星期五當我哋去玩具店諗住幫餅碎買返架車仔（係呀.... 佢整爛咗佢唯一一架而且十年都唔一次既玩具車，因為佢好Cute咁走嚟用雙語講「車車爛咗！」所以我哋依對模範父母就立刻去買返個replacement過佢.......... OK，實情係佢成日提住，實在太煩嘞... ;-))，行過賣模型既貨架，我就講笑咁同湯馬講：「我要整坦克車～！」點知湯馬好認真咁答：「好呀！」之後就走去揾個Salesman叫佢講吓我哋知啲新手需知，因為我哋對模型真係零知識，跟住一翻走嚟走去，開盒拆箱，原來由零開始要整架坦克車係一件好鬼困難而且昂貴既事，為咗防止我哋三分鐘熱度，所以最後決定用70蚊歐羅買咗兩盒看似簡單既模型，顏料，膠水同一啲所需既用具，開始咗我哋既新興趣～！

我既德軍戰地廚房



湯馬既德軍大炮