不留名山寨

平時要响啲卧虎藏龍嘅地方同中与各路少高手過招挣坐蟲仔已喺一件够煩兼痛苦嘅事咗架嘞。點知今日一早到咗陽光廣場地鐡站...正當要步入一條稱之為“人間煉獄”嘅隧道時...突然眼前多咗幅墙嘅？“人間煉獄”唔見咗嘅？唔通大偉高柏菲將成條“人間煉獄”响一夜之間變走咗！
非也，非也...而喺管理處唔知因乜解究突然將條“人間煉獄”暫且封殺。搞到好多要過雙子塔嗰一邊返工嘅星斗市民乘客要冒住生命危險冲過一條車來車往嘅馬路。同一時間之下，不留名就左望望右望望...竟然睇唔見相關單曾位派一，两位「吃蕉」哥哥幫忙開開路咁。相反，就由得呢班乘客抱住「有前冇後，打死吧就」嘅心態咁响前冲吖！就好似以前啲心口貼個用字嘅清兵咁“冲吖...冲吖...”。簡直！極之過份！

單睇呢啲咁芝麻綠豆嘅濕碎料都搞唔掂，仲想學人起乜子彈火車？唔好咁早發呢啲春秋大夢喇...醒吓喇，先解决當下嘅問題先喇。講開又講，不留名都好耐冇見到有乜部長去坐地鐡咗哦...呢啲就喺好戱之人嘞。