《冬季戀歌》導演尹錫瑚執導的KBS電視2台電視劇《春天華爾滋》16日播放了大結局第20集。但是，當天的收視率僅達8.8%。從該劇剛開始播放就反映冷淡的觀眾直到結束也沒有表現出過多的關注。

        該劇作為尹錫瑚導演執導的季節系列劇的完結篇，在播放之前就成為人們談論的焦點，但結果卻非常不盡如人意。而且，已經針對日本等地的韓流市場作了周密的籌畫，並從播放1年前就開始攝影等，在完善該劇方面下了很大功夫，考慮到這些，更令人感到惋惜。

        《春天華爾滋》之所以取得了令人意外的不佳戰績，最主要的原因可能是觀眾對尹錫瑚導演獨特的抒情性質沒有產生太大的共鳴。廣播界的一位業內人士說：“圍繞被兒時記憶所困擾而眼淚汪汪的主人公展開的故事現在已經不被觀眾所認可。隨著電視劇收視率的主導權轉向40歲以上主婦，最近又重新開始強調情節，而不是影像，但《春天華爾滋》卻向著相反的方向前進。”

        主人公全部採用新人也是令人遺憾的關鍵一點。在以前的幾部季節系列劇中，演員都具有一定分量，如，宋承憲、裴勇俊、崔智友等，但該劇中沒有這樣的演員。另外，在該劇播放期間，主角徐道營還受了傷，導致該劇停播一周，使劇集的連貫性再次中斷。

《中文朝鮮》

<春天華爾茲> 開播前本來呼聲都幾高，但無奈4位主角入面3位都唔係有名演員，於是注意力全部落哂係演PHILLIP o既 Daniel 身上。有睇過金三珣o既對Daniel都唔會感到陌生，不過佢係三珣入面全程講英文，今次係<春天> 要講埋韓文對白真係好唔簡單，見到嘔d韓文出黎真係有d「辛苦哂」o既感覺。不過可惜o既係做男二號注定都係苦戀，Phillip最後係劇中都係失戀收場。

其實收視慘淡都唔係事出無因，事關一出就對住金三珣入面演熙真o既鄭麗媛拍住金來沅同埋FULL HOUSE 導演 o既 <你來自哪顆星> (於mbc 上映)，注定冇運行。其實而加韓國個邊都唔太興慘情婆媽戲，<星> 雖然一開頭都係慘情劇做引子，但係途中就爆出唔少笑料，再加上同FULL HOUSE 風格完全一樣O既OST，而鄭麗媛同金來沅人氣又強好多...真係好難匹敵。

嗯，可能大家都知<春天> 係著名導演O既作品，呢位導演拍過藍色生死戀 (原名秋天的童話)、夏日香氣同冬日戀歌，其中兩套都係勁收得。可惜<春天> 就不如理想，最大原因當然就係呢位導演死都要堅持O既淒美感，一開頭就已經要呢個死，果個病咁....實在唔係太得。之後就繼續上演兒時玩伴大個唔認得對方O既情節..真係老土到令人呆哂。可能導演都知咁樣O既劇情唔太得，所以成日有意無意就加了Daniel 出浴戲，做gym，跑步之類....我自己就覺得認真刻意..特別係完全影響到男一o既地位，同男一女一o既感情線發展。

不得不提就係播放途中發生Daniel 係拍攝時打碎男一徐道營面骨o既意外，韓國同香港唔同，係一路拍一路播，所以發生意外後，就要停播一星期，一方面d人話係宣傳策略，另一方面又話斷左連貫感直接影響收視。點都好，反正就係唔收得，都係各種理由做成o既。

老實講，我自己就幾鐘意睇，雖然次次見親d老土劇，同埋Daniel 係到刻意被安排賣肉時，都會有點無奈，但呢位導演又的確係拍得好靚，OST今次亦做得不錯，雖然冇冬日戀曲中咁強勁O既Ballad，但今次配番一首甜美o既theme song，都幾襯春天呢個主題。

有興趣的話，為你簡介一下劇情: 話說一個男仔守虎，細細個就跟住爛賭呀爸四處流浪，最後番番去爺爺o既家-- 青山島，可惜爺爺死左，呀爸又走佬，於是就寄居係一個寡婦屋企，呢位寡婦有個女叫恩英，恩英自小有病，要儲錢出城做手術。不過當守虎o既呀爸番黎青山島時，就將佢地儲埋o既錢偷左然後走佬。寡婦出城搵佢，點知又撞車死埋，呢個時候當然係一不離二，二不離三，恩英又病發，唔做手術就會死。守虎同恩英感情好到似兄妹一樣，同時又好自責，覺得係自己害左恩英一家，於是就做一個有錢人o既養子，代替佢死左o既仔，從此要忘記守虎呢個身份，長居奧地利做鋼琴家。好，時間話咁快就過左n咁多年，守虎以在賀呢個身份與恩英相遇，可惜兩個人都唔認得對方，只係有似曾相識o既咁感覺，好啦，終於就有可歌可泣o既感情線。而例牌地男二就鐘意女一，女二就鐘意男一，兩個三角關係。

四位主角其實都唔錯，當然男一徐道營係狠狠地俾daniel 比下去，但都唔差o既。女一我就非常鐘意，雖然唔係話非常靚，但就好純好特別o既感覺，成日著住青綠色o既衫，非常靚~ Daniel 可以唔洗講，全程都係食住靚仔痴心呢條喎，玩哂。女二就，俾人印象唔深...但都有一個重要o既地位o既．．．其餘配角十分正，但你會覺得好熟口熟面，因為全部都係藍色生死戀，冬日戀歌或者大長今見過。

音樂: 春天華爾玆 ost - Loveholic - One Love