January 23, 2007

搬家啦～

不喜歡被強迫搬了家後天空部落的使用介面，所以決定搬去鮮奶ｂｌｏｇ啦～

去呢樹啦－＞http://sasalad2.mysinablog.com/


Posted by sasalad at 天空部落 │00:29:18 │ 回應(0) │ 引用(0) │生活鎖事

December 20, 2005

黎明番屎

夜晚放工乘火車回家時，坐正一個儍佬隔離，一開始己經覺得他怪怪的，２００５年還拿著一個ｗａｌｋｍａｎ開得大大聲的聽著錄音帶，還左按右按咔咔聲，然後又收起了ｗａｌｋｍａｎ而拿了一個錄音機出來播錄音帶，全車的人也呆了一呆地望望他，全程不停的播“愛是沒名字的歌，留給這世上無名字的你～～”“送你一瓣的雪花”“Ｉ　ｌｏｖｅ　ｕ，你可否聽見嗎？”，好一個黎明番屎哦！！幸好直到我下車，都再沒有什麽嚇人行動，噓～抹一額汗呀！


Posted by sasalad at 天空部落 │00:36:17 │ 回應(0) │ 引用(0) │生活鎖事

December 15, 2005

拔絲維他奶

晚上到了尖咀的北京樓吃晚飯，很久很久沒有吃過拔絲香蕉了，對上一次，己經是在旺角吃ｐａｔ絲香蕉了…雖然這次的是一舊而不是一ｐａｔ，但一條絲也沒有，還是有點失望呢～ 吃完晚飯，去了海港城外影燈飾，沒有想像中的靚，紫色的聖誕樹及佈置再加大型水晶燈，感覺很婚禮，都幾特別既，不過可惜見唔到佢ｄ機關開動～ 一支暖笠笠的維他奶，原來可以咁好飲既，真的好～好～味～哦！！


Posted by sasalad at 天空部落 │16:30:57 │ 回應(0) │ 引用(0) │生活鎖事

December 13, 2005

聖誕飯

今日公司吃聖誕飯，每人獲派紅衫魚利士一封 + 六合彩一張用來玩ｂｉｎｇｏ，但可惜冇樣中…而抽禮物呢，本來抽到個ｐａｔ翠哥士銀包，不過其實唔太岩用，碰巧有個太太同事抽到條ｖｖ銀頸巾，咁岩佢又唔太岩用而我又鐘意喎，仲要佢又鐘意我個銀包，結果大家交換了真好呢！還記得上年抽到了三舊辦工室用品激鬼氣，幸好今年的禮物岩心水打個和啦～


Posted by sasalad at 天空部落 │22:45:52 │ 回應(0) │ 引用(0) │生活鎖事

December 10, 2005

執衣櫃

天氣越來越凍，襯假期來替衣櫃換換季，發覺原來我真的有很多衫，有些連牌也沒有剪，但其實己經不會穿了，有的則買了很久雖己不會穿但又捨不得掉，對著這個迫爆衣櫃，真的很苦惱哦！結果左執右執，選了一小堆衫來掉，騰出點空間來置新衫，再執拾下一雜亂的房間，這樣又一天囉～


Posted by sasalad at 天空部落 │22:56:51 │ 回應(0) │ 引用(0) │生活鎖事

December 9, 2005

路癡

今天晚上本來約了友人去卡啦ｏｋ，但因為遲放工的關係而沒有出席，結果去了等拳惡人打完拳齊齊吃晚飯，其間接到舊同事電話，剛巧她在公司附近，於是乎大家見了個面吹吹水，說說阿姐的衣著如何難頂、一些經典語錄等，笑爆咀～ 吹完水後，就去找拳惡人吃飯，邊走邊說要開始努力嘗試去認路，結果…方向感這個東東，大概是天生的吧，實在無辦法分得清楚那條路打那條路哦！我看還是靠搖控地圖及人肉盲公竹算吧～ ^^"


Posted by sasalad at 天空部落 │23:28:56 │ 回應(0) │ 引用(0) │生活鎖事

December 8, 2005

聖誕禮物

下星期公司吃聖誕飯，每人獲派五百大元買一份聖誕禮物作抽獎用，於是乎這天放工，便約了拳惡人到沙田去買禮物，其實心目中己有方向，就是去痾域準買禮品套裝，護膚品比較皆大歡喜，記得上年有人買高達、ｃｄｗａｌｋｍａｎ、被舖，結果抽中的人媽媽聲，而護膚品，應該不會被媽吧！逛了一圈，找到了剛剛好五百元的東東，嚧～搞掂！

買完禮物，周圍逛逛，然後便去吃晚飯了，本想去維園吃個扒，但原來己關門大吉，想轉去意粉屋，但又要等若干張檯，最終去了對面的Ａ１，味道一般，好像比以前差了，還是它的朱古力麵包最好吃～

Posted by sasalad at 天空部落 │23:31:16 │ 回應(0) │ 引用(0) │生活鎖事

December 2, 2005

今日語錄之閒日

D：阿妹，點解你咁鐘意請閒日放假既？

妹：…咁我地係閒日先請放假架麻…

M：咁又係喎,我地唔會請禮拜六日放假架喎～

妹：係囉,所以我唔知點答你呀～

D：唔係呀…我指閒日…係唔痴住假期…個d閒日呀…

原來一星期只得二三四係閒日黎架，同請假係唔應該請閒日架，係要請假期黎放假既，勁！！

Posted by sasalad at 天空部落 │00:18:30 │ 回應(0) │ 引用(0) │生活鎖事

November 22, 2005

小巴

晚上放工去撘小巴回火車站，因為是總站的關係，為左可以讓上火車站途中等車的人上到小巴，所以小巴只坐１４人，留空兩個位子給中途乘客，小巴到時，剛剛好我是第十五個，要等下一架，誰知排在我後面的阿叔衝前想上車，結果當然給那裡的服務員截停了，然後那位阿叔就開始咇哩巴啦的在駡

“點解唔比我上車呀？仲有位喎！”
　“呢到寫明為照顧中途乘客所以要只上１４個人既”
“但係仲有位點解唔比我上車呀？？！！”
　“我地要留空兩個位比中途站既乘客”
“咁仲有位做咩唔比我上車呀下？？你咩名呀？”　（下一架車黎緊）
　“先生可以上下一架車架喇”
“但係頭先架車有位點解唔比我上呀？我要投訴你，咩名呀你…（下刪３百字）”

人地都係打份工啫，況且人家真的寫明總站只上１４人，都唔明點解ｄ人點極唔明，咁唔化既？仲要邊鬧邊企正正小巴門前唔比在後面等候既人上車，等緊既人己經係到話“唔上唔好阻住啦…”，但照係咁問“點解唔比我上車呀？”，睇見都炆！好彩我當時坐在小巴上睇啫，唔係企係後面等～

Posted by sasalad at 天空部落 │23:26:38 │ 回應(0) │ 引用(0) │生活鎖事

November 21, 2005

納悶星期一

星期一，超納悶，要好的同事這星期ｌａｓｔｗｅｅｋ，之後我便要變成孤兒仔了，少了一把同聲同氣的口齊齊駡姐駡個夠，加上老細返美國後很多問題己搞定，工作較清閒，完全無心機工作，不停的望天打掛望鐘等放工，不停的在望２００６年年曆盤算著何時遞辭職信最無蝕底，大概應是２０／２吧，那這一個月通知期間只需返２０天工就可以了，哎呀呀～很想快點過年哦！！


Posted by sasalad at 天空部落 │22:22:18 │ 回應(0) │ 引用(0) │生活鎖事

November 19, 2005

電髮哦

今天終於去了電髮囉，因為ｆｕｌｌｂｏｏｋｉｎｇ，所以要等到７點才可以去髮型屋，之前就週圍逛逛，去看電話啦看ｉｐｏｄ啦看玩具逛寵物店，逛到夠鐘才去整頭，本打算坐３，４個鐘，點知…一坐就到６個鐘喇，由７點開始卷髮芯落第一次葯水落第二次葯水然後沖水再染髮根等等等再染髮尾然後又沖水做焗油再沖水最後略略收剪一下，弄得我也有點不好意思呢，打搞人家１時多才有得收工，可憐身邊呆坐６小時餓著肚子捱著眼訓等我的拳惡人，換轉是我，我會這麼有耐性麻？可能己經脾四中了：Ｐ 謝謝哦 ～


Posted by sasalad at 天空部落 │02:47:34 │ 回應(0) │ 引用(0) │生活鎖事

November 12, 2005

電髮呀我要電髮

本來今日打算去整頭髮，起身梳洗好打比拳惡人，打算叫他替我致電給髮型師預約，點知冇人聽，再打冇人聽，再再打冇人聽再再再打先有人聽，不出我所科係訓緊覺…妖～我頂丫！ 結果冇去到整頭髮，其實只是很少事，但心情煩躁，所以還是妖～我頂丫！


Posted by sasalad at 天空部落 │21:36:25 │ 回應(0) │ 引用(0) │生活鎖事

November 7, 2005

種子

今日下午番緊工做到一隻野時，收到拳惡人來電，說找到種子，哈～竟然有人上班時候這麼閒去找種子，真羡慕哦，還得戚地說找到２粒，唓～好叻咩～
不過小水滴今天似乎死了…ｌｏａｄ唔到哦，搞咩呢？ 放工後夜晚去左打羽毛球，累屎哦！



Posted by sasalad at 天空部落 │23:38:56 │ 回應(0) │ 引用(0) │生活鎖事

November 3, 2005

好

原來還記得麻？同樣的問題換我來問沙ｂｅ，她給我的答案，和我的，大概會是一樣吧！放心啦～好好 ^_^


Posted by sasalad at 天空部落 │23:04:03 │ 回應(0) │ 引用(0) │生活鎖事
回頁首▲