創樂人誌@November - 蔡德才*

Tue, 22 Nov 2005 20:28:50 +0800

今日既叱吒樂壇提過一樣野，就係「基本意境」。
而呢個詞語，又提起我那未完成的「創樂人誌」。

唔知點解，蔡德才寫既野下下都好有意境。
好記得佢二千年既普普樂團既「普普洗衣店」，
唱完，嘩，洗衣機滾筒聲，好生活化。

我自己將佢既創作分成兩類。
雖然都係一字記之曰：濃。

Type A:佢既歌好鍾意用Effect/樂器做到首歌好Through*
         兩條背景音樂主線，一個實一個Flow，大Beat拉起兩三個細Beat*
         後線一係用鋼琴既輕音，一係就用Vocal托高佢。
         「小王子」、「下一站天國」都係咁＊

Type B:Relaxing Hae聲。呢種音樂多數會o係一D特別既題材上出現。
            例如「色情男女」、「難得好天氣」咁，落既迷幻底好重藥，
　　　  甚至用到Effect執人聲，令人感覺如墮五里霧中。

其實佢仲會玩一樣野，就係會利用Last Chor既突出音
(即是「跳幾世紀的舞」呢類)去搞Ｄ女歌手*
例如「數你」咁，係會有扯音既出現*

AnYwAy，你會聽到佢操刀既歌，無論個詞點都好，都會先俾個Music吸左佢。
因為我都曾經講過，濃既野，始終比較會引人注意多ｄ。
(除左呢堆歌，自己都好喜「小飛俠」，大家可以一聽*)

創樂人誌@十月。王雙駿*

Mon, 24 Oct 2005 20:21:02 +0800

佢係一個玩野既音樂人。
聽佢既編曲，就會知道，音樂，邊止咁簡單。
大路歌確係有唔少，好似「1874」、「邊走邊愛」、「愛人」、「最後一課」
呢ｄ都有，而且叫好又叫座～
但係，佢既賣點，始終係不甘平凡既特別野。

佢肯學、肯變、仲肯試＊
因為肯學，所以佢由信差升到保母再變創作人，
因為佢所認識既人同聽過既音樂，明白到大眾同埋特色，
唔係矛盾，兼且可以並存，
唔可以一成不變，因為，突如其來的變奏，才能寫到永恆既經典，
雖然少左寫歌，但o係有限既編曲中創造無限，先可以令到本來已經好好
甚至平平無奇既歌仔，變得更加精彩／見得下人。

難怪，Remix呢家野會流行。因為只要用既野唔同，就算同一首曲，
都可以由無咩野變到嘩嘩聲。

個人比較留意既作品＊

PG 家長指引 ~ o個下「你要陪住我」真係好哀怨Feel......聽聽下真係毛管棟@@
                        初時只不過係個電結他 + 「招」Effect 而已,
                        但係Edmond o個下延拉音真係......
                        (你會聽到呀Carl既歌唔多唔少都+ Effect 既,
                        例如「我的世界末日」 (聽講係抄歌><)
                        同埋「隨意門」都係一個例子。

潛龍勿用 ~ 我中文差，到而家都唔明呢四個字點解。
　　　　　都係電結他，都係壓低聲，
                  但係留意個唱法同Beat，係遞進咁爆出黎既，
　　　　　聽住呢下，你都明個「潛龍」基本Concept係咩Gar....@@

Mr.Cool ~ 既然係玩，不如提首冷門野。
　　　　成首歌用左City Rhythm 去做主導，
            但你會聽到古生初段係用Rap去形容到「冷」既感覺。
　　　　呢首歌同「孤戀花」既「冷」唔同，呢首係「山崩於前而不動」既「Cool」
　　　　同後者「無愛亦無我」既（Chinese「冷」）係唔同既～都係City Rhythm，
　　　　不過一個喇叭、一個古箏，即時唔同晒～

心眼 ~ Intro個男人講野真係好電影感......
         臨入既Piano Chord + Yumiko既聲令到個懸疑位更出～
　　　(一個好既監製，係應該利用歌手既聲線去令首歌更有感覺)，
         到左個Pre - Last Interude，你會聽到個緊湊位；
         而今年既「想」，你亦聽到佢用氣聲，令到個幻想空間更出既。

謫仙記 ~ 同「孤戀花」一樣，都係禪意重，但係一個踏入空門，一個卻樂於降俗，
            而佢就用左一個偏India既音樂底，去呢下「自渡渡人」既中心～

抱抱一個人 ~ 之前既「抱抱良音」可能係聖誕關係，
                     所以會用「修女也瘋狂」既Gospel唱法，
　　　　　　到左今年既「抱抱一個人」，你會聽到係Casual左，
                     但係佢都會用返喇叭去做返「情緒高漲」既共鳴渲染，
                     令到首歌更+ Touching......*

創「樂」人誌：七月號 - 姚謙。

Fri, 15 Jul 2005 14:16:51 +0800

前言：
呢個野唔同「今期開講」，因為呢個係講華語創作人既音樂，而唔係講星。
希望大家會對每一個華語創作人有更深既了解。
大家亦可以ｐｍ意見我，睇下大家想我開邊個創作人，咁樣大家可以交流下丫嘛！

佢係某唱片公司既高層，捧紅過唔少識唱歌跳舞既人。
佢既詞，應剛則剛，應柔則柔，不過都係偏柔。但佢係一個男人。
爆了解女歌手心態，所以寫出好多有關情感既故仔。

又俾下一Ｄ佢既報導大家睇。

「唱片圈裏，姚謙有著雙重身份，一是出名的作詞者，一是唱片公司的總經理。創作者和管理人向來難以相容，姚謙卻把兩種角色扮演得稱職且出色。而他在流行音樂界更受到稱許的表現，則是他以絕佳的溝通能力和無比的耐力，成功把諸多歌手推上事業巔峰。

姚謙進入流行音樂並不順利。台南昆山工專畢業之後，他沒能進入唱片界，卻在汽車公司找了份汽車展示員的工作。“賊心不死”的姚謙一次機緣巧合終於進入了當時編制不到十人的海麗唱片，身兼企宣和製作的他在很短的時間裏做紅了江玲、楊海薇等人，一年後，他跳槽到點將唱片，“點將”全盛時期張清芳、江蕙、江淑娜、伍思凱的專輯。之後他又轉戰新力唱片，締造了李玟、庾澄慶的王牌神話，一場又一場的聽覺戰役讓姚謙敏銳的音樂嗅覺和運籌帷幄的協調功力在唱片圈打響了名號。

從小聽西洋、國語歌成長的姚謙對唱歌一直懷抱情愫，他認為唱歌蘊藏的音樂生命濃厚，只不過要重新包裝編輯成現代的語言。在當今眾多的詞作者中，姚謙的歌詞獨樹一格，他擅長描繪情境式的情感，讓歌的意境多了景象的空間，柔美細膩，像《我願意》和《味道》就是代表。兩年前，維京唱片在台成立分公司，背負公司成敗壓力的姚謙曾歷經生命最悲慘的陣痛期。《秋天別來》這首歌詞就是他當時的心情感受。累積了近四百首歌詞的姚謙，至今仍堅持每天創作，蔡健雅的《紀念》和《TRUELOVE》雖然不是維京出版的歌曲卻是姚謙最得意的作品。」

佢慧眼識英雄，但一切其實毀譽參半。
EMI既轉營，我相信唔係佢既錯既。只不過佢要間公司音樂轉營Je,
而家既No Name、張宇、趙薇都Ok ar~*
Although我始終有少少覺得，Elva係因為佢而離開Virgin既。唉。

其實，身為唱片公司既人，應該會明白市場需要，因而寫出更迎合樂迷既歌詞。
佢既成功，與呢個因素不無關係。

佢本身既重要作品：「至少還有你」、「我願意」（呢首唔講都唔知係佢手筆）
我自己好鍾意既：「陌生人」、「天使暫時離開」、「分開旅行」、「留給你的窗」

「創樂。人誌」二月號：藍奕邦

Tue, 22 Feb 2005 13:16:39 +0800

鍾意佢既原因，純粹因為歌詞。
唔係一味死情死愛，有啟發、有意思，比一切都好。

或者，我地都想要一壺水仙。
表面睇，樸實無華；
聽過後，留有餘香。

留意作　－　自知之明／熱帶魚
一開頭已經覺得呢個男仔寫既野好有創意，不但止用左自己黎做題材，（自）
甚至去運用自己既天賦去寫身邊事，去睇而家既香港點樣點樣，（熱）
已經睇到佢詞既廣闊性。

癲愛作　－　舊日回憶的山丘
呢首歌無野講～悲得黎都有Ｄ正面。
既然一切都不同以前ＬＯＲ，咪算ＬＯＲ．．．．．．
記得Ｄ快樂既野，總好過俾傷痛回憶折磨自己．．．．．．
同埋運用左唔少側面例子，例如現代城市發展、華盛頓斬樹．．．．．．
令到首詞Ｒｉｃｈ左唔少。

估唔到作　－　含蓄
絕對冇諗過寫野咁Ｐｏｓｉｔｉｖｅ既男仔寫得咁型．．．．．．
將男女關係寫到咁大膽同ａｄｕｌｔ呀＊縱使已經改左唔少露骨字眼，
但都好十八＋ｌｏｒ．．．．．．（ｅｓｐｅｃｉａｌｌｙ　你去用常言道去比，更加明顯ｌｏｒ，
都係同一個人既創作ｊａ　ｍａ）

「創樂。人誌」正月號：小寒

Sat, 29 Jan 2005 13:06:52 +0800

佢，係一個有細路既新加坡作詞人。
如果唔係聽得多Tanya既歌，我都可能唔知佢係邊個。

點解鍾意？
佢既詞好女性化，但寫出既感覺係好理性，輕描淡寫得黎一矢中的。

留意作：無底洞
好鍾意佢一句：「嘗試親吻嘗試擁抱或溝通　沒有好感再嘗試也沒有用
大多數人都相同　喜歡的只是愛情的面孔」
冷靜得黎，你又唔可以唔認自己係ｂｏｒ＊

癲愛作：假想敵
人地話：「愛既反面就係恨」，而恨，亦都暗藏住一ＤＤ愛。
你唔關心佢，點會咁注意佢丫？
而佢寫ｏ個種「想做陌生人，但又做唔到，結果連曾經既思想都係自己既敵人」呢隻Ｆｅｅｌ
比喻得好好，ａｔ　ｌｅａｓｔ　好多重精神分裂先呀。

估唔到作：我的愛
我初時覺得係Ａｐｒｉｌ既手筆，因為個感覺好Ｗａｒｍ，人物既不捨性好重，
但係我又唔知點解下下都想喊－－－－
點知今日睇返，唉，原來係小寒既，唔怪得下下搭車聽親都死晒啦！