首先，多謝星期日去柴灣捧場幫各位打氣嘅親朋戚友。不論係OfCos嘅支持者，或者係去支持其他Band嘅觀眾，都多謝你哋有留低聽我哋嘅演出。
每次完Show之後我都會嘗試番睇Video，睇到覺得順眼為止。其實今次都唔錯呀，食一個Lunch好快就睇順眼！我睇晒四隊，因為我錄哂，除咗回音廊最後一隻同之後Encore部機冇電錄唔到。現場又冇得插電，但係好在大把人有錄影。
我確係對於自己嘅表現不滿。睇番Video都會發現一啲我當時以為好聽嘅位，出嚟嘅效果同我想像嘅唔同。另外有人話我打啲嘢唔甩，但係好似唔Fit In。我睇片又覺得都幾Fit。
俾你喺台上睇到聽到嗰啲冇乜好講，講啲你未必知嘅。
呢個表演機會係我同阿影爭取返嚟嘅。話說我喺人哋facebook見到有呢個Event，但係冇途徑Apply。我去到CW特登搵五月問吓佢知唔知有呢個Event，佢話Aniz會演出，而且有幾隊人玩，如果要加我哋嘅話就要大家Cut啲歌就一就。喺我哋拜託緊五月之際，咁啱Vocaloid Event嘅負責人走埋嚟，咁我同阿影就捉住佢傾啦。
阿影：「你好，我哋係OfCos。」
負責人：「聽過個名。」
聽過個名係成功嘅一半！就係咁，OfCos好有機會有得出Show。
但係OfCos欠Bass亦都欠和音Guitar，出AGS嘅時候已經係搵外援，而家兩個空缺都未搵到人。
又係時候打鑼咁搵人啦。。。
雪鈴有個朋友話有興趣彈Bass，不過佢自己冇支Bass可以練習。
阿影喺Forum搵到Bass手，不過喺MSN一講到我哋有Member係Coser，可能會Cos住出Show，個人就Offline啦。（咁都得）
幾經波折，俾我搵到細菌彈Bass！我之前同佢夾過，知佢彈到嘢。不過導火線係我喺JAM Project第一次嚟香港開演唱會嗰陣喺會場撞到佢，覺得呢條友仔應該對Ani-song有興趣，坑得過！結果我就搭朋友搵佢。Add咗佢facebook之後先發現佢又係打日文同日本朋友通訊嗰種人，應該會啱一齊玩！
結他手係阿俊。佢係有一次雪鈴同我走去CW唱Gundam嘅Bass手。原來佢係彈結他嘅，咁就叫埋佢玩。
另外雪鈴請埋小霞嚟唱和音，只可惜聽唔到咁濟。誠邀大家上Youtube睇番右肩の蝶，一開始就會聽到小霞嘅美聲。（同埋こっち向いて Baby嘅尖叫！）
有一晚主辦單位同我哋做咗個訪問，我不嬲都唔乜講野，基本上係雪鈴同阿影搞掂。另外我哋要交一張團照，只可惜喺OfCos嗰Blog嘅八個Listed Members今次得四個會出Show。我哋又唔想忽略今次三位Helpers，所以都係搵咗草貓舉牌嗰張相做團照。
出席率達到100%嘅人只有我一個。我唔係話我最勤力，只係我唔得嗰日OfCos直情練都無得練。雖然大家都只係每人Miss一次，但係經常唔齊人都幾大影響。十二點幾先完，我哋又眼瞓，又會斷六親，真係濟唔過。由其係臨尾谷嗰排就更加辛苦。唔計小霞，齊人連習嘅可能有三次。包括出Show之前嗰日，我哋練親都差唔多係十至十二旺角Natural C房。（有一次撞到Ani-things喺隔離房。）
跟住就係表演：有Groove，有起伏，有互動，有氣氛，有意外，有加速，有彈錯，有走音，
有片有真相。
完Show之後OfCos四條King，御宅賢，MC Beck，輻射行者，エッチ篇輯一行八人去咗（茶餐廳）鋸扒，不亦樂乎！
各自翻屋企途中竟然喺九龍塘港鐵撞番細菌！咁我哋又去咗Coffee Shop傾吓計。
我走緊嗰陣雪鈴打嚟，由閒聊講到關於我哋對搞Band立場嘅不同之處，又講咗個幾鐘。
第二日有兩條OfCos嘅片浮咗出嚟，我睇我哋班Guitar Bass佬喺facebook同天空，對於自己彈嗰部分都係嗰幾個字：錯、柒、灰。
Well，各位樂手係時候諗諗自己跟住落嚟想變成點啦。
