唔知咁多位打工仔有冇覺得近月嚟本埠嘅P品牌，S品牌同K品牌嘅鐡路服務開始陷入崩潰嘅迹象...尤其正當N個月前政俯話汽車燃油加價後...後果更不堪设想...今朝八點半當我去到P品牌嘅Masjid Jamek輕鐵站時...突然眼前一片人潮响喥等緊入閘落底層。我心諗大碌又要遟到...唔係一次半次哦，而係日日都要係咁...更甚嘅係當有一班列車炒車嘅話，場面就更加轰動...成個地鐵站堆满十幾條人龍响喥等緊條四格蟲仔慢慢驶至...呢十幾條人龍都未算係乜大件嘢。大镬嘅係當列車門一開...呢一幕就好似啲饿鬼搶吃咁...你推我逼...一個接一個咁，喺呢一刻你會感覺到你唔使郁亦一様可以入到列車内，非常之犀利... 呢種情形就俾咗一個好好機會俾啲扒手大展身手...亦唔知有幾多人响呢一刻唔見咗银包，手機， MP3播放機...我亦見到啲OL着到靚一靚，衣冠楚楚...但當話要上列車個一刻就變晒型...由仪态萬千摇身一變咗仪态盡失嘅OL吖...哈...太可笑吖...
大家都有目共睹，三個品牌都有好大好長嘅月台...但就偏偏嗰列車就鬼都冇咁短...真令人費解吖。相反，相關單位所選择嘅應變措施竟然係...派出多名員工手拎大聲公（揚聲器）响嗰月臺喥大嗌：“列車就到，請大家放好你嘅银包，手機...請俾列車嘅搭客先...好嘞，大家架陣可以步入列車，里面嘅哥哥姐姐，阿叔阿婶...請企入啲...多謝合作！呢喥仲有位，可以企多位...邉個要就請快...你仲有數秒...”。之後就聽到“Bi...Bi...Bi...”，好似“無敵奖門人”嘅落大閘咁...“砰”一聲就行車嘞。
講到P品牌同K品牌...就更加好笑...所有站口啲机械自動售賣車票嘅藍鐵箱仔真係好有問题，有時你身冇碎银只有一張十蚊纸...你分分鐘買唔到車票而眼睇嗰列車响你眼中消失...呢一刻，你會否感到無奈呢？你又做得到啲乜？家陣你係咪被逼要逆來順收？如果你有响放工時份响KL Sentral等列車...你會發覺到某啲列車嘅門设计非常搞笑，响列車两傍...身為消費者嘅你就要由两邉同人挣，最後大家都變成一條條活生生嘅沙町鱼！
講到買月票，就更加好笑...記得响五月我因工事在身，所以就係10號先赶去P品牌嘅柜臺話買番張喇...點知，賣票位人兄同我講：“對唔住，已賣晒咗！”...咁我就問佢幾時會有得賣喇，點知佢話冇；你等到月尾買下嗰月架喇...天啊...就响呢個五月里，我日日去柜臺買票...如此先進设备...竟然有如此九流嘅買票服務！可笑，搞笑...呢啲叫做生意？
曾幾何時响报纸睇到某部長以身示范坐列車去開會...响报纸上你係咪見到架列車好寬躺呢？點解？大家心里有數喇，唔使我冩嘞啩...但我就好质疑點解啲部長唔試下同我哋呢啲朝九晚五嘅打工仔一齐逼下地鐵呢？呢啲先叫做以身示范喇！但你可能話部長佢哋日里萬機，邉有咁得閑同你玩坐蟲仔吖...冇錯，但唔亲身去試又點知自家嘅鐡路服務有幾好吖...唔好再斋講喇；往往開幕剪彩嗰一刻一定係盡善盡美嘅...一旦過後就各自各精彩嘞。
身為全馬嘅一國之都...公共服務竟然落得如此下場...两個字“失敗”！原因係管理不當？政府冇俾壓力有闗鐵路公司？或身為消費者嘅你已養成了逆來順收的習慣...一一照單全收？哼都唔咁哼一聲？又或者你擁有一顆豁達嘅人格？但世上每一件事都有佢嘅極限嘅...當極限一到...就如黄河河水泛滥，一發不可收拾...點解總係要等到出事先去改呢？呢啲係咪本國獨特嘅風格呢？身為大馬嘅子民，朝九晚五嘅打工仔嘅你，又有何見解呢？不妨冩出嚟等大家睇下你又有幾豁達吖。
在此聲明，本文只係纯属個人見解，一切不便或你感到有對號入坐嘅話，我在此講聲唔好意思。希望大家有個愉快討論。
