Muy's Vanity 昧映鏡臺

月華其實是陪同 Man Man 前來化妝的朋友, 她也有興趣參與, 
我見當日有少少時間剩, 盡力滿足埋她吧 !  

月華的樣子睇落好細個呀......  跟新娘化妝完全談不上關係, 
不過突然想試下整台式誇張的高髻, 一於由月華來做示範吧, 
由於時間不多, 化妝連set頭用了45分鐘.

今天的主角是 Emily, 見到她的真人後, 決定為她選定紅色晚裝,
買左咁耐, 終於遇到一位適合穿上的人了 !  好想做一個高貴的造型.


Emily 的膚色較黑, 鼻翼較大, 這些不是問題...... 反而她的右邊眼
的雙眼皮不明顯, 有幾條紋, 要靠痴膠線來修正, 令她的眼睛更加有神.

很久以前用過 Shu Uemura 的 make up base, 覺得效果都幾好的,
夠貼又夠薄, 不過價錢要成 $280, 加少少錢巳經夠買支 foundation,
唔化算呢....... 


其實所謂make up base (隔離霜), 大多含 silicone, 主要用來控油,
至於話防止粉底傷害皮膚的說法, 現今不太適用了.  因為市面上有口碑的粉底,
品質比以前大大改良了, 甚至加入護膚的功效, 所以 make up base 也變得
不重要, 一支天然有機的 cream 巳經有足夠保護了.


不過最近經過莎莎, 見到 Cyber color 這牌子出了泡沫 make up base, 
好奇之下, 又買了來試.

我的衫架巳經 full 晒,多一件都不能容納了 @_@

難得 Candy 今天不用上班, 約了她前來化妝,
見到她的時候, 還以為她是個學生, 因為她剪了短髮, 說話帶點稚氣,
原來她是任職某航空公司的地勤人員, 真估不到了 !

初次認識 Karen, 覺得她很年青, 她雖然仲未係準新娘, 不過她非常有興趣
影新娘化妝相呢 !   於是揀左今日, 原來佢對專業攝影都好有心得o架,
一路化妝, 我地一路交流下.


平時化新娘妝, 我好少用綠色的, 因為不是人人喜歡, 而且處理得唔好,
會變得好妖, 但 Karen 對眼都幾適合用綠色, 一於試下啦 ! 

第一眼見到 Irene 的時候, 覺得佢同我一樣好瘦呀 ~


化妝方面一點也不難, 因為 Irene 五官都無什麼缺點呀 !


本來巳為她選定了一個髮型, 不過睇見她有厚厚的啡紅色頭髮,
我突然間好想做台式的豐盈髮型, 於是試下啦 !

終於完成埋這輯相, 發覺影中式裙褂相是好難的, 可能是服飾有點拘謹, 
Quini 也不知怎樣擺 pose, 笑得太多又唔襯, 笑得太少又太 cool, 
不似影婚紗相般自然呢.....


 

今天約左兩位攝影師上來, Lewis 幫我調較下攝影燈, 測試最佳光度&距離.  而Quini 就義務做我化妝的 model, 唔該晒兩位呀 !

一直計劃中的 "尋找準新娘子" 活動將會開始了,
之前收過一些查詢, 大家放心吧, 我不會忘記的.
只是因為忙了選購禮服, 頭飾首飾及攝影用具,
希望在萬事俱備下進行. 稍後我會逐一同大家約時間的.

最高興是我身邊都有朋友來支持我呢 !

雖然之前親手做了一些頭飾, 不過依然覺得唔夠, 
有時在別的地方睇中了, 都會買些回來, 今天買了這些........  
遲d會再買些金屬及仿真花的, 破產了 !!