系統公告
個人檔案
ＩＤ：mayshome暱稱：婉子
地區：歐洲
最近文章發表
我推薦誰
誰推薦我
好時光貼曆
誰來我家
RSS 訂閱
贊助商
其它資訊
本部落所刊登之內容，皆由作者個人所提供，不代表 yam天空部落 本身立場。
檢視方式: 列表 摘要
July 26, 2008
星期五當我哋去玩具店諗住幫餅碎買返架車仔（係呀.... 佢整爛咗佢唯一一架而且十年都唔一次既玩具車，因為佢好Cute咁走嚟用雙語講「車車爛咗！」所以我哋依對模範父母就立刻去買返個replacement過佢.......... OK，實情係佢成日提住，實在太煩嘞... ;-))，行過賣模型既貨架，我就講笑咁同湯馬講：「我要整坦克車～！」點知湯馬好認真咁答：「好呀！」之後就走去揾個Salesman叫佢講吓我哋知啲新手需知，因為我哋對模型真係零知識，跟住一翻走嚟走去，開盒拆箱，原來由零開始要整架坦克車係一件好鬼困難而且昂貴既事，為咗防止我哋三分鐘熱度，所以最後決定用70蚊歐羅買咗兩盒看似簡單既模型，顏料，膠水同一啲所需既用具，開始咗我哋既新興趣～！
我既德軍戰地廚房
湯馬既德軍大炮
我既德軍戰地廚房
湯馬既德軍大炮
July 19, 2008
一個算係幾成功既作品，跟住部NDS既指示，一步步咁跟住做，連婉子媽都覺得好好玩，作品既樣好似有少少奇怪，係因為我用比原食譜多咗既雞，而啲雞响煮時出咗啲水，所以最後汁同雞蛋既比例錯咗，所以啲蛋唔太靚。但係整體上味道係一流，我仲加多咗一個洋葱絲，味道更加好，湯馬用十五分鐘就食哂，仲話我落得太少洋葱，而婉子媽本來話唔敢食太多（婉子媽有糖尿病，不宜太多飯），但係最後到一樣食到照鏡，餅碎最鍾意啲蛋蛋，嘻！
改善：1）水份可以減少
2）加蛋後唔洗立即熄火
3）可以加兩個洋葱絲，先用油爆香
預告：吉列豬扒蛋
改善：1）水份可以減少
2）加蛋後唔洗立即熄火
3）可以加兩個洋葱絲，先用油爆香
預告：吉列豬扒蛋
July 18, 2008
依個係一個好偉大既產品！講明係Cooking Guide，真係一本電子Cook Book，但係我覺得好似一個Kitchen Help，一共有二百幾個唔同國家既食譜，每一個食譜都有一個Shopping List俾你拎住部NDS去Shopping，唔洗自己冩紙仔，又好仔細咁Step by Step講解做法，係，係真係會講你知，而且仲係聲控，所以可以一邊聽住一邊跟住煮，又有埋Timer，一啲困難既地方仲有vidoe解釋，好鬼方便。講真有時真係唔知煮乜好，而且又唔係成日有時間上網揾食譜，拎住部NDS，我可以利用去Gym踩機本來打機既時間去揾吓晚餐Idea，揾到就睇一次點煮，決定好就拎住部去買餸就得。
我等咗佢出德／英文版好耐，我最後係選擇咗英文版，有少少後悔，因為有啲少用既香料名要揾返個德文名先知係乜，或者遲啲轉返德文，今晚會試煮日本代表：「親子丼」，之後會回報成果！
June 28, 2008
April 24, 2008
＜相係星期日响春天嘉年華影＞
餅碎响依幾個星期大個咗好多，最大既成功係佢終於响日間戒片成功！！已經有三個半星期响屋企原全唔洗著片片，一次意外都無，午睡之後到一樣乾爽，我同湯馬都非常開心呢～！佢可以同我哋講要去小便，仲會自己去攞個potty添！去完又會好有禮貌咁講byebye同「唔該媽咪」，去完大大仲會好鬼開心咁要人同佢「give five」，好鬼搞笑！我哋開始慢慢同佢戒埋塊夜片同埋出街片，其實夜片同出街片依家成日都條乾既，但係佢仲係唔太鍾意街外既洗手間，所以要再俾啲時間佢啦！
另一件事係... 餅碎正式俾幼稚園收咗啦！九月一日正式開學，佢間幼稚園叫做Kath. Kindergarten St. Martin 。一睇個名就知係一間天主教學校，同我哋屋企只係隔咗一條街，所以接送都好方便，而且學校算係好大（可以click去睇吓相），响屋企可以聽到小朋友响外便玩既笑聲，餅碎會返上午班，由上午八點到下午一點，本我想佢食埋午餐，但係午餐班滿哂，要明年初先有位。幼稚園作風好自由，原則上係零教學，活動學習，每日十一點後係自由活動時間，小朋友可以响學校四圍玩，而且每一日都會要小朋友去戶外遊樂場玩，德國人覺得小朋友到二年級都係要响無壓力下學習，同香港唔同，香港小朋友幼稚園已經要學寫字。德國既幼稚園仲有一個得意既地方，佢哋將三歲到六歲既小朋友混合响一班，令到大既小朋友學會照顧別人，小既學習與人相處。餅碎去面試時已經好鍾意間幼稚園，好其待九月正式返學時佢會點！
突然間發我粒餅碎慢慢變大成為一塊餅.....！
yam天空部落 建置維護 © 1999~2009 webs-tv inc. All Rights Reserved.