可惜無緣係我國睇到呢種咁積極打做《無煙城》嘅措施，而相關部門只係好敷衍咁做吓啲門面工夫啫。嘥一大筆納税人嘅血汗錢去做一大堆毫不起作用嘅大型廣告牌，《無煙城》未有十劃一撇前，就唔知打做咗幾多熱愛「晒命」嘅新富豪出嚟...就好似舊年嘅一場「晒車秀」咁，幾有睇頭吖~ 但唔知閣下有乜感想呢？
話分两頭，眼見人哋咁政府咁積極去做...依然仲要俾人插。但我哋就插都要就住嚟插，插錯又大碌；况且單睇人哋嘅網站就赢咗幾條街喇！本地？依然「馬照跑，舞照跳，煙照煲」吖！失敗也~
係呢喥，無論你去到邉都可以感應到股「尼古丁」風味嘅空滊...尤其响雨天中，濕滊又重；搞到啲空滊流動量又慢哦...但此時此刻你身邉總會出現一堆煙民响喥開始煲煙。唔知佢係咪覺得咁嘅天時地理下煲枝煙喺特别型，特别爽呢？又或者嗰份滄桑感可以為佢带嚟一堆狂蜂浪蝶呢？有啲仲衰...「辣」着嗰煙頭後又唔吸，响喥將枝煙夾喺手指間等枝煙慢慢煙消雲散...都唔知為乜？有時後真係好惡頂班死煙剷，自己嫌命長就好喇，唔好「累」街坊嘞嘛！有時後真係想行過去兜口兜面醒佢一拳吖！
更試過有啲煙民直頭連基本公民意識都冇，明明有張雞乸咁大嗰禁煙牌掛响眼前...佢都可以當作時運高睇唔到，一於照煲也~ 呢穜人完全唔識得尊重别人，更唔值得人哋去尊重佢吖！可以嘅話，應該捉晒呢班煙民...鎖响一間密不透風嘅房然後只供應啲「尼古丁」風味嘅空滊俾佢哋去嘆。好等佢哋感受一吓喘唔過滊兼心口疼穜覺！呢種係咪叫做唔死過都唔知驚吖？
如果呢對呢嗰社會，呢個國家仲有寄望...咁就請咁多位煙民大哥，整熄你手中枝煙，然後一齐打造一個健康嘅《無煙城》。倘若它朝成功後，你同大家一様可以享受股清新空滊兼活得健康同更精彩吖！
