Mushroom Wonderland

好頂癮呀~~聽住真係笑左出來~~

觀看全文...

今日去左睇<一個好爸爸>
開場前有<六樓後座2>的預告
可能是因演員關係，不及第一集吸引

部戲的感覺，對我來講，好難形容出來
古仔+奶茶的組合已經睇得非常順眼
可惜個女大得太快，可愛的小時候look場面太少
張艾嘉的戲向來對我口味
是一部值得我入戲院睇的戲~~

五月天2008的HK演唱會有少少的消息
最貴居然是$680
$480有分坐位和企位
唉.....暫時剩係得一場...又要撲飛啦....
最慘是今年唔知找邊個陪我睇好.....
失蹤少女你肯pro頭未呀?!

---

呀!!!!!!!!!!
衰多手按錯了.....舊的版面冇左.....我邊有時間整.....嗚......

http://www.windmillgrasstheatre.com/index.htm

風車草劇團，次次都是睇佢哋做劇
今次睇佢哋唱歌.....
GOOD GOOD SHOW X 10000000000000000000000000000
起身講"國歌"，一開始就玩晒嘢
25歲以下真係好多歌未聽過，不重要，靚聲就得
超LIKE君唱的英文歌，勁呀堅呀
DEE....沉淪....KAKAKA.....你偶像好正~~
梁祖祖...唔可以話靚聲，不過聽得最有FEEL，超愛改編歌....
「我懷念的」，可以懷念的人很多，不一定是舊XX
「數你」，即想起某個某某
最LIKE的，當然是"好那賤"的「海闊天空」~~~KAKAKAKAKA
中場有何CC做特別嘉賓，真係好鬼high
阿c這個look最順眼，有點後悔冇睇之前的梁祝
尾尾的小峽谷簡直係妖爆
下次不如和草蜢合作~~~~

找到大碼頭贊助，好嘢woo，第一次睇show有任飲啤酒~~
最衰第二日要返工
唔係實玩多陣，飲下嘢，加入埋"沒有明天部隊"~~~

公司近排忙到想死...
仲辛苦過3個頂4個人的時候
唔理，頂唔順，3點閃
現在的公司，無論公事上或人事上都好難挨.....度日如年....

返到屋企食少少東西，即刻坐車去機場....
嗚....去機場但冇得去旅行的感覺真不好
逛了客運大樓2一個圈
兩個傻瓜原本是打算挑戰電視上那些9格運動
為免掉臉，都是走左去影貼紙相~~
行過4D影院....頭名字D架車好型啊~~

不過冇俾錢入去睇，因為夠鐘食飯+入場
新場睇SHOW：亞洲國際博覽館
外形都不俗，裡面個場都幾大
我們坐15區，超近個台，GOOD~~

第一次睇現場拉闊，前後氣氛都好投入，企起身時，個位又夠晒鬆動安全
可惜D音響MAMA，尾尾的快歌，joey超細聲，又有回音.....
散場散得超快....門口有巴士直返屋企....
這個場都幾好，可以有下次~~

昨日我才說，劉青雲今年又有提名，又是被列為黑馬，部戲感覺仲有點弱，等左咁多年，如果憑部這樣的戲得獎，真不知他感受如何！
答案是：只要你看看佢身邊人的反應，佢拿著獎振臂的表情，一切都說明！
身邊所有的人為佢高興感動振奮，我也和劉太一齊哭啦，
阿傑，你終於得左啦~~呀~~~~T^T

真的真的，劉青雲是我細個就好喜歡的演員，
電視的大時代，電影的新不了情(我學色士風的原因)，深深的影響著我！
每年只要他有提名男主角，我都在電視前為他打氣，為他失望飲恨，
中段見到父子包辦了大部份獎，男配角時我已認為又是兩父子跑出，
當最佳男主角得獎公佈，我真的無法相信，得左啦，等到啦，
終於可以為他歡呼，感動流淚，真的是太好太好，散花散花~~

我興奮到SEND SMS俾出差中的家姐，佢實話我傻~~~

觀看全文...