係可能死左。搭攬車時拍了大合照呢~
之後，去到精品店，我本來諗住買隻細企鵝，就係預備俾錢時.......竟然lam送來一隻大企鵝@o@........何時買的....我都唔知tim﹗不過，真的多謝大家呢....我要諗下點放好佢呢@u@。之後，我們出左去銅鑼灣食野同打機，我都係看他們打多，之後玩左陣篤篤機。
總結來說：
bun好好人咁忍受了這一天m(_ _)m，謝謝你同辛苦晒﹗^^
大門今天好似shopping咁買左好多野﹗~
alpha好似有點唔舒服，希望快d好返~^^
ken原來怕昆蟲@u@
pat原來怕玩倒轉的東東@o@
sue唔怕海盜船了，good ^^b
lam嘗試了第一次叫了，叫下好呢^^
我就每樣都有叫，除左洗衣機~好多謝大家冒住雨都同我玩呢^^，更加多謝晴天公仔達成我的希望，可以有得玩，先唔會浪費了大家的$$$$$
希望有機會再同大家去玩呢，但要好天啊^^~
