2007年第一日本埠主要五條大道齐聲大篇幅調高「買路錢」之下。而又唔見得啲大道基建設施有何提升...相反，只覺得班大鱷唔够两三年後就大摇大擺咁攞正牌向消費者「略水」...一次「啃」過一次。一切只可怪份三十年肥膏合约所納嘅種種不平等嘅利益保擭條例，既然已米以成吹...你又可以做到啲乜？正一用又窮，唔用有死個只吖...可以點？惟有慳啲「駛」囖，一切可免則免嘞。
今次唔講「買路錢」而係想講吓點解原本設計用嚟提高車輛流動率嘅Touch & Go都撻晒Q吖！最火滾嘅就係俾錢仲要排隊個隻吖！哈哈...講你都唔信呢...响隔離巷偝現金嘅都可以快過我用Touch&Go吖！真係可悲~ 基於個人觀察所得，呢個問題就要歸根於两大因素嘞。
其一，就係用家本身。話明喺Touch&Go嘛...更係要將張卡貼落個感應器喥架喇，但可惜...大部分用家既然唔明又或者好似唔識英文咁。硬要將張增值卡响個感應器前（剩噃少少空罅）猛咁左揚右揚...頂佢個肺吖！再咁被佢揚多十秒吖，個閘依然唔開家喇。或者電視個Touch&Go廣告應該加插一少段知識傳播，矫正吓啲用家咩叫Touch&Go而唔係Flash&Go吖！
其二，都係用家本身。時關好多用家往往總係鍾意等到架車駛到個感應器前先慢慢咁落車鏡，然後再「懶」忙咁响喥左剿右揾咁...之後先將張Touch&Go卡伸出窗外「嘟」...大佬，俾啲意識喇！個世界唔得你一個用Touch&Go架~
其三，就係啲Touch&Go感應器超屎吖！完全唔掂檔吖...有時任你點Touch，佢唔開閘就唔開閘...呢吓就已够完残你！有陣時當前面架車出咗閘後，而個閘又未落翻晒之前你就Touch...大碌！分分鐘會俾嗰感應器「嘟」添。可能係舊嘢關系，所以係要俾啲時間嗰感應器回一回神先可以再Touch...如果架架車都係咁俾佢「嘟」嘅話...又點會唔慢過俾現金吖！
總結嚟講，啲硬件就唔使望嘞。所以希望所有用家醒少少當幚忙，家陣呢張係Touch&Go唔係Flash&Go吖！咪亂咁揚（Flash），張卡係要Touch架。况且咪等駛到閘前先嚟揾張咔喇！
