系統公告
個人檔案
ＩＤ：mayshome暱稱：婉子
地區：歐洲
最近文章發表
我推薦誰
誰推薦我
好時光貼曆
誰來我家
RSS 訂閱
贊助商
其它資訊
本部落所刊登之內容，皆由作者個人所提供，不代表 yam天空部落 本身立場。
推薦這個部落格: 1
July 18, 2008
依個係一個好偉大既產品！講明係Cooking Guide，真係一本電子Cook Book，但係我覺得好似一個Kitchen Help，一共有二百幾個唔同國家既食譜，每一個食譜都有一個Shopping List俾你拎住部NDS去Shopping，唔洗自己冩紙仔，又好仔細咁Step by Step講解做法，係，係真係會講你知，而且仲係聲控，所以可以一邊聽住一邊跟住煮，又有埋Timer，一啲困難既地方仲有vidoe解釋，好鬼方便。講真有時真係唔知煮乜好，而且又唔係成日有時間上網揾食譜，拎住部NDS，我可以利用去Gym踩機本來打機既時間去揾吓晚餐Idea，揾到就睇一次點煮，決定好就拎住部去買餸就得。
我等咗佢出德／英文版好耐，我最後係選擇咗英文版，有少少後悔，因為有啲少用既香料名要揾返個德文名先知係乜，或者遲啲轉返德文，今晚會試煮日本代表：「親子丼」，之後會回報成果！
March 19, 2008
Baklava係一件好奇怪既甜品，有啲人會對佢好討厭，話佢太甜，係一個甜到要死既程度。但係婉子就係鍾情佢既甜到死既蜜糖味。
先講講Baklava其實係啲乜嘢，Baklava其實係一件酥皮+合桃+超多蜜糖做成既甜品，以我所知佢係希臘人同土耳其人既傳統甜品，响婚宴一個不可缺少既食物，我比較喜歡土耳其式既，因為佢哋既Baklava係脆身啲既。Baklava有好多唔個唔同既樣，大大小小，三角平方，卷卷蛇餅，但係通通都係一樣既材料。
婉子好喜歡去市中心一間指定既快餐店買Baklava，當瑪莉嚟探婉子時，明知佢唔太鍾意食甜品都要帶佢去食一次。只因為佢哋既Baklava係100% Homemade，好新鮮，而且因為做Baklava既土耳其媽媽每次都會用很親切既眼光望住客人去享用，當客人開心哋離去，佢又會有一個滿足既樣。
每次食Baklava都令婉子好幸福，除咗係因為湯馬專程去買之外，仲有因為嗰種令人甜死既感覺，真係難以形容，有人相信食朱古力會令人愉快同幸福，對我嚟講，係Baklava加上一杯熱辣辣既土耳其紅茶令我最幸福同滿足！
yam天空部落 建置維護 © 1999~2010 webs-tv inc. All Rights Reserved.