此情此景已非什么新鲜創擧，皆因自從上個拜五「布特拉」輕鐵炒镬甘（瘫痪成十粒鐘）之後就已師空見慣嘞。事關貴為輕鐵一哥「布特拉」已壟斷整個市場，更可稱得上喺皇者當道之下...身為消費者嘅又可以做啲乜嘢？正如「坐可能遟，唔坐直頭遟」，為咗唔想再坐城巴...就為有硬住頭皮頂硬上囖。呢啲一籮籮嘅問題就正如香港巴士阿叔所講：「你有壓力，我有壓力...未解决！未解决！」
適逢今朝有緣再次見証「吉隆坡中環站之2006秋季上班一族馬拉松大賽」咁嘅壮擧，而上次走雞冇拍到。所以今次幾大都要拍番够本，唔知當時你又喺咪個中嘅参賽者呢？又或者做咗最上鏡小姐呢？之後我细嚼番呢幾張相，發覺竟然有位女士响大家叮噹碼頭之際先嚟個一馬當先，快步冲上高處嘅月台。而大家就依然你望我，我望你...心諗：「嘩，有冇搞錯吖。咁冇品架！」。最後，大家好高興咁都等到「吃蕉」哥哥鳴槍放繩（開閘）...大家就唔理咁多，冲咗上月台先再講。個煞那嘅景象就十足十馬拉松開跑咁款，而更有同事形容好似印裔喺大寶森節去Batu Cave朝聖咁款。
因為太多人，所以就轉舵行過對面馬路去搭單軌快鐵（monorail），點知上到月台後...煞那間眼里浮現如同吉隆坡中環站不相白重嘅景象吖...真喺可歌可泣。
