尋找女神日誌

singcon 05.9/xx

咦...喂...呢個title...
係! 我繼續寫啦! 我知我再唔寫就遲早俾人婊! (你d歌唱成咁一早俾人婊左幾世你怕咩 XD)

話說之前講完冇某龍份既05年Singcon決賽...
之後OST既舞台就唔再局限響Singcon...身份亦都唔再只係參賽者... (其實我自己都要睇番次自己寫過d咩...@@)
先整理好一下05年Singcon後OST既人數...@@
--> 我, 細分, 叔公, Seru, 某龍, Kaiser, 碧克, 零
別了叔公...再見了我們的重低音...(揮手)

話說當年團體組入唔到決賽...再加上種種私人理由...
叔公畢業...T^T (一句就交代完我對你唔住...orz)

好啦我講番正題...
完左Singcon喇...零都正式入左隊 (嘛...當年小燕都上過某龍屋企......(消音))
由於距離再下一年既Singcon都仲有成年時間...(因為「正常」黎講係一年一度既...= =)
大家hea下hea下咁練下玩下又過左唔少日子 (仲hea下hea下練下玩下咁少左叔公...orz)
突然唔知邊個月某龍同我地講...
我母校Singcon搵我做評判...有表演大家去唔去
!!! 點解我果時會應承 @@ 總之唔好理咩原因...總之大家就去左某龍母校表演...囧

其實以表演黎講都冇咩好講...
一來冇片睇二來太耐我唔記得...XD
但係有d野一定要爆大鑊........................
........................
..................
............
......

==============================================================================
唔知係咪因為冇歌好唱/冇歌唱到既關係...
呢次去唱既就係05年初賽出局既鋼之救世主 XD
其實嘛...唱成點我就真係唔記得...我只係記得碧克最後剷出去果下...XD
==============================================================================
呢次表演係碧克響OST第一次亦都係最後一次既正式表演!!!
可惜冇片留落黎...(非正式既反而有次響youtube見到...不過都搵唔番咯...=0=)
==============================================================================
Seru大大既門禁超厲害...orz (絕響喇家下佢邊有 XD)
竟然出動到人地學校出信去邀請佢...
俾著我家下真係寧願大家唔出都唔想搞到咁樣麻煩到人...囧
==============================================================================
呢個世界好細!!!
原來我同Seru有位網友係某龍師妹!
仲要俾佢見到我地上台...orz 見笑了...@@">
==============================================================================
呢個世界好細!!! 真係好細!!! 細到好離譜!!! (我都唔想講咁多次...囧)
話說當我地響台上唱到一半既時候...
台下某處突然有一群人大嗌...
"Kaiser!!!"
!!! Kaiser?!?!?! 聽錯?!
"Kaiser!!!" 咦?! 冇聽錯!!! XD
Kaiser有fans呀!!! XDDDDDDD
連某龍響主場都冇人咁叫佢呀 XD (反省下啦佢 XD)
超厲害估唔到原來Kaiser有咁多擁躉 XD
不過...聽講呢件事成為左Kaiser既黑歷史之一...@@ (其實冇咩好黑唔黑啦...呢d好事黎...XDDDDD)
==============================================================================

我記得既野都差唔多寫晒咯...
表演細節我真係冇咩印象 XD (反正表演既野都冇咩人想知吧...XD)
下回嘛...睇番個表......
原來話都冇咁快就到06年Singcon...XD
有緣再續 XD

XX回憶錄(?!)

x/03 Singcon Shining Ray
x/04 Singcon Soultaker
x/05 Singcon Orphen
x/06 翔龍母校表演
x/06 Singcon Battle Com
x/06 秋祭 Battle Com
x/07 Singcon 決意之朝, konomachi
8/07 Megaa Power
9/07 未完之約圓形廣場
10/07 秋祭 k-zo
12/07 工展會
7/08 科大之約
8/08 Bandai Daybreak's Bell
8/08 Outride 錄音
9/08 未完之夜禮拜堂
10/08 秋祭翔龍
12/08 Singcon 表演
2/09 觀塘IVE螢之祭
7/09 科大之約
8/09 Bandai God News
8/09 Singcon 真赤, Dogfight
9/09 未完之夜
11/09 Vocaloid
11/09 港大cosplay party

純粹方便自己...@@
當預告又好咩都好...請無視呢個post...@@">

繼續雜談一回

最近比較忙
冇咩時間更新
過埋呢個星期應該會多番少少時間打下回憶錄XD (好囧的名詞但我諗唔到第二d)
又或者黎多幾回雜談...XD (天呀有人又想偷懶 XD)

話說呢期頹event停不了 (你自己頹就頹啦唔好連累人 orz)
剛剛星期六完了ust vocaloid teahouse
接下來星期日又有hku cosplay party了 @@
多謝御宅學會既邀請...我一定會努力既~ 大家加油吧! XD

話說之前應承賢會post 響blog既
http://www.nicovideo.jp/watch/sm8667765
Vocaloid Project DIVA-AC楽曲募集投稿作
＜＜箱－カゴ－の姫様＞＞
曲：賢
詞：火蜥

4 x 雜談 (04/04)

M群講開...反正都係打咁我就燃燒埋我precall既精力打埋佢=0=

一早講左雜談第四號係講女既...
咁就講下...熱血既理想對象係點 XD (爆)
不過話說...呢個世界就係想玩你架喇...
我有覺悟架喇...T^T 講得出黎第日九成搵番黎既都唔會中番d條件既...orz

(d點我遲下再整理...@@)
1. 要細過我=0= 我唔要御姐=0= (唉) 就算年紀老過我睇上去都要後生過我XDDDDD
2. 最好係個似女仔既女仔...XDDDDD
3. 性格嘛...其實我覺得可愛就夠了...XD 話說呢d野睇出黎好主觀...同一種人做同樣野但係鍾意既人會覺得可愛唔鍾意既就會覺得煩...所以嘛...講幾多理想既都係廢話...直接問我果個人可唔可愛仲簡單直接XD
4. 聰明同蠢都唔緊要...最重要係識響適當既時候識做最適當既野...嘛...我總係覺得世界上太多自以為是/無自覺既女仔...(別打我=0=)
5. 最好傾得埋...至少有睇開動漫畫啦唔該...有時候兩丁友坐響度成幾粒鐘一句野都講唔出好辛苦架...orz
6. 原本想寫鍾意唱歌...後尾又覺得...咁搞我咪搵唔到其他女仔夾?! (想太多了XD) 所以嘛...學solomon咁有個響後面默默支持既女仔先係王道!!! (跪拜)
7. 突然醒起我未寫外型...其實冇咩所謂...冇人會高過我吧...XD 矮我一個頭就岩岩好 XD 唔好太肥唔好太瘦啦...(廢話orz) 長頭髮! (其實短髮又有短髮既好...) 戴眼鏡! (識左返黎迫佢戴都得者...@@) 我未諗到! 其他後補!
8. 唔要同行 (唉) 同行既話...叫佢唔好做!!! @@
9. 年紀既問題...除左細過我之外又唔係太細...XD (我不好蘿莉) 三年內! 三年係個好數!!!
10. 性格除左可愛...最好仲有幾分溫柔 XD 對我d冷笑話最好有適當既反應! (好難喎大佬) 會吐糟之餘要聽我話=0= (要求越黎越高了...orz)
11. 其實相對地我係咪要打篇自我介紹...(死)

4 x 雜談 (03/04)

好...
呢次到回應妹妹既tag game...
總之寫16樣自己野就得啦...
我費事再tag人喇...XD

01. 音樂
唔知幾時開始...只會聽日文歌...@@
冇番咁上下快既歌嘛...好多時都會覺得悶唔鍾意聽...XD
不過歌呢d野都係講feeling啦...

02. 歌手/組合
Band - ジャンヌダルク/ Acid Black Cherry/ FLOW/ GLAY/ Aqua Timez/ HIGH and MIGHTY COLOR/ L'Arc～en～Ciel/ surface/ UVERworld/ 少年カミカゼ
Dancing - AAA/ Exile
Ska Band - Midnightpumpkin/ ムラマサ☆
Group - eufonius/ m.o.v.e/ JAM Project/ mihimaru GT/ サイキックラバー
Solo - 絢香/ 坂本真綾
話說...原來我鍾意既solo得咁少...orz
唔怪之得要我嘔首solo出黎係咁難既事...囧

03. 我...(謎)
我...我唔係Qudiam and Friends呀...囧
我係熱血呀...囧
但係我唔係淨係鍾意熱血歌呀...囧
再誤會落去我要改名架喇...囧

04. Game
回合制SLG同王道式RPG~正!
(我係實時戰略苦手...orz)

05. 動漫
基本上家下淨係會睇漫畫...動畫我依家淨係睇龍珠改 XD
漫畫睇太多喇...仲睇得好雜...@@
熱門既會睇偏門既都會睇...XD (咁同冇講過野冇分別嘛...@@)

06. 女朋友
我冇女朋友...
點解大家都會以為我拍緊/過拖...
我等左廿四年喇...我真係未拍過...T^T
所以嘛...誠徵女朋友呀喂~XD

07. 足球
傳說中既通天老棺＠＠
前中後左中右龍門我個個位都踢得＠＠ (好唔好係另一回事...不過比賽真係試過上半場踢閘下半場踢中場中最後十分鐘守龍...XD)
話說我家下響自己隊波度睇正選閘後備龍門/中場中/前...
不過...應該就快開league點解仲未有人搵我練波...=0=

08. 籃球
膊頭幾年前開始痛...舉手都有困難之後就冇打過...
好懷念細個晚晚落街場同fd打波既日子...T^T

09. 事業
唉...有機會再講...
總之會努力啦...@@
家下響東區實習緊...港島既朋友得閒搵我食飯 XD

10. 汗...
唔怕死既可以試下激嬲我
但係我動真氣都係一個幾可怕既人...(曾經試過拎住碌搭棚用既竹追住人黎打......@@|||)
不過家下可以令我動真係既原因都唔多既...

11. 娛樂
我承認某程度上我好x悶...
有時間我會揀上網打機睇漫畫...
我勁唔鍾意去旅行...(搞咁多野去完仲累過唔去...不如訓覺好過......)
所以嘛...我認係我係家裡蹲...T^T

12. 性格
有麻煩野唔好搞我...
我好怕麻煩...
尤其係...喊緊既女人...orz
但係最大既問題係...俾我知道有咩事我又唔會唔理...(呢d叫犯賤...@@)

13. 食量
可以成日唔食野唔飲水...
但係一食就可以食好多...XD (最愛打邊爐!)
最好就係...我係食極都唔肥既FD! XDDDDD

14. lucky no.
14!
我鍾意14號!
因為我鍾意既人都係著14號!
所以我自己都係著14號! (有得揀既話XD)

15. 熱血/郭狄/Mast/Keyway
對唔住...其實我已經唔記得個名點黎...
郭狄呢個名點黎我反而記得...
其實係打三國志既時候整新武將...就拎左自己鍾意既郭嘉同狄青拚出黎啦...@@ (狄青唔關三國事XD)
話說...竟然曾經有人認為郭狄係真名...@@
Mast就係由我細過就好鍾意既馬王有性格既英文名Makarpura Star度抽頭兩個英文字拼出黎...@@
(我由細就係一個唔賭但係鍾意睇既馬迷...不過好多年冇睇番d血統咯...@@)
Keyway純粹係好聽 XD 同埋d音似真名調番轉黎讀XD

16. 我冇貨喇...隨便發問吧...orz

雜談三號! 完! XD

4 x 雜談 (02/04)

今晚響北區外科Last call
希望無驚無險渡過埋呢個夜晚...@@
響呢三個月入面我無啦啦多左好多個阿媽...XD
結果多得佢地我由七一果日咩都唔曉既白痴做到家下終於叫做開始上手做熟...@@
雖然都係會做錯野俾人話
但係俾人話完都總會有人安慰我 (雖然嘛...我對於俾人話不嬲都冇咩所謂...男仔冇咩好怕...XD)
同埋每次傾偈都總會叫我keep住唔好頹...第日千祈唔好做賤人...@@
嘛...總之就係受左佢地唔少照顧...亦都感覺到佢地既期望...@@ (希望唔係我表錯情XD)
當然除左d阿媽之外...各位阿sir同MO都好好人...XD 受我一拜 m(_ _)m
睇下第日我有冇機會返北區做啦...其實北區又真係一個幾好既地方黎...XD (如果冇人係咁請SL既就最好...= =)

以下既...係響呢三個月以黎聽得最多既說話...XDDDDD
1. 嘩~ 乜你仲響度既~ 你今晚call呀?
2. 今晚又係你call? 幾時都見你響度既?
3. 夠鐘收工喇唔好做喇...叫oncall果個做啦...快d走~
4. 你唔係postcall架咩?仲未走既?
5. XXXXXX又請SL? 佢玩野丫?
6. 我對A&E d人絕望喇...
7. 拿記又黎料...又送埋晒d流野過黎
8. 你快d放假啦...你今晚響度又收症收到癲架喇

我竟然打晒成篇野call機未響過...@@
希望今晚唔好...我唔敢亂講野...好邪架大佬...orz

4 x 雜談 (01/04)

響繼續講event之前有四樣野想寫...
睇下幾時得閒慢慢清晒佢...@@

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
嘛...
我諗唔到開場白...單刀直入好了 =0=
作為朋友又好...團友都好...
大家都係想朝向一個好既方向走
由得一個人死好容易...
大家咁做就係唔忍心一個人咁落去會搞到有d野冇得番轉頭
我知道有時有d野一時三刻係比較難接受
但係嘛...越難聽既說話有時就越真...呃呃氹氹果d說話講黎根本冇任何意義
而且...可以從錯誤中學習同改變既先係真男人! (突然吐嘈?!)
我唔知將來事情會發展成點...
但係至少我知道大家都會盡力希望令事情變好
亦都想事情完左之後會見到某人成長...成為真正既leader

singcon 05.5/xx

未完後感有時間補...(不如話有好多野唔想家下寫住=XD)

上次講到某龍同OST緣盡05年singcon
而我就單拖入左決賽
而今年既決賽比之前多左d野既...
話說果年主辦果邊響決賽之前唔記得幾多日特登book左個場俾參賽者試場
詳細我唔多記得...總之就係有得rehersal XD
另外就係除左正場之外多左個一叮環節 = = (當年無記開始做殘酷一叮...= =)
每位參賽者都會抽一首粵語動畫歌出黎表演...@@
(事緣果時仲未有表演嘉賓呢回事...比賽完左計分既時間就由呢個環節黎充撐...)
至於我揀中既歌嘛...orz

好喇到左決賽果日...(汗)
基於種種原因...OST係冇一個成員黎睇我比賽既...(大汗)
由於事隔咁多年...好多野我都唔知點寫好...
大家唔好怪我寫得有d亂...orz

首先嘛...
果年響更衣室開聲...
就響更衣室識左零...XD
(小補充: 當年零同小霞一隊唱スクランブル最拎埋台風獎XD)
話說我果時響更衣室唱約束之地
之後就唔知咩事同零一齊唱Crush Gear (果時更衣室好似仲有一個人?)
之後又唔知發生咩事完左場就拉左零入OST (究竟發生左咩事orz)

講番比賽...
果時既我真係7到無論
家下諗番起都覺得好唔掂...
無論著衫造型唱功台風樣樣都唔係太得...(見到果時既自己就想爆粗!)
事後仲俾人話我似未訓醒走出黎唱...
仲好改唔改改個名叫熱血...但就一d都唔熱血...T^T (話說我係09年先真係走去報首solo既熱血歌比賽orz)
結果嘛...呢次出現左傳說中既冠軍人物: 琴雪!!! (大家一齊黎跪拜 m(_ _)m)
比賽背後既野大家早就知道我都唔爆XD 總之大家知道佢神就得! XD
從佢身上我真係學識左「屈機」呢個詞!!! (某龍學下野啦 XD)

正式比賽我唔係記得好多...
一叮果度我記得多d...(事實證明d越唔想記得既野自己偏偏會記得晒...= =)
話說我抽果時...好抽唔抽偏偏抽到唱皇家雙妹嘜! = =
好啦我認命我照唱...= = (事後先知原來JU果邊點都想玩我一劑整首正野我歎...點知唔駛整我自己抽到...囧)
結果嘛...果年響度既人都應該會記得...果個戴cap帽扮女仔聲果個男仔.......orz

至於其他人嘛...零當年抽到叮噹但係佢竟然唔識d歌詞XD
搞到要收埋張歌詞響頂帽入面...
結果都係搞唔掂唱到一半因為唔記得歌詞俾人叮左XD
而果時贏左一叮環節既就係唱伙頭仔昆布既小燕XD (話說果時我好似有份玩野飛左包薯片上台...orz)

比賽既野我大概淨係記得咁多...
比賽完左之後既野嘛...就係我拎左幾支汽水返屋企...XD (果年既贊助有汽水...而且仲多左好多出黎...XD)
仲有就係OST多左新成員XD
同埋開始認得singcon d評判同參賽者 @@ (無辦法...圈子細嘛...orz)

囧...呢年打得比較頹...因為d野比較多同散我唔知點組織好...orz
而跟住落黎...
因為OST既關係...我既舞台響呢次singcon之後就唔再局限響singcon @@
等我慢慢諗下下一回既方向應該係點啦...@@ (咁搞法分分鐘會變到個個show都走去寫d野...囧)
有緣再續 XD

singcon 05/xx

最近大家響某地方都好歡樂嘛...@@
那小說/漫畫/廣播劇/定係咩都好我可是很期待的 = =+
　
其實之前總括黎講果度我係想講下果時OST既成員有咩人先XD (但係我唔記得左寫 XD)
果時嘛..論資排輩順加入先後次序黎講應該係...
叔公>我>seru>翔龍>kaiser>碧克 (唔好搞錯! 係先後次序only! 冇其他含義! XD)
好! 轉眼間又黎到05年第三屆singcon!
　
話說當年我地呢個組合係冇名既...
報名既時候係寫晒各自既名上去...
之後有一日juaca問我地...有冇組合名稱...
弊! 冇諗過! 點算 =0=!
由於某龍非常執著於個名既問題
(小聲: 名呢d野其實我又冇咩所謂...唔好太7就得...所以...)
先先後後都好似搞左幾耐下...
最後出左個都幾長下既名...(仲要係諗果條友d音係讀錯既 = =)
以下簡稱OST算 @@ (長寫大家各自補完吧...)
(註1: 其實我真係幾鍾意「越位陷阱」呢個名XD)
(註2: 話說「我們的表演時間」都唔錯 XD)
　
講番singcon先 XD
由於碧克要去西安既關係...
所以呢次比賽佢係冇份參加既 XD
唔知咩原因我地揀左鋼之救世主參賽 (抱歉我真係唔記得點解會揀呢首...有人記得既就補完吧...@@)
而某龍呢位上屆亞軍話...對OST既團體表現非常有信心...所以就淨係唱團體冇報solo
我份人就比較保險 XD 所以我自己另外再報左魔術士オーフェン既OP2君は魔術士?
　
初賽響城大舉行
地點係到今時今日OST都仲成日去玩練歌既課室XD
丫...我補完番少少...第二屆其實都係響類似既地方搞初賽
比第一屆進步既係...
至少真係會有支咪拎住唱喇 XD
不過出聲既係好似只係小露寶...XD
由於我地陣容太過強大 (人比較多者...orz)
所以合唱果時唔夠咪用 XD
我地只係響五個人前面放兩支咪stand
我同某龍基本上係冇對住咪唱既 (不過都大聲過D女仔 orz)
　
(黑歷史1) >>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
話說...由於當時我地聲浪太大既關係...連城大既保安員叔叔都驚動了 =0=
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
講真...家下聽番睇番...真係好唔掂喎大佬!
完全係雜牌軍黎...囧
我真係唔知某龍既信心響邊度黎既...orz
　
(黑歷史2) >>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
事實上我地呢個強大人多既組合係入唔到決賽既 @@
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
一來我地有個超重低音...XD
二來台風好唔得 @@
三來女仔冇聲咁滯 orz
四來...唔講啦 XD
總之就係因為各種原因...
岩岩成立既OST同某龍就此緣盡05年第三屆singcon XD
(唔緊要...一切由singcon開始嘛...XD 第日總有機會既 XD)
　
好...到講我自己喇
話說果年我係中大校園電台既莊員 (文書 XD)
所以響初賽之前既上晝就拉左大隊去studio度練歌
好喇唱完合唱到我自己首solo...
搵下隻single響邊先...大鑊!
隻single漏左響studio! \囧>
果時又冇話交mp3俾大會呢回事...
結果就無奈咁選擇左一個最簡單既解決方法........
(黑歷史3) >>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
05年singcon我首solo初賽果時係清唱既 = =
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
囧...
其他野我唔理...總之我入到決賽! (爆)
　
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
話說juaca果邊仲有果時既初賽片睇...
基本上每年初賽之後大家都唔知點解都總係會拎番出黎睇一次 =0=
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
　
汗...都未到決賽就打左咁多野出黎...orz
其他野都係留番下次得閒先打...@@ (繼續05年黑歷史...)
有緣再續 XD

singcon 04.5/xx

放假...
終於清左d Q數(原來除左我仲有人未清晒!)
無牽無掛喇...(唔駛再錄過掛...~.~)
我要留番d時間溫書...囧 (咁又會得閒上黎打野...orz)

嘛...話說上次動廢果晚撞左oncall所以去唔到...結果...
好彩我冇去如果唔係無啦啦見到某龍出現我唔知自己會俾D咩反應出黎!!! 囧>
其實嘛...某龍真係老手啦...老到記憶力衰退連邏輯性錯誤都可以犯埋 (喂...佢會黎睇架喎 XD)
我承認我係有D受佢呢下刺激而打文...XD

響未到再下一年singcon之前...
先講下果年中間發生過既事...(汗)
話說04singcon完左之後...
同叔公+seru去左同年cw 唔知幾多 (無聊冇野做既人得閒可以幫我查下係邊次 = =)
果時仲有d即興上台唱歌既環節
唔知邊個開始望下個台先...
結果就俾我見到某龍響上面唱緊歌 =0=!
我當下爆左句: 咦...singcon攞亞軍果條友喎...(原諒我用字比較粗俗...囧)
同埋唔記得係我定係叔公講: 不如埋去搵條友吹下水 (原諒我地將亞軍講成條友吧...囧)
最後我地竟然真係膽粗粗咁走左埋去搵條友 (俾多次機會我我都未必會咁做 XD)
冇錯...果條友就係某龍 (即係某Q)
於是乎...傳說中既 ~~Quidam and Friends~~ OST既Quidam誕生了 @@

因為大家都鍾意JAM Project 既關係
大家交換左contact 之後就開始一齊練JAM既歌
細分因為私事比較忙既關係所以退隊
而我就響某論壇搵左對JAM既事瞭如指掌既Kaiser番黎 (因為嘛...當時JAM有兩個女vocal @@)
響singcon前碧克好似已經因為某龍既關係老屈入左隊?
(不過佢好似一次歌都冇練過?! XD 我真係唔係好記得)
黎個總結...OST就係咁...響無聲無息之下出現左 (不過仲未改名= =!)
而響呢個時候...05年既singcon又逐步迫近...(黑歷史出沒注意 = =!)

p.s. 話說最初既練歌基地係響我屋企...係唔知由幾時開始會變左去某龍度...XD 不過嘛........(消音)

有緣再續...(其實我唔係好想打D黑歷史出黎XD)