以致更新速度一再拖延，
希望這些事辨挼後就可有多些時間更新。
盡可能也會按照日期去補完，
密切留意之前的日期吧。
(謎之聲：有點太牽強的拉客手法呢！)orz

火紅紅的木棉花掛在樹上，
不消幾個星期就會丟掉到地上，
多麼的讓人感覺惋惜。

杜鵑花只在每一年的春節成為佳話，
因為只有這個時候才會看到她的燦爛。

只要木棉花掉落，棉隨風飄；
杜鵑花凋零，寒風收歛，
新的一年就會正式開始。

在筆者心中的報春花，正正就是這兩種花。

轉載一篇感人及有理的真人真事
1. 『終生承諾』- 囉得番黎就預左要養到佢終老, 無論疾病或貧富. (這是最重要的一點)

發表者: "肥主人" 2 Mar 2006 12:17:39 +0800
養左十七年的唐狗『肥仔』, 終於在噚日離開左我地了.

十七年, 對一隻唐狗黎講, 真係好長命, 正如獸醫所講, 一般預佢地都係十三四歲命,

之後每一日都係賺左的.

回想起八九年的年頭, 突然間有想養狗的念頭, 於是媽咪就在北角街市的魚檔度以百二
蚊買左隻黑色的小唐狗番黎.
其實乜野狗都冇乜所謂, 只係想搵D 野番屋企養, 當時的我是讀緊中一
. 『肥仔』個名係我起的, 都唔記得左點解了.

肥仔日漸長大, 變得好有性格, 佢唔鍾意的野你唔可以迫佢, 最憎睇醫生, 冇人可以"
禁"得佢住.
哈! 但係對我地黎講都冇乜所謂,
佢在屋企都好乖, 大小二便在街上搞掂, 早上
又會叫人起身... 就係咁, 肥仔參與過六四百萬人遊行, 伴住我過了中學, 大學, 出黎
做事,
到現在我也差不多三十歲了.

肥仔一向身體都好好, 但隨著年月的過去, 都要面對老年的問題. 約兩三年前, 肥仔驗
到前烈腺發大,
由於年紀太大,
醫生唔會同佢做手術, 幸好藥物能控制情況. 到了一年前, 因
為咳嗽得很厲害同行唔到, 再發現肥仔的心臟衰竭令到肺積水. 幸好, 獸醫都將肥仔從
鬼門關度拉番出來.
藥物能令肥仔的病況穩定下來, 而更重要的是我爹D 媽咪同工人都好用心照
顧佢. 肥仔同一個中風的老人家一樣, 要人扶住行, 會賴屎賴尿, 食飯飲水要放到咀邊
.

肥仔的精神唔錯, 我地都好明白, 佢唔會有機會好轉, 只可陪得佢幾耐得幾耐...

零六年二月, 肥仔咳得更厲害, 不分晝夜咁吠, 扶起他亦行唔到. 我地開始分唔清楚佢
想飲水,
大便或是想起身.
而媽咪每朝冇三四點都訓唔到, 因為肥仔很困難才可靜下來.

幸好, 我爸媽都是退休人仕, 第二朝不用番工, 但係長期生活癲倒亦不是一個解決辦法
.

見到肥仔咁辛苦, 我地都好難受.

三月一日早上, 肥仔成晚只係訓左一兩個鐘, 我們終於決定要帶佢睇醫生. 我們到後期
如非必要都唔想帶佢睇醫生,
因為知道冇任何藥可以醫到佢... 我們一家人一齊到診所, 亦如我所料
, 醫生說出要說的話. 五分鐘的冷靜期, 早上十時二十分, 我們決定讓他舒服地離去
...

這是一個困難的決定, 在診所內, 我們全部人都喊. 他是家中的一份子, 但眼看他現時
這樣辛苦...
好難...
真係好難...

肥仔, 終於離開了.


哈! 真係估唔到, 養左隻狗咁耐. 他是我家的榮幸.

最後, 想奉勸一D 想養狗, 或者已經係狗主的人:
1. 『終生承諾』- 囉得番黎就預左要養到佢終老, 無論疾病或貧富. 狗其實最怕人唔
錫佢.
2. 養狗唔係一個人的事 - 一個人一定唔能夠照顧到隻狗, 你一定要有身邊的人支持及
幫手.
如果你是獨居或者大忙人,
sorry! 都係番屋企睇下電視較適合.
3. 銀兩 - 冇錢就唔好養狗. 真的, 這是一個現實問題. 睇次醫生最少五百, 如果要抽
下血驗下尿就更難預計.
如果你每用都係緊緊夠自己洗o既, 都係做下義工啦.
4. 屋所 - 如果你而家住緊的地方根本係唔養得狗o既, 唔該唔好博, 以免制造更多悲
劇.
仲有, 如果你的鄰居係接受唔到狗吠或者狗味的,
你都最好唔好養. 因為你唔會知道
隻狗黎到之後會唔會吠.
5. 時間計算 - 一隻狗的壽命小則十幾年, 多就好似肥仔咁. 你要預計你呢段時間一定
可以繼續養到佢,
唔好話要結婚生仔就掉左隻狗.
6. 唐狗好野! 唔好以為名種狗就好, 唐好其實更少病痛更適合香港環境.

以上都係我呢十七年的經驗, 希望你同你身邊的狗狗能一生一世.

願肥仔早日往生阿彌陀佛蓮花淨土.