May 9, 2006
鼓勵此網誌：0
序幕
（生獨自沉思。）
男聲 : （叫喊）我好鍾意你呀!（激動）我真係好鍾意你架，我想同你一齊呀!
生（獨白）: 愛一個人係咪真係咁易架呢? 我鍾意一個人，所以就好想講佢知我嘅感受。係咪講咗就可以解決一切嘅問題呢?
（轉場音樂）
第一幕
（次日下午，假日，商場內，人聲嘈雜。生和Miki飯後邊逛邊聊天，生跟Miki分享了他的想法。）
(商場人聲作背景)
(以下兩句對話有重疊。)
Miki : 梗係唔係啦，邊有你諗得咁易架，（聲音突然變小，生的聲音入）你估宜家叫你同隻貓、同隻狗講咩，話鍾意就即刻同人講，然後就攬住人哋: 「（作狀扮生說話）不如我哋一齊啦!」你係咪睇得太多戲同小說呀? 愛一個人唔係你講咁易架，（聲音變回之前的聲量），真正鍾意一個人，你係唔會咁易講出口架!
生 : （插入Miki的說話, 是生的想法）睇嚟，我應該問錯咗人喇。我唔想同妳嗌交呀，我剩係想同你討論一下，問下你意見咋。冷靜，我要冷靜啲。（Miki的聲音入）我知道愛一個人唔係咁容易，但係鍾意一個人，又唔同對方講，咁鍾意嚟做咩呀?
Miki : （激氣）點解我講極你都唔明架? （陶醉）當你鍾意一個人嘅時候，你就會顧慮對方嘅感受。（認真）萬一你鍾意人，但對方唔鍾意你，咁點呀?
生 : 唔鍾意…咪做番普通朋友囉!
Miki : 唉, 唔係咁架。
生 : 係你諗得太多啫。
Miki : 你就係，無端端做咩問啲咁嘅嘢呀?
生 : （嚇一跳）吓? 無呀，一個人諗唔明咪問下囉!
Miki : 無啦啦問啲咁嘅問題…（好奇，笑容滿面地說）你~鍾意咗一個女仔哩~?
生 : （不好意思）咪儍啦!
Miki : 唔係? 仲話唔係? （笑）你面都紅哂喇!
生 : （反應變大）癡線! 無呀~
Miki : 有! 你有! （笑）
生 : 唉，係喇係喇，我係鍾意咗人喇，咁得未丫?
Miki : 鍾意唔係我講嘅，係你話嘅。佢…係個點嘅人嚟架?
生 : 你頭先係咪話想飲鮮橙汁呀?
Miki : 係呀…喂，唔好叉開話題喎!
生 : 果邊有呀，去買咗先啦!
Miki : 喂呀!
生 : 唔該俾杯橙汁我丫。
店員 : 好呀，請等等。
Miki : 喂! 到底你鍾意啲咩女仔啫?
生 : 唉，怕咗妳喇! 無咩特別嘅~個樣正常OK嘅，心地善良呀，細心體貼呀…咁囉!
Miki : 乜你答得咁求其架，認真啲得唔得呀?
生 : （語氣認真）我好認真架喎。
店員 : 先生，你杯橙汁。
生 : 唔該。
店員 : 多謝10蚊丫。
生 : 10蚊…
店員 : 多謝哂!
生 : 嗱，揸住喇!
Miki : 唔該…死喇，咁大杯我飲唔哂喎…
生 : 同你分一半喇。
Miki : （笑）好呀!
生 : 唔該，俾多個杯我丫!
店員 : 好呀。嗱，你隻杯。
生 : 唔該。
（傾水聲）
生 : 夠未呀，飲唔飲得哂呀?
Miki : 夠喇! （停頓一下）我覺得~你鍾意嘅人，一定有啲特別嘅地方嘅!
生 : 佢有時…好多嘢講架，係果種性格開朗嘅人嚟…（喝東西）嗯，又幾好味喎!
Miki : 繼續講啦!
生 : （語氣情深）我估…佢應該唔知我鍾意佢嘅…
Miki : 你又知? 你同佢表示咗嗱?
生 : （苦惱）未呀…講咗就唔會問你頭先條問題啦。
Miki : 點知你喎，你可能講咗之後宜家先驚先識後悔哩!
生 : 無呀，我未講架! 不過，我都係覺得鍾意…一個人應該坦白啲嘅，如果唔係就無意思啦，第二時可能真係會後悔架!
Miki : 乜係咁嘅咩? （聲音漸小至無，跟轉場音樂融在一起）
第二幕
（當日晚上，生回到家中，又沉思、苦惱。意想不到的事發生了。）
生（獨白）: 我都係覺得，鍾意就鍾意啦，我好想同佢講…係咪應該襯宜家，即刻打個電話同佢講呢?
（電話聲響起）
生 : （不安）咦?Miki? 又會喺哩個時候打嚟嘅… （按電話聲）喂，Miki。（Miki不發一言）喂? 係咪Miki呀?
Miki : （聲音聽起來心事重重）阿生…
生 : 係…做咩呀?
Miki : （深呼吸一口氣）阿生…你今日係咪話，對鍾意嘅人應該坦白一啲，諗嘢應該真接、單純一啲架?
生 : 係呀，但係…發生咗咩事呀?
Miki : 阿生，我都想對我鍾意嘅人坦白一啲呀!
生 : （驚訝）吓? 乜你都有鍾意嘅人咩?
Miki : （語帶哀愁）…阿生…. 係呀。
生 : 咁…邊個嚟架? 我都識架? （Miki沉默）Errr…唔想講唔緊要架，我問下架咋。
Miki : 唔係架，你有權知道架。
生 : （驚訝）吓?…我…我有權知道。
Miki : 係呀。（說得越來越大聲、生硬）…阿生!
生 : 係，喺度。
Miki : （大叫）我鍾意你呀! 我真係好鍾意你呀!
（Miki切線，電話接不通的聲音響起）
生 : …吓? 咁即係點呀? 鍾意? （慌張）係喎，佢話鍾意我喎! 死喇，咁聽日點算呀? 聽日返學喎，會見架喎。咪住，大前題應該係…其實我係咪都鍾意佢喎…係咪我做錯啲咩令佢誤會呢? 我…其實唔係鍾意佢架喎…我鍾意嘅人係…係阿嵐喎! 點同佢解釋好呢? （音樂漸入）我終於都明白喇…未試過係永遠都唔會知道哩種感覺係點架! 好彩，我未同阿嵐講，頭先差啲我就打咗電話出去喇…如果佢同我對Miki一樣，佢唔會鍾意我嘅，咁…咁…睇嚟，我應該好好考慮一下點樣表達哩份愛，又或者都係唔好講喇…至於Miki果邊…希望佢唔會太傷心啦! 我都唔知點解釋… 點解人類嘅愛情要搞到咁複雜呢? 簡簡單單咁咪好囉…（音樂漸大，全幕完。）
（生獨自沉思。）
男聲 : （叫喊）我好鍾意你呀!（激動）我真係好鍾意你架，我想同你一齊呀!
生（獨白）: 愛一個人係咪真係咁易架呢? 我鍾意一個人，所以就好想講佢知我嘅感受。係咪講咗就可以解決一切嘅問題呢?
（轉場音樂）
第一幕
（次日下午，假日，商場內，人聲嘈雜。生和Miki飯後邊逛邊聊天，生跟Miki分享了他的想法。）
(商場人聲作背景)
(以下兩句對話有重疊。)
Miki : 梗係唔係啦，邊有你諗得咁易架，（聲音突然變小，生的聲音入）你估宜家叫你同隻貓、同隻狗講咩，話鍾意就即刻同人講，然後就攬住人哋: 「（作狀扮生說話）不如我哋一齊啦!」你係咪睇得太多戲同小說呀? 愛一個人唔係你講咁易架，（聲音變回之前的聲量），真正鍾意一個人，你係唔會咁易講出口架!
生 : （插入Miki的說話, 是生的想法）睇嚟，我應該問錯咗人喇。我唔想同妳嗌交呀，我剩係想同你討論一下，問下你意見咋。冷靜，我要冷靜啲。（Miki的聲音入）我知道愛一個人唔係咁容易，但係鍾意一個人，又唔同對方講，咁鍾意嚟做咩呀?
Miki : （激氣）點解我講極你都唔明架? （陶醉）當你鍾意一個人嘅時候，你就會顧慮對方嘅感受。（認真）萬一你鍾意人，但對方唔鍾意你，咁點呀?
生 : 唔鍾意…咪做番普通朋友囉!
Miki : 唉, 唔係咁架。
生 : 係你諗得太多啫。
Miki : 你就係，無端端做咩問啲咁嘅嘢呀?
生 : （嚇一跳）吓? 無呀，一個人諗唔明咪問下囉!
Miki : 無啦啦問啲咁嘅問題…（好奇，笑容滿面地說）你~鍾意咗一個女仔哩~?
生 : （不好意思）咪儍啦!
Miki : 唔係? 仲話唔係? （笑）你面都紅哂喇!
生 : （反應變大）癡線! 無呀~
Miki : 有! 你有! （笑）
生 : 唉，係喇係喇，我係鍾意咗人喇，咁得未丫?
Miki : 鍾意唔係我講嘅，係你話嘅。佢…係個點嘅人嚟架?
生 : 你頭先係咪話想飲鮮橙汁呀?
Miki : 係呀…喂，唔好叉開話題喎!
生 : 果邊有呀，去買咗先啦!
Miki : 喂呀!
生 : 唔該俾杯橙汁我丫。
店員 : 好呀，請等等。
Miki : 喂! 到底你鍾意啲咩女仔啫?
生 : 唉，怕咗妳喇! 無咩特別嘅~個樣正常OK嘅，心地善良呀，細心體貼呀…咁囉!
Miki : 乜你答得咁求其架，認真啲得唔得呀?
生 : （語氣認真）我好認真架喎。
店員 : 先生，你杯橙汁。
生 : 唔該。
店員 : 多謝10蚊丫。
生 : 10蚊…
店員 : 多謝哂!
生 : 嗱，揸住喇!
Miki : 唔該…死喇，咁大杯我飲唔哂喎…
生 : 同你分一半喇。
Miki : （笑）好呀!
生 : 唔該，俾多個杯我丫!
店員 : 好呀。嗱，你隻杯。
生 : 唔該。
（傾水聲）
生 : 夠未呀，飲唔飲得哂呀?
Miki : 夠喇! （停頓一下）我覺得~你鍾意嘅人，一定有啲特別嘅地方嘅!
生 : 佢有時…好多嘢講架，係果種性格開朗嘅人嚟…（喝東西）嗯，又幾好味喎!
Miki : 繼續講啦!
生 : （語氣情深）我估…佢應該唔知我鍾意佢嘅…
Miki : 你又知? 你同佢表示咗嗱?
生 : （苦惱）未呀…講咗就唔會問你頭先條問題啦。
Miki : 點知你喎，你可能講咗之後宜家先驚先識後悔哩!
生 : 無呀，我未講架! 不過，我都係覺得鍾意…一個人應該坦白啲嘅，如果唔係就無意思啦，第二時可能真係會後悔架!
Miki : 乜係咁嘅咩? （聲音漸小至無，跟轉場音樂融在一起）
第二幕
（當日晚上，生回到家中，又沉思、苦惱。意想不到的事發生了。）
生（獨白）: 我都係覺得，鍾意就鍾意啦，我好想同佢講…係咪應該襯宜家，即刻打個電話同佢講呢?
（電話聲響起）
生 : （不安）咦?Miki? 又會喺哩個時候打嚟嘅… （按電話聲）喂，Miki。（Miki不發一言）喂? 係咪Miki呀?
Miki : （聲音聽起來心事重重）阿生…
生 : 係…做咩呀?
Miki : （深呼吸一口氣）阿生…你今日係咪話，對鍾意嘅人應該坦白一啲，諗嘢應該真接、單純一啲架?
生 : 係呀，但係…發生咗咩事呀?
Miki : 阿生，我都想對我鍾意嘅人坦白一啲呀!
生 : （驚訝）吓? 乜你都有鍾意嘅人咩?
Miki : （語帶哀愁）…阿生…. 係呀。
生 : 咁…邊個嚟架? 我都識架? （Miki沉默）Errr…唔想講唔緊要架，我問下架咋。
Miki : 唔係架，你有權知道架。
生 : （驚訝）吓?…我…我有權知道。
Miki : 係呀。（說得越來越大聲、生硬）…阿生!
生 : 係，喺度。
Miki : （大叫）我鍾意你呀! 我真係好鍾意你呀!
（Miki切線，電話接不通的聲音響起）
生 : …吓? 咁即係點呀? 鍾意? （慌張）係喎，佢話鍾意我喎! 死喇，咁聽日點算呀? 聽日返學喎，會見架喎。咪住，大前題應該係…其實我係咪都鍾意佢喎…係咪我做錯啲咩令佢誤會呢? 我…其實唔係鍾意佢架喎…我鍾意嘅人係…係阿嵐喎! 點同佢解釋好呢? （音樂漸入）我終於都明白喇…未試過係永遠都唔會知道哩種感覺係點架! 好彩，我未同阿嵐講，頭先差啲我就打咗電話出去喇…如果佢同我對Miki一樣，佢唔會鍾意我嘅，咁…咁…睇嚟，我應該好好考慮一下點樣表達哩份愛，又或者都係唔好講喇…至於Miki果邊…希望佢唔會太傷心啦! 我都唔知點解釋… 點解人類嘅愛情要搞到咁複雜呢? 簡簡單單咁咪好囉…（音樂漸大，全幕完。）
