~ Silvia's Wonderland~

繼上次的茄汁豬扒飯, 今次焗了白汁雞肉意粉~


事源星期五整朱古力蛋糕, 餘下了一大瓶鮮忌廉, 最好當然就是用來煮白汁啦! 
沒有特定的食譜, 都是靠經驗~



一邊煮意粉, 一邊煎雞肉及其他配料.
兩者在相約時間內完成, 然後拌勻放入焗盤

然後煮白汁. 煮白汁有不同的方法, 網上一定可以找到很多食譜.
而我用了25g牛油, 2湯匙麵粉, 500ml 鮮忌廉及1 1/2湯匙雞粉
 (都是就地取材啦~ 簡單方便~  )



淋上白汁後, 再鋪上芝士. 今次沒有用即磨的, 改用了芝士片~





焗至芝士燶燶地, 就ok 了! (很明顯熱力不太勻稱.... )



Yummy~~

我也不想這樣

食完日本野 + pizza, 就梗係去下一站....甜品啦!!!
係 Boardway 附近有一間好出名食西班牙Churros 既店舖, 之前都聽jen 講過架喇, 不過好日都真係唔會去個邊, 所以今晚順利成將就去個度食喇! 真係夾都冇咁岩呢~ hehe

間鋪真係好好多人呀~~~ 我地本來都要買外賣 (天啊~ 點解今晚成日都要外賣?!!), 但好彩係落order 前最後一刻, 俾醒目既 connie 搵到位呀~~ 呵呵~

呢度最出名就係食呢款叫Churro 既西班牙甜點, 食既時候點朱古力, 有white, milk, dark 任揀~ 味道有d似我地既牛脷酥, 而且非常鬆化~ 而佢一條條咁炸又真係似油炸鬼喎~

就係呢度專人新鮮即炸即食!

connie 既 熱朱古力! 可惜我太飽飲唔落喇, 下次一定要試!!

jen 既 Cappuccino 都好吸引呢~~

仲有好多款朱古力甜品架~~





下次我一定要試呢個叫 Tapas既拼盤! 咩都有d, 岩晒貪心既我~ wahaha~

 
 
 
 



San Churro website

今晚又約左幾位好姊妹去食日本野, 但真係勁搞笑, 由堂食...

變左要打包....究竟點解? 睇埋落去....

今日呢間日本餐廳 JuJu真係好耐好耐冇去, 都有好幾年. 不過格局依舊, 而且都係咁多人, 唔想等就一定要訂位喇~~ 餐廳係唔俾客人著鞋入去的, 所有人都要係門口除鞋放入膠袋然後埋位. 

由於我地去到附近都已經夠鐘, 所以我同 Janice 就去攞位先, Connie就陪Jen搵位泊車. 因為見佢地都幾多人, 怕d食物會好耐先上, 所以未齊人我地兩個就order定左d野食, 齊人再睇下加d乜. 

我地叫左我同 jen 既至愛 - Beef Tataki. 嘩~ 好紅呀, 岩晒!!

我最愛既 Takoyaki, 同芝士一齊焗, 同平時既唔同, 幾特別~

鰻魚梗係唔少得啦~~

仲有燒牛脷~

點知d食物好快就上晒, 而佢地都仲未到,  原來搵唔到位泊車~
等下等下...個 waiter 都走黎問我地, d朋友仲未到呀? 我地兩個女仔對住4碟野食又唔食, 又要坐對住門口喎, 個個都望住晒, 都幾奇怪.
我地足足等左45分鐘呀! 最後決定將d野食打包走人, 因為真係泊唔到車!
有位食野, 反而冇位泊車, 搞到要打包d野食, 我諗真係都冇人試過!!! 呢個經歷真係又無奈又搞笑!!

咁拎住d外賣去邊度食好呢? 好彩 Boardway 既 foodcourt 仲開, 而我地仲叫多左個pizza~ 呢個羊肉 pizza 好好味呀~~

其實食邊度食同食乜都冇所謂啦, 我地都一樣食得咁開心!

Ju Ju
Kingsgate Shopping Centre
Shop 320, Bayswater Rd
Kings Cross NSW 2011
Phone (02) 9357 7100