Hins - Love & Living / 合格唔代表好好。

Tue, 14 Apr 2009 11:26:42 +0800

溺愛 = 上次就「吹水」,今次就「發癲」@@"
      R&B做開頭唔錯丫....「請拋棄我」呢四粒字出得太核突啦@@"

留低鎖匙 = 二小姐首歌好在有人重新編過,私人而言太珠玉在前啦@@"
            Vlolin同佢既唱腔出得更慘,算佢冇唱得首歌太壞啦,否則真係殺佢都有份@@"

故園花茶 = 最大期望既二之一,不過搞咩野搞到咁沉重@@"一D預計既RELAX唔見晒@@"
            有少少呀LAM既聲線囉咩事@@"

披星戴月 = 而家先叫做聽順左,比起「搜神記」CC既曲今次平淡好多,
            張生都唱得好FLAT,成首歌係LAST CHOR 叫有高潮少少.....

相對論 = 又玩LATIN@@"上次未插得夠盡咩@@"明明唔夾仲黎@@"

單打獨鬥 = 個曲同埋張生唱得夠慘,都算SUIT返個名@@"

失戀有獎 = 逃不了「金玉其外」既理論,中間既歌的確係悶......
            受到上首,呢首已經感覺OVER@@"

無名指的光環 = 聽到個曲我真D想喊......但係詞唔夠盡,唔夠甜@@"
                  求婚的話真係到頭唔岸,到喉唔到肺@@"

未來的回憶 = 曲就GRAND啦,張生配GRAND曲不嬲有返D水準@@"

呢隻碟唔算插啦我.....算係笑忘之後最好既一隻@@"
依然係張生既風格......金玉其外,頭尾都有可取處(唔好計曝光唔該)

Cheer/太陽 - 沒寄出的那一封。

Tue, 14 Apr 2009 11:25:20 +0800

To Someone……
　　
　　少有的把唱片匯成一封信，以他人清澈的木結他，去回想跟你之間的記憶。
　　一切，從開場曲「手的預言」開始。

　　簡單的三拍音，不停的迴旋著，簡單如只有五指的手，變化如思念的旋渦，
　　是聲響，是多時等待的引力，是「舊時光」那音調的輕聲牽引，
　　淺白短少的九十秒，由Star Effect引發，不單是有形的鋼琴弦續，
　　更重要的是，無形的思憶已墮入喘不過氣的「狂戀」氛圍當中。

　　依然是三拍的音節，和剛才的音階成了虛直線，然而，那低吟「缺口的圓」，
　　就是那自信不夠的我，看著遙不可及的你，那種慚愧的樣子，
　　弦樂拉扯著我，聲韻吸引著我，那近乎喘著心跳的感情輸送，到「所有的思念」都洶湧成河，
　　Drum Beat 一出，盈門而上，然而，收藏於心，不著痕跡。
　　所以，弦樂與鋼琴歇斯底里交接過後，只剩下最後一句空虛的，「要安靜走出，對你的，狂戀。」

　　可是，已缺了應有的力氣。

　　跳過自己最喜歡的歌，決定在無盡思念中，繼續游泅。
　　又是鋼琴間奏的輕柔，帶起了大提琴，這是她這唱片的頭半格式吧？
　　貫徹了「手的預言」的詞意，隨手拿起一片葉子，用流行的曲式，
　　以她獨特的溫柔聲線，說出弦樂底下的依戀。

　　Pre-Chorus的輕聲而上，猶如落葉騰飛，不受控制的繾綣，
　　最用力的一節，「原諒我曾經眷戀太陽。」是的，是你，成了我改變的理由和中心。

　　「魚」，是這樣用力掙扎，卻一直歸於海洋。
　　我和你，在斷了情感過後，在藥物的作用下，亦有過一陣清風明月。

　　就像歌者的甜蜜，與好友們聊天，輕鬆無負擔，
　　又是Star Effect的作用，時間隨月換星移，「彌補一個人的虛空」。
　　但是，猶如「煙火」的詞解，「除了你，沒有人真正了解我。」

　　這也許就是改編裡寫的「證據」。Bass和著的，是女孩的如泣如訴。
　　「快告訴我，你還愛我」，這是主音的呼求，亦是我的心聲。

　　最強的力量背後，是平淡細語後的卑微。
　　不難想像，要是我把它重新演繹過後，會流下幾滴眼淚。

　　我知道你不想我為你難過。但你知道嘛，
　　有時候，我只想你無聊的關心，成就你獨有的陽光笑臉。

　　知否你為我解決問題的時候，是我最傾慕你的一刻？
　　猶如溫暖平調的聲線與結他，跟你通電話的時候，我永遠都是最歡喜快樂的。

　　沒有結他，只是清唱那句，「你的溫柔包圍，而我像個沒人愛的傻瓜…」
　　但要是有你的愛，缺陷了的音階，可能會變得完全。

　　你聽到愛爾蘭風笛的穿插嘛？還記得那一對同桌享晚膳的夫婦嘛？
　　我相信，我們的愛，是命不該絕的一對。

　　只要你願意在孤空的清唱下，給自己一個肯定。
　　如果你還不夠信心的話，就讓我這個「一碰而碎／疲倦流浪」的太陽給你一下照耀吧。

　　低旋的正歌音樂是我對未來的不肯定，但我不怕，
　　敢於在副歌裡繼續抑揚，為的只是，電結他的堅定，給你祝福、期許的信念。

　　給我再一次機會完全的照顧你吧。因為愛，悲哀的弦樂，亦可以溫暖人心。
　　我無懼自身的風雨，只要你願意，再一次成全。

　　我，依然愛你。
　　　　　　　　　　　　　　　　　　　　　一個聽呢隻碟聽到喇叭都拆埋的寒
　　　　　　　 2009.4.2

[馮曦妤。A Little Love] - 欲梅花間竹，恨雜亂無章。

Tue, 30 Dec 2008 09:32:01 +0800

隻碟初時既Topic唔係咁既句子。
講真，整體真係頗舒服輕鬆，因為佢把聲不嬲都係好，
無須太大修飾已經合格收貨。

只可以，歌仔既Concept Rundown亂過亂世佳人......
第一首已經出現問題。

「點解A Wonderful Day唔做開頭?!有朝氣既開頭總比Glorious Death利是D呀嘛?!
　你仲要搭陽光雨囉*」
當然，「陽光．雨」做1St Plug完全清新(幾耐新人1St Plug完全一D"情"字都冇？)，
　雖則"Special Crew"版先至Touch到爆。

「More Than Light」珠玉在前，人地唱得好Charming，FF既版本比較純真D，似細路女遊花園唱歌；
  之後「遙遠的」撇除嫁喜禮餅甜蜜蜜，起初日文+結他鋼琴Intro爆上野睇櫻花，之後FF用左一個頗慵懶既聲做開頭，
　聽落去頗Relax，好輕；而Chorus既尾部都好恰如其分既兜返，唔會將「掛念」既情緒過火到收唔到掣。

「火星原居民」同"A Wonderful Day"接得唔靚。
  唱嘛，Um......說實話，型格中帶點港女@@"(殊)不過形象/歌路定左，呢首歌Show可塑性真係幫助唔大@@"
  反而「隻眼閉」呢類大路K歌仲俾到人地諗：「咦，佢把聲唔止一定唱甜到爆，正面到死既歌Ga Bor......」
  唔知大家覺唔覺，佢唱苦茶(寒文，解慘歌)把聲係自然/清過唱糖水(寒文，解甜歌)Ga Bor*

一堆大家都有印象既歌仔之後，黎D「名符其實」既Hidden-Interude出黎啦。
齋鋼琴唔駛有咩特別技巧，唱就可以令你感覺好法國水晶燈般瑰麗醉人。

休息過後，繼續。「幸運兒」聽好多人講感覺重覆，我講既問題唔係歌仔題材問題，
而係，佢把聲係唔適合落咁重力度同埋Beat/Bass(?!) Interude......
咁Heavy大家消化唔黎Gar@@" 呢首問題比火星更嚴重，可以的話Skip左佢都Okay*

至於Fun For Sharing 嘛......初時還日本Feel，不過後面漸快好似有D壓迫感，好彩廣告商唔用之後既段落....*
影相係休閒野貪快搞咩?
之後兩首......嘩，熟到呀媽都唔認得，落到中間先呢堆，如果想聽特別野真係會飛Ga Bor@@"

以下係呢隻碟既另一個入歌問題：
「Proud of You & Shining fds 其實一遙遠的後就應該出，用市場睇法而言，出左一D大家都識既新歌之後，
　可以介紹返佢D代表作，至於再見警察/More Than Light呢D人地入晒腦既歌仔，其實插落去係劃蛇添竹，純粹攝位。」

講返中間隻「我在那一角落患過傷風」先。
Ad-Lib 既位太綿密啦，有少少留白先有返詩意Ga Ma*不過Demo都Okay既=)
BTW,呢首佢貼紙所Promote既Demo一樣，得個知字，唔夠吸引。
既然係有唱作底，唱唔係自己Demo放入去自己碟真係.......

相比之下，「Forever Friends」同「救生圈」呢類知道但未聽厭既歌就仲可以隨意少少放。
當然啦，如果孖到就更好啦，可惜中間又插左一隻太Grand既歌(我記得係樓盤歌，好似係新地樓既)，
最煞食既氣氛位（講真，佢呢隻碟唔賣聲就係賣Feel Ga La@@") 又同大家講Bye Bye.....

問題一係唔搵，一搵就成大堆。
「在你身邊」又要Beat @ Chorus 仲好，「救生圈」原Key唱仲原汁原味。
「一點點的回憶」/「Free」好返D（最少夠隨意嘛)，但感覺有D後勁不繼........

最尾既一首，希望唔係因為要「首尾呼應」而放出黎。
好聽就OK既，但係......會唔會連丁點特色都掩蓋左呢？

唔知大家會唔會覺得佢主要彎(網絡文字，即係衰)@度。
以下係我搞既「似係正常Rundown版」，唔知大家點睇......

歡迎拋磚引玉。
我會將27首歌縮剩12首。

小寒搞破壞版的"A Little Love"
01. A Wonderful Day
02. 陽光．雨
03. Proud of You
04. 遙遠的 . . .
05. Forever Friends
06. 救生圈
07. Free
08. 火星原居民
09. 隻眼閉
10. The Glorious Death
11.Hidden Romance

Bonus*
- Special Crew*

Over The Rainbow - 給天地的情書。

Sat, 26 Jul 2008 15:06:25 +0800

有幾耐冇聽過At17兩個一齊純粹拎住結他彈彈彈然後唱唱唱？
說實話，四首歌（唔計「那年十七歲！！」）），好一峰，好自然。

先黎一首馬雅民歌聽下。
打響頭炮，先俾大家輕鬆愉快既感覺。
唔知佢講咩，自然輕鬆唱，而且個Beat都幾輕快，
甚至可以一對戀人、兩個好姊妹、三五知己一齊唱Tim*

但係，查返資料，嗯，唔怪得要放有腳雀仔後面Lu。
「馬雅唔係虛擬似既象鼻尾貓，而係一種古文明黎既，但傳說話，因為天災/人禍/甚至侵佔既發生，導致呢個文明好快就沒落左。
　同環保帶黎既問題其實都幾異曲同工。」
到冇腳雀仔啦。嗯，「花落誰家」溫柔版，但更加重藥。
用雀仔、白鴿作為「被訪」對象，其實某一個目的係問返聽眾。
而點解我會用重藥版呢？因為佢講既，不止你環保，更多既係文化保育。
集體回憶冇左啦、藍天(假使，TouchWood)不見了，你還可以去到那裡？
而At17既「Ar......」，係另一個亮點，因為，連雀仔都只可以支吾以對。

「仲可以去邊？唔通要靠幻想先有烏托邦？」

上半部既自然故事停左響度。
之後既，來，輕鬆一下。

「那天約你上太空」同「Over The Rainbow」都係令人振奮既作品，
一剛一柔，Rock既虛幻，而Soft既卻實在。

前者既編曲好Rich，唔似「我來自火星」咁無重，反之係好似玩太空陸戰隊既刺激、新奇。
畢竟有童心，先可以讓佢地既音樂咁純真。

「尋找終點太累嗎　就當度假」
去邊？咪諗住啦，用腦，不如Hyper左先啦。

「在太空拋開抑鬱　不必每刻也有綱領
　難得　漫天好風景　就放肆去感應」
既然有上半部既自然問題，下半部，自然係人類自己既情緒方案。

同上半部一樣，第一首自然係比較興奮既，等沉澱之後，
鋼琴聲就開始道出，隨住繁榮發展(即=Re銀）帶黎既壓力。

鋼琴間奏係低落情緒既好幫手，配埋At17既半清唱，
就算你用高音起，都可以搞到你好Down，好Lone.

其實另一個高章處，就係佢係用顏色詞，但係係「善」用既。
第一段係Fall既，「綠」、「藍」雖然係和平色，但係佢係用左「沒有」去否定既；
只用左「泥」、「黑」呢兩隻較為黯淡（甚至厭惡)既顏色去「繼續」；
到左「紅黃藍綠曲」時，第二段即刻唔同晒（落Bg 暗String*)，
綠甚至黃金色出現，佢用左個「信」字去Confirm佢既存在，甚至用「不信沒有」雙重否定。

至於Chorus，一野點返"Over the Rainbow"呢三隻字。
主旨其實用Eason首「今日」Chorus兩句講晒 -
「抬頭吧相信愛你便能飛 / 懷著樂觀總有轉機」

「回頭就會搭通一彎美麗橋　是彩虹 / 無愁無慮但有異數　跨過就到」
仲唔係Over The Rainbow 式演繹 XDDDDDD

到左次段，D Colour 唔止「信」，即情「望到」啦。
而佢地既一唱一和一Part一Part唱就更之一野一野拍你膊頭，
比Power你，俾Confidence你，只要去行，跨過就到。

外面環境唔係咩，最緊要由心出發。有大家跟你一齊唱Last Chorus。
可能出面落晒黑色暴雨警告，但你睇下，「美麗橋　是彩虹」@ 係用左Echo Gar，
「Shirt」一聲現出黎，幾靚*

啦啦啦既Fade Out，嗯，輕鬆左D Lu，可以再搏殺過。

四隻歌，唔駛多，
只需廿幾分鐘，讓你瞬間由外至內從地球到心靈審視再休息，
Lunch小休的Mp3 Refresh選擇。

Binary* - 唱片以外，不止談情。

Fri, 25 Jul 2008 13:15:48 +0800

感情文字，真像糖衣，吸引年青大眾的注視。
懶理內裡的是良藥，還是毒物，照喫不誤。

歌者專集內，有多首純粹情歌？可能十隻手指也數得有餘。
「發行一隻感情主導唱片？」可不像她呢。

Binary在此解Double Meaning，情辭內的深層意思，才是重點。

第一組：感情主導，從交流看世界。[喜帖街 X 十七度]
喜帖街：可發展的未來，成為離逝拆毀的回憶。
十七度：不冷不暖乃安全距離，人與人的隔膜，可否多行一步，將之融化？
從音樂上面，喜帖街既弦樂Part同樣String重既十字架更有Feel，
但從詞睇，佢同十七度既詞同樣係最重感情線既。
而曲方面，兩者既音樂都比較Classic，都係9X's既感覺。
只不過，前者既Drums Beat同高String俾既Mix就比較搶，加埋詞個畫面感會更強，
做到佢想做既「電視劇」效果(值得一提係Chorus既Echo，更加營造左一個「自我提醒」既感覺")

而十七度呢，先講曲既做法，Beat重但係Kay既Ad-lib同String既交接令到首歌冇咁冷洌；
而呀Kay亦用左一把比較綿軟既聲線去演繹，舒服，淡然的去講一個小故事。
不過相比起喜帖呢，呢首感覺冇咁Old-Trend，至於似Sandy嘛，Er.......

兩首講既野都比較大路，亦唔算沉重，
做首兩Plug其實係最好既，因為層層遞進既內容，並唔係個個受到。

第二組：戀愛過後，驀然省視人生。[十字架X那碗粥]

十字架：忘記背後，擇善固執？
十字架一定Part住那碗粥的啦。唔駛諗。
只能共患難，不能共富貴，經歷人情冷暖，才能對價值觀有更深既疑問。
國粵之間比較Prefer廣東話，感情Express得好D，
同埋唔知係咪同曲唔同詞兼唔同詞人，易家揚既好故事感覺，
周博賢既就有個思想空間，亦因為咁，第三組，亦係最深既核心，先可以帶到出黎=]

PS：廣東有D似「自言自語」@Mavis既感覺，國語就真係咩都諗唔到。
呢首歌既由低至高音，可以做到「由下而上」既「由自白到質問」，
對於純故仔既「感情裝飾」作用不大。

第三組：世態無常，暗角何時轉晴？[私隱線 x 烏托邦]
私隱線：別論記者事，放眼於民眾 - 面對日漸「透明」的世界，我們還有路走嘛？
烏托邦：忠忠直直，終須乞食，世界在走頹靡下坡，在黑暗的地域，光線在哪？
兩首編曲最落重本、歌詞最深既歌。

前者較輕鬆，曲風帶迷幻為既讓大家感覺自己置身地鐵既混混噩噩。
玩字Beat既Feature，一來要Hea出故事黎俾大家知發生咩樹，
二來又係玩層層疊，而家唔Hea，到左之後Chorus就一野「爆」出黎啦Bor*
一係「爆」人家既料，二係自己聽到D野之後D情緒係咁「暗爆」;
「頂，俾我休息啦，唔訓俾我休息下都好呀，你ｄ野關我咩事咩.......」
唔駛用Rock Beat，心裡面已經靜靜地問候緊人地個單位既所有人仔。
諗深一層：爆埋晒人地D無聊野而唔理他人感受既，同娛記有咩分別？
後者，嘩，重藥得你呀。
剩睇個曲，鋼琴點綴音X後面Effect玩懸疑，少少Lounge味完全配合City Stories。
詞初時比較彎，後面直到呢，留意下Kay段Rap，一來壓低左把聲，用聲線既轉變
(請大家留意次段個「爛」字丫唔該=))去講人性既扭曲，呢野真係呢。

另一下嘩既係，佢用呢個歌名同埋Chorus把聲好輕，
自滿、為利出發既係好「飄然」既「盛讚」既個人感觀，
但，曲High歌名靚既背後，「金玉其外，敗絮其中」。

第四組：心不隨境，跟從本我隨性。[入型入格X港女的幸福星期日]
入型入格：通識涉獵之餘，找出自己個性，才是「潮」的第一步：我們不是姿色份子。
港女的幸福星期日：Passively Active，隨意忙碌，便是福。
樓上o個組太沉重啦。D人怕怕Gar＊
搵返兩首比較輕鬆既歌仔調和下先=]

所謂「醉翁之意不在酒」，兩首曲都係型，但係詞同唱先係佢地既靈魂同賣點。

入型入格聽呀Kay講向SH致敬，但係只有電話聲先至諗到同SH有D關連。
首歌係型既，但係焦點，大家都估到啦，周博賢把聲 X 呀Kay 扮十八廿二 D「囉」.......

鴛鴦飯裡面，Chorus既唱法係飯底，只係音樂需要。
D電話Rap真係呢，笑到我。
「獨家試菜、十蚊菜同我的鐵蓋」，我噴~!!!!!!!!
一睇到「港女」呢兩隻詞，大家即刻會心微笑。「潮語」呀XDDDDDD
口哨x結他好清新，但一開Vocal，另一個女性自強歌，「團結就是力量」呀嘛XDDDDD
詞「生活」，但更重要係「生動」，「攻佔西武、殺埋街鋪」，字裡行間真係知你強啦。
另外有Part大家都要留意下既，就係後面既伴唱，全部都係呀Kay，扮年紀大、咬字唔正都一樣得，
有冇諗過玩配音呀？
噴位：「郭羨妮」同「阿曼尼」再加埋個「新地」，我爭ｄ笑到跌左落地XDDDDDD

最後一組：活在當下，放眼美好將來。[如花 X 十優生]
十優生：港女的兩面：雌威全才便是德。
如花：「總有出頭天」，只要用心，總有人欣賞，勿氣餒。
兩極化，有始必有終，有暗就肯定有光明。
與其不斷問問問，不如沉默是金，凡事用心。

如花Drums X Bass 製造Show Time感覺，
而Kay把聲@ 頭尾度亦用左比較「大動作」既音調/力度去「描寫」「如花」既衣粧神髓，
到左Chorus既「故事/教訓」位回復返本聲，用左Story-Teller既方式去勉勵大家=]
「其實我唔止講人，仲講緊你Gar XDDDDD」

至於股神，就直情用把較硬朗既聲線去出「主角」耍家本領。
唔駛再添加枝節，一野為姊妹們打氣。

Binary解二元外，還有二進位的意思。
由孩子變成母親，由女新銅到現在女歌手銅獎也到手，
她說的，除了情，還有的是，一個女孩看通、成長的故事。

愛、別離、留戀中、「不想放手」。

Tue, 15 Jul 2008 21:07:56 +0800

樂評勞動系列第二集。
未寫之前 - 收到兩極既評語。

陳奕迅蕃薯一號：幾好聽丫，我真係首首鍾意喎。
陳奕迅蕃薯二號：愈聽愈灰，好失望囉。
當然，更多人話：二十屆歌王到佢Ga La，落重注啦喂。

用得Stella So 劃香港式插圖，自然會想起集體回憶四個大字。
而每一首歌，用香港眼睇，用台灣眼睇，都有唔同意思。

一切只代表小寒立場，如有雷同，實屬冇獎。

音樂盒：回憶。
當光陰逐漸離去，我們可以幹嘛，除了思想，還有勸勉。

路一直都在：事實不能往後，就只有向前去。
起初聽第一個反應竟然以為係陶吉吉既歌。（噴）
唱得平板，但Chorus卻肯定，特別係後面既Vocal，好似一班朋友去Comfort你咁，
一齊捱啦，天無絕人之路既。

「我的夢代表甚麼　又是甚麼讓我們不安　That's just life 尋找夢裏的未來」
「沒有選擇的時候不能選擇的時候　永遠向前路一直都在」

可惜腳行前，思想卻固步自封，
離開人前自我築牆，繼續胡思亂想。

獨居動物：「自我」／「中心」的分拆：自我陶醉、「我係咁」。
跳脫既音樂，可以感到一個人隨Rap隨走走跳跳，所謂既「自由自在」。
連之後既Woo Woo Woo.....都係自己搞出黎既。
Pre Last既「發泄出來」既嗌，係一種解放既嗌，我嗌，故我在。
「也在寂寞的過著禮拜」呢句Hea D仲好。

倒帶人生：「自我」／「中心」的分拆：知其不可能，唯有用腦諗 - 由一間房開始。
方生落既曲好輕，純粹係(Piano Jazz X 結他)既極輕微版。
最重要既係詞。一個人既空虛寂寞，特別係中年宅男，被設定為被「感情傷害」既一群。
唔需要用力(甚至可以頹唱)，音樂同情緒、歌詞甚至力度既起伏，已經夠Express個思想同埋現實既落差，
蕃薯二號特登話呢首歌灰到爆，我反而仲覺得Bright，最少，佢肯從想像中「面對現實」嘛=]

「想到就很快樂　我真的知足　夠了
　想念不小心跳針了　別擔心了　都過去了
　時間不小心停格了　別在意了　會過去的」

Aren't You Glad：KO左感情問題，開始想起朋友既回憶。
好80'-90’英文歌既Rhythm，Suit返歌者既年齡。
與友好失去聯絡，你的一切還好嗎？
但最最最重要既心底問題係：你，還記得有我嗎？

另一種寂寞。

7：與其背著回憶，不如好心分手。
不斷既「忘記」，好似將一件件遺物掉進垃圾桶。
唱得都幾恰如其份既力度，實際既野好似都清晒啦，可惜大腦仲未聽話。

「如果我真的可以　忘記所有的過去
　我背起就是你」

之後既Wow Wow Wow，係繼續既嘆息，
「忘記　忘記」...... 革命尚未成功，同志仍需努力。

不要說話：把我剩餘的愛，送給遠方的你。
主要係結他同埋Beat，而Eason唱既聲線都係偏輕既，(Chorus都唔重得去邊@@")
音樂要輕，先可以讓對象聽到該堆說話的嘛。

「再大聲也都是給你　請用心聽不要說話」
同一個人講野，平聲已經好Okay了=]
PS：因為個曲風同唱既感覺太預期，想玩野既樂迷可能會覺得少少悶。

漂亮小姐：忘想過去，幻想現在，妄想將來。
深情男過後還是宅男。
把聲壓低左一半，為既係表現出夢囈般既「綺麗」@@"
「只好乖乖滾回自己的窩」，醒左之後，繼續自閉。

臭美：完美主義者在吹毛求疵。
幾Groovy，排比句同拍子既停頓比例幾夾，但係就不對我杯茶。

土星環：徹底地虛擬抽離之間，高呼時不予我。
Echo Effect 落得好輕，讓大家在初段發夢。
但到左中間既時候，開始嗌，「點解咩」「我唔制呀」「究竟有冇人聽到我講野Gar?」
連串既孤獨、混亂、茫亂，迫使佢問到呢條問題。

然後怎樣：我咩都做晒啦喎，仲可以點？
面對自己既時候，係最孤獨既。
路係一直都在，但係，無助既我，其實可以點行？
拉牛上樹，何從入手？

九粒字講完：搵人救救我。我就快死。

隻碟既整體性還好既。
灰同唔灰，其實一念之間。

只可以講一貫水準，穩穩陣陣。

Urban Emotions - 都市感性消費論。

Tue, 15 Jul 2008 12:37:42 +0800

次次我寫張軒既碟十次有九次係插既。
好唔好彩，我又黎無情的插花。

聽晒試聽，其實都知道咩事。
不過基於某D原因，決定當場俾機會佢，全碟聽晒先落評。

首先要拆解「How to Make "Urban Emotions"」。
點樣製造都市情感呢？張生用左三個元素去搞佢。
Latin、Lyrics & Jerald。

以下就係一個居於城市既女仔覺得佢夠唔夠都會啦。

他的故事 - 人地插死我愛死。絕對俾佢個班底玩殘左。
　　　　　雖然我鍾意到傻左，但係清醒過後，喂，全碟最Bright兼最冇CD Concept既歌。
　　　　你仲1St Plug？驚死唔Fake爆全世界人咩。

之後既「上」同「下」同我開左一個諷刺既玩笑。

願望樹上 - 咦？玩Latin？
如果他的故事係無私真愛，呢首就係忍唔住呻既時候順便良心發現。
曲夠新奇，但係詞太平凡，男女關係唔夠張力，唔夠「互動」，同酷愛差太遠。

櫻花樹下 - 如果上首翻酷愛，呢首肯定同笑忘書Compare。
首次轉調講出時代變遷，但真係「轉得多麼快」，蝕左一野Feature。
Interude係咁假音但隻詞既靈魂就@呢度，前OK後Hea，蝕晒囉。

中段歌不嬲都係重災區，唉。

隱形人 - 前段有魅力但唔夠勾引（後面氣聲破壞唔少感覺@@")，係Chorus先好返少少。
「自知未能鬥」既短Interude冇咩作用，停位唔夠長，轉咩調？
仲有，小心咬字。絕望「很」久／「一」方會走真係。

狐 - 係個伴音Vocal Suit返歌名而曲風都Suit返「繁華」呢步。
　　「是誰逼婚　是誰犧牲」呢下玩排比應該更肉緊D。

夜宴 - 齋曲感覺係對辦既。不過D字詞。爭D搞到我想講火星文。
　　　逝去的「紋」還好，但係「蚊」真係好想.....
　　　「鹵粗」/ 「生保」囉。一餐正常飯都應該唔會有啦。係後面少少哭腔救返d分。

      不過大排檔用夜宴一詞又係喪諷刺。

兩首曲唔差既歌俾D詞玩死晒@@"

酩酊天使。說實話，悼逝歌我期望一定好高。

　　　　　但係咁鬼高音既主調(留意首段次小節)Cum晒ｄ感情囉。
            個Chorus OK，重Beat落得唔錯，不過既BgVocal真係唔落較好。

　　　　　Interude既小提琴爭D攞我命，不過起初三粒假音大煞風景。

　　　　　同埋Last-Chorus太Rich啦，注目點放晒落曲度，你唱既力度先剛剛趕上首曲而已。

鬧鬼愛情 - 首段詞即刻諗起一首歌XD 唔夠無奈味道，不過係Nice Try既，後面放Electronic Rock 幾搞野。

不吐不快 - 一開首注視到係個曲。作曲者個人感覺太強烈。
　　　　　「吹水」/「哽」真係好想死。同埋無端玩長句。想點。
　　　　　意境同「追風箏的孩子」成個極端。書面語同口語互相分裂緊。
　　　　　不吐不快？似「嘔後吐真言」多D。

雪花抄。首段太簡單只顯到佢把聲單薄，係之後爆個電影感多少少。力量個字兩小句X2真係太累贅。

Deja vu 。慢歌始終比較穩陣。但首段後面既BG Cha Cha做咩@度劃蛇添足？

Hate That I Love You  (粵/國)。聽完十三首歌其實冇咩意欲去聽。把聲同埋曲係Match既，可惜太聽得出無默契。
　　　　　　　　　　　　  呢個合唱真太假。國語傳意能力仲差，歌詞問題。

吻得太逼真。終於到最後一首啦。算啦。可能我已經習慣左個頗大膽既詞既酷愛啦。
　　　　　　同吻吻吻吻吻真係唔夠愛愛愛愛愛咁響Gar。

綠色係我比較推介既歌。

到最後點解用呢個Title名？其實係因為一個現象。
我地聽到一隻好賣座既碟之後，自然就會對下一隻碟有期望同埋對該Artist有好感。
繼而只要正正常常已經OK。

可惜，於音樂水準同唱片整體Concept上，我仲係要求過高。

零七唱片自家選=]

Sat, 15 Dec 2007 17:55:37 +0800

口味唔狹隘．一齊選十大

假若「口味唔狹隘」表示了對各類音樂的包容，那這次的tag可能會成為了一次「圍威喂」活動。

規則：不限地區、不限BSP；選出本年度，你認為最佳的十張唱片（不限作品類形及Artist國籍），貼在自己的部落格上。並為每張大碟附上封面照，還有不多於三百字的評論。

而為了讓此次活動能夠廣傳開去，請同時請貼上此段守則及「貳零零柒‧拾大唱片」的原創圖片。並trackback敝網誌本post以作統計。

Trackback url : http://www.croworks.net/archives/2007/12/09/1925/trackback

-----

以日期序*
亦係啦。06-Dec To 07-Nov當07 =]
咁就唔駛等Word Of Slience la=]
(大麥兩位呀生你唔該Keep住質素。多謝合作=))

愛愛愛。方大同*

佢既音樂不嬲俾我感覺係穩陣既好，中西Fusion炒得喪靚。
有跳脫/甚至個人覺得少少佻皮既蘇麗珍，亦有說教得來二胡+音調西化之餘又人性化既GMR，
亦有中國詞風得黎唔似文學課本咁艱澀既詩人的情人，當然仲有母子情深既文字合作，
呢隻碟，其實可以成為各科既教科聽覺教材。

小寒鍾情* 蘇麗珍、Goodbye Melody Rose、If You Leave Me Now

Chapel Of Dawn - 麥浚龍*

鍾意程度：愛不釋手，難以自拔。
表面上係講心靈交戰，實際上講既就係我同你一樣，
會自主會堅強會優柔寡斷唔知點好會脆弱既人性。
匠心獨運、度身訂造既編曲，可Grand可Tricky，
想聽邊首，想做咩位，你鍾意就可以定奪。

小寒鍾情* 除左惡搞、Revisit同成仙全碟丫唔該!!

Process - 盧巧音*

愛有好多種，亦有唔同層次。
純真、懷疑、無奈......唔同既形容詞，@某個位都可能講緊佢。
七隻歌未必同歌者有咩關係，但係聽完呢隻碟，你可能陪著歌中既概念主角走過一生。

小寒鍾情* 千歲、圍牆、空白

十二金釵眾生花 - 陳輝陽*

都話我係一個「編曲+靚聲=投降」既人來。
仲要係講其中一個幾吸引我既Concept Tim*

音樂能夠帶出女性既千嬌百媚，
只不過剛強中帶點可愛Girly就係香港後生女既共通點而已=]

當然，你又可以冷洌中帶婉轉空靈啦*

小寒鍾情* 愛情動物、流芳怨、Vissi d'arte (I lived for art)

甜美生活 - 魏如萱*

適合有Style既打工仔女食完飯之後聽住音樂小睡充電用。

用紅封包試聽Add-On時已經迷上左。
兩粒字：舒服已經形容左呢隻碟。

下面呢段可以概括埋小寒鍾情Tim*
房間好Free Sweet、香水好重度既Addicted Fall感情觀、
女人經痛時既會心微笑、還有世界末日的某個角落既飄逸=]

09．18 - 不止18/22的失意故事。

Wed, 10 Oct 2007 01:31:21 +0800

一個新人，最緊要俾人認得。
有宣傳當然好，冇宣傳，靠口碑都應該有幫助。

唔係朋友強烈推薦，細公司旗下既佢，真係一不小心眼大睇過籠走晒寶。

真係似邊個，唔重要。受眾既然係知音人，當然以歌行頭。
歌者本身把聲幾清，成為左自己今年真金白銀第一炮關鍵。

輕鬆慵懶既開頭講出一個朝九晚六既「Morning娘」故事。
「鐘聲都要「敲」碎」，呢下力度真係讓人聽到主角「醒」左。
既然作為First Debut既第一首歌，比較舒服既曲式，
大把人都經歷緊既歌詞，確係容易被人受落。

女主角不停在「何時升得快些、飛得遠些」呢類問題中打轉，
結果把心一橫，選擇離開。

如果聽故事性同追求節拍感更強既，
「創業版」既開場白同個Track會更Arm你，
但於我而言，Original已經Arm Arm好。

夠強既Rock/Bass同聲音穿透力(甚至用到Echo)讓大家聽到個決定幾「發自內心」。
係一種呼喊，用「殺害/死」既重度語氣言詞去令到大家覺得，「撇低你」係幾咁必要。

兩首都係職場野，如果仲係學生既你可能未咁到位兼設身處地，
「寧願犧牲也與你以愛捐軀」好唔好？

用銅管樂器吹出黎既懷舊Feel再加兩下鈸同埋之後既Beats，
諗返起黑白片時差人同被追人仕既Hide & Seek。

被人逼迫既感覺，係一種病態既轟烈快感，
所以Chorus既Drums一起同埋「快慰」呢下似嗌非嗌，
一野俾人「豁出去」既放懷High Feel*

以物喻人再代入場景，
令「似曾相識」既Message有一種「與別不同」既感覺。
「再輪迴仍做錯」，Soft But Firm。

而「地獄少女」呢，亦係未盡係少女先會做既事。
講既係你同我都中既其一行徑：自閉。

劉華都有教：心善則到處天堂。
但係，「情緒壞，脾氣爛」，都係唔好拆毀別人好。
寧願苦中作樂。中間既Rock既係呼喊，亦係發洩。

開頭既迷幻，係以「虛脫」同「靡爛」描寫個情況出黎，
然後用Strong既自我肯定自己「唔Do」既決定係Arm既 - Chorus既後段講出左一切。

依然係職場後遺症。
諗通左咪得。最緊要自己接受到。

到左最後(唔計創業版下)既「忘記密碼」。
一貫既中版Rock，慢下來係因為講緊失戀既淡然悲傷。

當對方成為現在式，佢幫你Set既野，唔記得就奇。
但成為過去既時候，你一個人去記低呢隻符號，
當中既意思已經不存在，留下既，就只有記憶既刺。

冇戀愛咪做野麻木自己囉，冇工做俾自得其樂囉，
總有一樣自己存在既理由。

對於歌者，唱歌係佢既生趣。
咁你呢？

「酷愛」聽後感*

Fri, 17 Aug 2007 11:24:34 +0800

逐首逐首講*

酷愛* 做1st Plug有少少踩線既感覺*
初時一聽既時候覺得「嘩,唔大路Wor。」
曲既低沉程度係一個唔錯既亮點,
佢既低音本身都吸引丫=)特別注意係個Slow Rap,
於Pre - Last Chorus度落,在暗地裡既言語,
有將首歌總結之餘+埋後面既歌詞既思想既作用,
到左最後既Fade Out微聲,其實係一種沉溺,
於說話中間Cut得正路*

追風箏的孩子* 初段弦樂好悲,
起位既豎琴同埋偶句出現既Effect營造童話=)

但童話幾可有美麗結尾丫?
後面既「流沙」、「飄過」都係有「抓不住」既
結局......

後來既Chorus X 弦樂係豁達式輕柔，
第二段起既點綴音更讓人感覺到
「在記憶中已有最好」既快樂*

1st Interude係一種感謝位,好少情歌位會講
一對情人分手後仲為相識後仲會多謝對方
MSG夠正面丫=)

「開開心心向它憑弔」,呢首歌既String、
詞同歌者既唱法都演繹得到=)

迷失表參道* 有少少電影配樂=)
放輕到如果唔細心聽就好易俾重編曲蓋過左*
呢首2Nd Plug?!真係好酷*

次段既詞更加感到歌者既「飄」*
不一樣既閒適,既然「隨處是旅途」,
弦樂中既高音位@次段首Part少左,
更感覺到首歌既中心思想:「無重狀態」*

感情用事* 鋼琴感覺大路歌仔*
用一首大路歌去中和返前首歌既詭異感覺*

男孩最痛* 一聽已經覺得大路啦*
同之前既鋼琴Express位兩回事~*一甜一傷*

我的天* 因為知道會Plug所以講多少少*
首段次Part後面隻Beat對首歌作用唔大,
除左「回首」呢下之外,做唔到個特色之餘
唔知想點。

不過初Chorus位我的天收得唔錯=)
1st Chor位唔需要落得咁強*唔係好拉音,
但幾段唔同Chorus都聽到力度層次*

悔過詩* 落咁既名配呢隻曲......唔太Match*
(個人設定係比較哀既,首調落得太輕鬆啦*)
就算隱隱作痛都幾乎感覺唔到*
同埋歌者把聲可以再大聲D*
不過過門落Bass o個下落得唔錯=)
中西樂一齊都恰當*

悲劇人物* 用「悔過詩」黎配,感覺斷左。
試下用鋼琴間奏聽下會唔會更好=)
弦樂落得唔錯,不過後面Chorus曲位略嫌平淡*

遙吻* 咦,Intro感覺好熟,但講唔出口係咩。
又係大路歌仔,有個Effect有少少落雪感覺=)

放榜* 歌詞正面之餘,Oten既Rap錦上添花,
+強左音樂元素,「總不會自然」
既Effect有倒叙回想Feel*

最鍾意頭兩首。
感覺到隻碟有少少「無用多怨了期待一天開竅」
既豁達感覺*
曾經失落、曾經悲劇、曾經沉溺.....
「酷愛」係故事既開頭,但係「放榜」
係可以用另一個角度去睇人生失落既事情......
而「放風箏的孩子」更是一個Good End*
唔一定要好結局,對大家好既分開都唔錯丫*
(有閒時不如Plug呢首,真係好聽,唔係講笑^^)